10/05/2026
جب ریڈیو خاموش ہو جائے تو کنٹرول ٹاور کیسے بات کرتا ہے؟
ہوابازی کی دنیا میں پائلٹ اور کنٹرول ٹاور کے درمیان رابطہ عموماً ریڈیو کمیونیکیشن کے ذریعے برقرار رکھا جاتا ہے، لیکن اگر کسی تکنیکی خرابی، ریڈیو فیلئر یا غیر معمولی ہنگامی صورتحال میں یہ رابطہ منقطع ہو جائے تو ایسے وقت میں پائلٹ کی رہنمائی کیسے کی جاتی ہے؟
ایسے حساس حالات کے لیے عالمی ہوابازی کے ادارے International Civil Aviation Organization نے ایک بین الاقوامی بصری نظام متعارف کر رکھا ہے جسے Light Gun Signals کہا جاتا ہے۔ یہ ایک طاقتور فوکسڈ لائٹ بیم ہوتی ہے جسے کنٹرول ٹاور مخصوص طیارے کی طرف نشانہ بنا کر استعمال کرتا ہے تاکہ صرف متعلقہ پائلٹ ہی ہدایات وصول کرے اور دوسرے طیاروں میں کسی قسم کی غلط فہمی پیدا نہ ہو۔
یہ بصری اشارے دنیا بھر میں ایک ہی مفہوم رکھتے ہیں تاکہ زبان، ملک یا ٹیکنالوجی کی رکاوٹ کے باوجود ہر پائلٹ درست فیصلہ کر سکے۔
🟢 مستقل سبز روشنی (Steady Green):
یہ اشارہ اس بات کی اجازت دیتا ہے کہ رن وے محفوظ ہے اور طیارہ لینڈ کر سکتا ہے۔
🟢 ٹمٹماتی سبز روشنی (Flashing Green):
اس کا مطلب ہوتا ہے کہ واپس آئیں اور لینڈنگ کے لیے تیار رہیں۔
🔴 مستقل سرخ روشنی (Steady Red):
یہ دوسرے جہاز کو راستہ دینے یا انتظار کرنے کا اشارہ ہے۔
🔴 ٹمٹماتی سرخ روشنی (Flashing Red):
یہ واضح وارننگ ہوتی ہے کہ رن وے محفوظ نہیں، اس لیے لینڈنگ نہ کریں۔
⚪ مستقل سفید روشنی (Steady White):
یہ طیارے کو پارکنگ ایریا یا ایپرن کی طرف جانے کی ہدایت دیتی ہے۔
🔴⚪ سرخ اور سفید ٹمٹماتی روشنی:
یہ انتہائی احتیاط اختیار کرنے کا بین الاقوامی اشارہ ہے۔
یہ سگنلز عموماً رات، دھند، کم روشنی یا کم visibility والے حالات میں استعمال کیے جاتے ہیں۔ Light Gun اتنی طاقتور ہوتی ہے کہ پائلٹ اسے کئی میل دور سے بھی دیکھ سکتا ہے۔
جب پائلٹ یہ سگنل وصول کر لیتا ہے تو دن کے وقت جہاز کے control surfaces جیسے Ailerons یا Rudder حرکت دے کر، جبکہ رات کے وقت جہاز کی lights blink کر کے acknowledgment دیتا ہے کہ پیغام سمجھ لیا گیا ہے۔
اگرچہ جدید طیاروں میں متعدد backup communication systems موجود ہوتے ہیں، لیکن مکمل برقی ناکامی کی صورت میں یہی بصری اشارے محفوظ لینڈنگ کو ممکن بناتے ہیں۔ ✅
Arman Travels
