Walid delivery 25

  • Home
  • Walid delivery 25
Call Contact the business

Walid delivery 25 مرحبا بكم في خدمة التوصيل/ اسرع livreur في العالم / نحن دائما في خدمتكم ـ خدمة موثوقة وآمنة ـ
المقر : الخروب ـ ماسيـنيـسا

12/10/2026

سلام عليكم خاوتي فرض فجائي المهم السؤال المطروح يقول
لي يكومونطي الأول ويجيبها صحيحة وين بلاصة هادي ماعليك دير جام و كومونتار وبارطاج عندك باط رفيس مجاني يوم الجمعة خاوتي الأول فقط ♥️♥️

سلام عليكم خاوتي جاتنا كوموند حبينا نحكيو فيها زعمااا كي دير كوموند و مبعد دير رونفوا نص ساعة وانا نعيطلك ونتا مداير رون...
10/10/2026

سلام عليكم خاوتي جاتنا كوموند حبينا نحكيو فيها زعمااا كي دير كوموند و مبعد دير رونفوا نص ساعة وانا نعيطلك ونتا مداير رونفوا زعما وشيا شعور تاعك زعما واش تحس هكا براحة نفسية ولا كاين ديفوا باريكزومبل يجيوك دي كوموند من عند ناس وكاين ناس يطولو مايريبونديوش فالبلاصة نحسنو الضن فيهم اووووو اونفا تخرج صحيح فحسن الضن فيهم ميييي والله نتا مارتحتلكش خويا زعما كي مداير الرنفوا ونتا مداير كوموند وشيا زعما رايح تفقرني ولا والله مافهمت كيفاه تخمم راحة نفسية بالنسبة ليك كي دير لقطة كيما هادي ترتاح نفسيا والله غير مافهمتها لاكان ترتاح نفسيا كي دير اللقطة كيما هادي والله خبرني كل ليلة نديرلك خاطرك ونديرلك ڨوسطوك ا سيدي غير باه ترتاح من المرض لي راك فيه هدا والله يهديك نشالله خويا الله يهديك ماقلت البرد عليه وهو بالموطو ماقلت بلاك كاش ماصرالو الله يهديك المهم انا قضيانك هاهو كيما كومونديتو بعد ديتو يروح معايا انا مانسميهاش خسارة بيسك اني قاضي بيك ولا بلا بيك المهم الغدا تاع غدوة مفروز اليوم روح اتعشى عند جارك قالي حاب نمرمط مرمط ا حبيبي مالا بالرونفوا تاعك

سلام عليكم خاوتي متوفر غدا انشاء الله الرفيس واللبن قسنطيني بنة ماش نورمال لي ماداش اليوم يبات يلوم خاوتي مرحبا بالجميع ...
08/10/2026

سلام عليكم خاوتي متوفر غدا انشاء الله الرفيس واللبن قسنطيني بنة ماش نورمال لي ماداش اليوم يبات يلوم خاوتي مرحبا بالجميع التوصيل متوفر 0770286797
المكان الخروب ماسيـنيـسا القديمة
غدا وراء صلاة الجمعة نخدمو امام مسجد إبن الكثير
خاوتي لي يكوموندي غدوة للغداء يخلي ميساج فالواتساب واش رايح يدي بالضبط والمكان تاعك ورقم الهاتف باه نضمو لاكوموند تاع غدوة
الرفيس 25 الف
اللبن 1.5 لتر 15 الف
اللبن 1 لتر 10 الاف
اللبن 0.5 لتر 5 الاف
التوصيل قبل الص
صحة غداكم حبابنا مع اسرع ليفرور في العالم حاجة ماتخصكم

سلام عليكم خاوتي صحة عشاكم كاينة زبونة طلبت منكم طلب اتصلت بيا خاصها ماكلة و حوايج رحت قضيتلها كي العادة و وصلتلها الطلب...
03/10/2026

سلام عليكم خاوتي صحة عشاكم كاينة زبونة طلبت منكم طلب اتصلت بيا خاصها ماكلة و حوايج رحت قضيتلها كي العادة و وصلتلها الطلبية تاعها على السريع يعطيك الصحة يعطيك الصحة كيما تعرفو قلتلها جاتك طا عطاتني 200 الف و قالتلي والله تحكمهم
والله العلي العضيم خلاتني مشوكي يعني الخير كي يجيك يجيك وبزاف تاني خاوتي حاولو ديرو الخير على قد ماتقدرو اقسم بالله الدنيا فانية
وخلاتلي الصرف بزاف المشكل قلتلها والله موحال الأخت ندي حقي برك بزااف عليك قاتلي والله مارجعو حبيت نخرجهم على بابا ربي يرحمو ادعيلو معاك مالقيت واش نقولها دعيتلو بالرحمة رحت
خاوتي الله يرضى عليكم ادعو لباباها بالرحمة والمغفرة
ربي يرحمو ويجعل مثواه الجنة الفردوس الأعلى يارب العالمين 🤲

سلام عليكم خاوتي حبيت نشارك معاكم هاده اللحضة اليوم عيطت زبونة قالتي خاصني بياسة تاع ماشينة لافي داكور داكور نشريهالها م...
03/10/2026

سلام عليكم خاوتي حبيت نشارك معاكم هاده اللحضة اليوم عيطت زبونة قالتي خاصني بياسة تاع ماشينة لافي داكور داكور نشريهالها من الدوك تاع الخروب سقسيتها على السعر اي تقول بلاك خمسين الف وصلت لقيت الطلبية تاعها ب تسعين الف عيطتلها قاتلي ماش مشكل اشريها حبيت نعطيها Total مع التوصيل بلي اي تجيك 120 الف ماش مشكل مالقيت حتى بروبلام معاها هزيتها وديتلها الطلبية تاعها وصلت سلام سلام عطيتها امانتها جات تسلكني خاوتي عطاتني 200 الف وباقية تطلب فالسماح على تعبي وتدعي فيا بالخير عطاتني قرعة ماء صغيرة وبقات تحلف بلي نحكمها كامل والله مارديتلي الصرف قالتلي من نهار حطيت المنشور تاع الشكارة تاع السميد وانا حابة ندير كوموند من عندك خاوتي صدقوني غير فاجأتني ماحبتش تحكم الصرف صح ختي والله حشمتيني صح ونسيتي فيا العباد لي مالف نحكي عليهم قلتلكم ياناس بلي صوابع اليدين ماشي كيف كيف انا نقولك من هاد المنبر يعطيك الصحة والعافية و الخير ربي يحفضلك وينجحلك وليداتك شكرا على المعاملة مزال الخير في بلادنا
خاوتي اليوم و البارح طيحني ربي في زبائن مشاء الله كل وحدة و حكايتها والله بزاف خلاولي الزايد ماش غير هادي بلاك ام يقراو فالمنشور تاعي انا نقولكم يعطيكم الصحة وكاش ماتحتاجو نحن في الخدمة أتصل على الرقم 0770286797
المكان الخروب ماسيـنيـسا القديمة نقطة الإنطلاق
ماعليك غير بالبرطاج وابوني الصفحة فضلا وليس امرا وشكرا 😊😊

سلام عليكم خاوتي مرحبا بيكم مع Walid delivery 25 الصدق والمصداقية خاوتنا نحكيو في موضوع على السريع اخت معانا فالصفحة ات...
26/09/2026

سلام عليكم خاوتي مرحبا بيكم مع Walid delivery 25 الصدق والمصداقية خاوتنا نحكيو في موضوع على السريع اخت معانا فالصفحة اتصلت بينا تحوس على لي يجيبلها شكارة سميد 25 كغ و لازم تكون الحمامة ماعليش كيما تعرفو الماركة هادي ماشي متوفرة بزااف قلتلها داكور تفاهمنا على كلش نوضت ديماريت المهم شرقت باه لقيتها فايت 20 حانوت باه لقيتها
قلتلو بقداه قالي 130 الف سلكتو وديتهالها وصلت عيطتلها قالتلي طلعهالي الطابق التالت قلتلها مستحيل غير شوفي كاش واحد الكارتي هدا مشبوه وخفت على الموطو ماتدريش وتاني حاجة اني مانخدمش عند باباك ولا يماك
نسمع في جداتها ماخلات ماتقول فيا هيا ماعليش حطيتها قدام البلوك ماجات هبطت 15 دقيقة خلاف مرة الاولة لاكورس قلتلها 30 الف مبعد صرا فيا الباطل وانا نحوس ماعليناش قلتلها 160 الف كلش زعما ولات تمكر حنا مالفين نشريوه 125 الف اتقي الله في نفسك يا. يا. يا. وليت نغنيلها ابشع كورسة في العالم طاحت مع اسرع ليفرور في العالم مع اللخر عطاتني 155 الف ماعليش اربحي بيها برك ولاكان فحلة بيني روحك فاليكومونتار باه يوكلوك الجماعة وخلي خلي كرهونا فالخدمة هادي العبد يحوس كاش مايلقى خدمة برك ونحبسها عليا هادي حاشة البعض المهم ابوني معاك لاباج تشبع يجي الوقت وتحتاجها فضلا وليس امرا
المكان ماسينيسا القديمة
0770286797

سلام عليكم خاوتي متوفر غدا انشاء الله الرفيس واللبن قسنطيني بنة ماش نورمال لي ماداش اليوم يبات يلوم خاوتي مرحبا بالجميع ...
24/09/2026

سلام عليكم خاوتي متوفر غدا انشاء الله الرفيس واللبن قسنطيني بنة ماش نورمال لي ماداش اليوم يبات يلوم خاوتي مرحبا بالجميع التوصيل متوفر 0770286797
المكان الخروب ماسيـنيـسا القديمة
غدا وراء صلاة الجمعة نخدمو امام مسجد إبن الكثير
خاوتي لي يكوموندي غدوة للغداء يخلي ميساج فالواتساب واش رايح يدي بالضبط والمكان تاعك باه نضمو لاكوموند تاع غدوة
الرفيس 25 الف
اللبن 1.5 لتر 15 الف
اللبن 1 لتر 10 الاف
اللبن 0.5 لتر 5 الاف
صحة غداكم حبابنا مع اسرع ليفرور في العالم حاجة ماتخصكم

سلام عليكم خاوتي خاصني خدام في قهوة ماشينيست شرط يكون خادم من قبل و ولد فاميليا فقط يعني واحد يصون الامانة نحوس عليه من...
22/09/2026

سلام عليكم خاوتي خاصني خدام في قهوة ماشينيست شرط يكون خادم من قبل و ولد فاميليا فقط يعني واحد يصون الامانة نحوس عليه من الأحسن يسكن في ماسينيسا القديمة المنار حي الوفاء ميلس نواحي ماسينيسا وقت العمل من 05:00 / 13:00 مكان العمل في ماسينيسا القديمة المهتم يتواصل معي فالخاص وشكرا 😊😊

📍مرحبا بكم ليفرور 🛵 داخل ولاية قسنطينة 📍 ✅توصيل جميع انواع الطرود 📦✅قضيان بكل انواعو (ادوية💊 خضر فواكه 🥔🍓 بقوليات ......
21/09/2026

📍مرحبا بكم ليفرور 🛵 داخل ولاية قسنطينة 📍
✅توصيل جميع انواع الطرود 📦
✅قضيان بكل انواعو (ادوية💊 خضر فواكه 🥔🍓 بقوليات ...) 🛒
✅تسديد فاتورات ( ماء غاز كهرباء انترنت ....) 💳
✅حجز المواعيد 🩺🩻🧬 🛑
📍اسعار خاصة لأصحاب تجارة إلكترونية 💻🛍️والأعمال المنزلية 🍪🖼️
التوصيل من الصيدلية مجانا
أتصل على الرقم 0770286797
المكان الخروب ماسينيسا القديمة

سلام عليكم خاوتنا أتصل بينا زبون خدام بعيد فالصحراء وخاصو يسلك فاتورة الكهرباء ماعليش اخي نتا اطلبنا وحنا لبيولك طلبيتك ...
20/09/2026

سلام عليكم خاوتنا أتصل بينا زبون خدام بعيد فالصحراء وخاصو يسلك فاتورة الكهرباء ماعليش اخي نتا اطلبنا وحنا لبيولك طلبيتك رحنا عندو للدار ريكيبيرينا الفاتورة ولاسوم واتجهنا لشركة sonalgaz سددنا دينه ماعليك غير تتصل على الرقم 0770286797 نحن فالخدمة
اسرع ليفرور في العالم
التوصيل إلى الصيدلية مجانا 24h/24h
التوصيل كل الطلبيات مرحبا بالجميع
المكان ماسينيسا القديمة
شكرا لتفهمكم 😚😚

Address

City Massinissa مسجد إبن الكثير

Telephone

+213770286797

Website

Alerts

Be the first to know and let us send you an email when Walid delivery 25 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Walid delivery 25:

Shortcuts

  • Want your business to be the top-listed transport service?

Share