01/10/2025
كي تحب تجيب سيارة من الصين للجزائر، عندك زوج طرق رئيسية: RORO و الحاوية.
🔹 شحن RORO:
في هاذ الطريقة السيارة تتشحن وحدها. يطلعوها فوق الباخرة بالسياقة وينزلوها بنفس الطريقة في ميناء الجزائر. البواخر هاذي ضخمة وتشحن آلاف السيارات دفعة وحدة، بصح المشكل هو أنو إذا عندك سيارة وحدة فقط راك رايح تدفع ثمن شحن كامل خاص بيها. زيد على هذا، المواعيد محدودة بزاف، غالبًا كاين باخرة وحدة في الشهر. يعني النتيجة: الشحن RORO يبان أرخص في العالم، بصح للزبون الفردي في الجزائر يولي أغلى للسيارة الوحدة.
🔹 شحن الحاوية:
هنا الفكرة مختلفة. اغلب الوسطاء مايشحنوش سيارات وحدهم، بل نجمّعو 3 أو حتى 4 سيارات في حاوية 40HQ وحدة. التكلفة الكاملة للحاوية تتقسم بين كل السيارات اللي فيها، وبالتالي السعر النهائي للسيارة الوحدة يولي أرخص من RORO. والأمان أحسن بزاف لأن السيارات مربوطة ومحمية داخل الحاوية وما يتعرضوش للتحريك كيما في RORO. والميزة الأخرى الكبيرة هي أنو بواخر الحاويات تخرج بشكل أسبوعي من الموانئ الصينية، يعني وقت التوصيل يكون أسرع من RORO.
⚖️ الخلاصة:
إذا عندك سيارة وحدة فقط وتستعجلها بزاف، RORO ممكن يكون حل.
أما إذا الهدف هو شحن عدة سيارات مع بعض، الحاوية أوفر وأأمن وأسرع، وهنا يبان الفرق الكبير.
