Lets Travelto

Site Web Contacter l'entreprise

Lets Travelto هنا حيث اشارككم تجربتي البسيطة في السفر، لست وكالة سياحية، لا أجيب على الرسائل خارج موضوع السفر

11 افريل 2026وتبقى خرجاتي مع العائلة وخاصة مع طمطومي هي الأجمل على الإطلاق
29/09/2026

11 افريل 2026
وتبقى خرجاتي مع العائلة وخاصة مع طمطومي هي الأجمل على الإطلاق

29 سبتمبر 2023زيارتي للجزائر العاصمة لحضور فعاليات الصالون الدولي للسياحة والاسفار في هذا اليوم انتقلت من المرقد الى فند...
29/09/2026

29 سبتمبر 2023
زيارتي للجزائر العاصمة لحضور فعاليات الصالون الدولي للسياحة والاسفار
في هذا اليوم انتقلت من المرقد الى فندق آخر ( مش لان المرقد ما عجبنيش وانما لاني حبيت نجرب عدة أماكن باه ندي فكرة خاصة انهم كانوا قراب من بعض مسافة مشي بسيط) واخترت فندق إكرام HOTEL IKRAM ALGER
الفندق يقع على الخط الرئيسي للترامواي (تمشيو تقريبا 200 م وراكم في موقف ترام)، وهو اختيار مناسب خاصة لمن لديه عمل في جامعة باب الزوار مثلا او في قصر المعارض، أو لديهم رحلات من مطار الجزائر.
وصلت للفندق العاشرة صباحا وهنا اشكر إدارة الفندق على Early check-in 😊 (طبعا الدخول المبكر للغرفة يكون حسب توفرها، لأن تسجيل الدخول عادة يكون بعد 11 وفي بعض الفنادق بعد منتصف النهار وفي الفنادق الكبرى حتى 14:00).
غرفتي بسرير كبير كانت في الطابق الثالث وكانت نظيفة، بها ثلاجة، مكيف، وجهاز تلفاز، حمام داخلي وهو الآخر كان نظيفا 😊، ما احزنني انني صادفت مشكلة في الحمام (مكانش ماء بارد والمرش تاع توالات أكرمكم الله مافيهش الماء😔)، وهو ما أدى بادارة الفندق إلى تغيير الغرفة (غاضتني الغرفة الأولى لي في الصور كانت مليحة ومرتبة ونظيفة).
الغرفة الثانية التي انتقلت إليها لم تكن مثل الأولى (الأولى احسن في كل شي) ولكن تعتبر مقبولة (انا عندي منشفة تاعي وعندي Drap housse تاعي لي نهزهم معايا حتى كون نقعد في فندق خمس نجوم 😅 ولاني رجعت تعبانة من المعرض مع المشكل تاع الماء في الغرفة نسيت نصور الغرفة الثانية 😅 وندير فيديو).
سعر الغرفة في الصور المرفقة كان 4000 دج (كانت فترة تخفيضات)، والاسعار عادة تبدأ من 5000 دج حتى 7000 دج، طبعا السعر شامل فطور الصباح (كان فيه حليب، قهوة، كرواسون خبز، زبدة، معجون، وقرعة ماء صغيرة وعلبة عصير صغيرة).
اشكر جزيل الشكل كل عمال إدارة الفندق على الاستقبال 😊 والتسهيلات المقدمة بارك الله فيكم.
(ملاحظة صغيرة نديرها لإدارة الفندق من فضلكم وفروا في الغرف ورق الحمام (أكرمكم الله)، وانتبهوا انه كل ما يخرج زبون يتبدلوا دراوات والمخاد في كل الغرف صحيح الغرفة الأولى كانت نظيفة ما شاء الله وكلش فيها نظيف لكن في الغرفة الثانية الوسادة كانت فيها ريحة وباينة ما تبدلتش (انا حطيت فوقها Drap تاعي)، من غير هاذ الملاحظة كل شي كان في المستوى).

29 سبتمبر 2020 كل ما نفوت من هنا لازم نصور سد الزاوية (تابلوط) بولاية جيجل
29/09/2026

29 سبتمبر 2020
كل ما نفوت من هنا لازم نصور سد الزاوية (تابلوط) بولاية جيجل

28/09/2026

😅😅😅😅

28 سبتمبر 2023رحلتي الى الجزائر العاصمة لحضور فعاليات الصالون الدولي للسياحة والاسفار في هذا المنشور ساشارك معكم تجربتي ...
28/09/2026

28 سبتمبر 2023
رحلتي الى الجزائر العاصمة لحضور فعاليات الصالون الدولي للسياحة والاسفار
في هذا المنشور ساشارك معكم تجربتي في احد مراقد الجزائر العاصمة (متعودة نقعد في فنادق وهذه اول مرة نقعد في مرقد في العاصمة)، والاختيار وقع على مرقد برج الكيفان، ومن اسمه يتضح ان المرقد يقع في بلدية برج الكيفان، واختره للآراء الإيجابية التي قرأتها سواء في فيسبوك او خرائط قوقل Google Maps ولقربه من محطة ترامواي (لان رحلتي لم يكن فيها أي برنامج سوى زيارة قصر المعارض يعني نركب في ترام نهبط في قصر المعارض).
بداية اشكر المسؤولين عن إدارة صفحة المرقد في فيسبوك والواتساب فبمجرد مراسلتهم تلقيت الإجابة حول السعر وايضا حجزت عن طريق الواتساب حتى دون الحاجة للاتصال بالهاتف😊، بعد وصولي تلقيت ترحيبا من العامل في الاستقبال (مشكور على بشاشته على الاقل خاطر كاين شي فنادق والله تقول رايح تطلب عندهم).
استلمت مفتاح غرفتي في الطابق الثاني وكانت في المستوى الذي اردته انا على الأقل (لاني كنت نحوس على مكان نرقد فيه هذا مكان)، الغرفة واسعة جدا كما في الصور، السرير نظيف ومريح للنوم (بصح ديما ننصحكم تديو معاكم اغطية السرير والوسادة الخاصة بكم حتى لو المرقد نظيف انا نديهم حتى ونكون رايحة لفندق خمس نجوم 😅)، الحمام أيضا كان نظيفا (وهذي اهم حاجة يقلك اذا حبيت تعرف النظافة في الفنادق شوف الحمامات)، سعر الغرفة في الصور هو 3500 دج.
الشيء الذي ينقص في المرقد هو مكان لتناول وجبة الفطور (هزيت الفطور للغرفة وهذا الشي كان مزعج بالنسبة ليا خاصة أن الغرفة مافيهاش طاولة كون كاين طاولة معليش كي نفطر في الغرفة)، وايضا لاحظت استعمال اغطية بالوان مختلفة للسرير الصغير والوسادة في نفس السرير مما افقدها بعضا من جماليتها (علابالي هذا راه غير مرقد ومش راح نتوقعوا الكثير بصح هذي حاجة بسيطة يقدروا يغيروها وتمد جمالية اكثر للغرف كون يخيروا لون واحد ومتناسق كيما السرير الكبير كيما الصغير مش كل واحد بلون الله غالب حنا النساء نركزوا مع هاذ التفاصيل رغبة في التحسين اكيد وليس انتقادا من أجل النقد)، لكن على العموم المرقد عائلي نظيف يصلح لمن يبحث عن مكان للنوم.

28 سبتمبر 2021في آخر يوم في الرحلة الاستكشافية التعليمية Educ tour المنظمة من طرف مديرية السياحة لولاية سطيف كان حفل تكر...
28/09/2026

28 سبتمبر 2021
في آخر يوم في الرحلة الاستكشافية التعليمية Educ tour المنظمة من طرف مديرية السياحة لولاية سطيف كان حفل تكريم لجميع المشاركين (يوم 27 سبتمبر ليلا) بمدينة العلمة التي قضينا فيها ليلة واحدة، وفي اخر يوم اي يوم 28 سبتمبر كان لنا جولة بمدينة العلمة ثم توديع المشاركين.
وطبعا أجمل ما خرجت به من هذه الرحلة هو لقائي وتعرفي بمجموعة من السادة والسيدات من مسيري الوكالات السياحية والناشطين في المجال السياحي ومرشدين سياحيين معتمدين بولايتنا.

8 افريل 2026سد الزاوية (تابلوط) بولاية جيجل (صور صورتهم في فصل الربيع وانا في الحافلة في طريقي لجيجل)، ستخضر من جديد وست...
27/09/2026

8 افريل 2026
سد الزاوية (تابلوط) بولاية جيجل (صور صورتهم في فصل الربيع وانا في الحافلة في طريقي لجيجل)، ستخضر من جديد وسترجع اجمل بإذن الله.

27 سبتمبر 2026صحيح ان لهذا العام جاء تحت شعار "الاجندة الرقمية والذكاء الاصطناعي لاعادة تصميم السياحة" ولكن للاسف لا ي...
27/09/2026

27 سبتمبر 2026
صحيح ان لهذا العام جاء تحت شعار "الاجندة الرقمية والذكاء الاصطناعي لاعادة تصميم السياحة" ولكن للاسف لا يمكنني الحديث في هذا الموضوع بالذات وربطه بمجال السياحة في بلادنا 😔 وكل ما يمكن ان اقوله في هذه المناسبة هو: "أتمنى ان تتعافى السياحة في بلادنا، وأتمنى ان يكون عطاء كل الفاعلين والناشطين في هذا المجال افضل للنهوض بهذا القطاع، والاهم من هذا ان تكون ثورة فكرية وقيمية لدى أفراد المجتمع فهم اكبر مساهم في تطور قطاع السياحة في بلادنا.

Adresse

1ère Novembre
Sétif
19000

Site Web

Notifications

Soyez le premier à savoir et laissez-nous vous envoyer un courriel lorsque Lets Travelto publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Lets Travelto:

Raccourcis

Partager