04/09/2026
Pickalabatros
Review
فندق الف ليله وليله بعد ما قريت ريفيوهات كتير وساعدتني استاذه هبه ف اختيار الفندق استقريت عليه وكنت قلقانه جدا لانه طبعا المبلغ كان كبير حجزنا ٣ غرف وكان الحجز ب بوكينج وبخصم فكان سعره ارخص من شركه سياحه
هبدا بالمميزات
الاكوابارك هي اكبر ميزه فالفندق عملاقه حرفيا وكنا بنتوه فيها من كتر الالعاب وفيها مستويات مختلفه لكل الاعمار
المطاعم انا شايفه انها مستواها كويس وفيها تنوع كبير وتقريبا اي صنف بنحبه كان موجود
والبيكري عندهم بصراحه يجنن وده موجود ف مكان لوحده عند ريسبشن فندق جانجل
الفندق مفتوح علي فندق جانجل ووترفالي وكلهم ليهم نفس الصلاحيات بس الف ليله هو ابعد واحد من الاكوابارك
الشاتل باص بيجي كل ربع ساعه بيودينا اي مكان نحبه
ملاهي بليل مجانيه مع الحجز وكبيره جدا
العابvr بس مروحناش عشان مكنش فيه وقت
البحر كمان مروحناش لانه بعيد شويه وبيتراح بباص تاني
بليل في حفلات في اماكن مختلفه ومسليه جدا
ولما طلبت احضر شو نيفرلاند الي بيكون المفروض خارج الحجز بصراحه وافقوا وكان حلو اوي
فيه سناكس ف اماكن كتير شاورما وبيتزا وبرجر
العيوب
الغرف ضيقه شويه بس لماطلبت دور ارضي وعلي البول وافقوا
الزحمه فالاكوا كانت اوقات بتكون زياده
بصراحه اتبسطنا جدا وفي عجل بليل مسلي اوي
