Kitchen Maha Youssef

Kitchen Maha Youssef الاكل متعة لما يكون من ايدك

احلى طاجن ام على ...مفيش أسهل من كده لبن والسكر حسب الرغبة ورشة فانيلازبيب ومكسرات وجوز هند ميل فاى مكسر او جلاش محمر فى...
30/08/2021

احلى طاجن ام على ...مفيش أسهل من كده
لبن والسكر حسب الرغبة ورشة فانيلا
زبيب ومكسرات وجوز هند
ميل فاى مكسر او جلاش محمر فى الفرن ..

نضع فى الطاجن الجلاش والمكسرات والزبيب وجوز الهند وننزل عليه باللبن المغلى وبعد ما يشرب كمية اللبن نضع على الوش كريم شانيه مخفوق وتحت الشواية على طول تاخد لون ..والف هنا وشفا

حواوشى اسكندرانى.....وطحينة بيتى ومن مطبخى اللحمة ....نصف كيلو لحمة بها نسبة دهن نصف كيلو بصل مفروم فى الكبة او المبشرة ...
15/04/2020

حواوشى اسكندرانى.....وطحينة بيتى ومن مطبخى
اللحمة ....
نصف كيلو لحمة بها نسبة دهن
نصف كيلو بصل مفروم فى الكبة او المبشرة
٢قرن فلفل رومى
٢قرن فلفل حار
ملعقة صغيرة بيكنج بودر علشان اللحمة متبقاش مكتومة
٢ملعقة دقيق متستغربيش دى علشان الميه اللى بتنزل من البصل والفلفل
نصف ملعقة سكر ...متستغربيش برضه دى علشان تسوى اللحمة
ملعقة كبيرة من الملح وبهارات الحواوشى ودى من عند العطار
نصف ملعقة صغيرة من الثوم البودر والفلفل الاسمر والبابريكا وبهارات لحمة ...شطة
ربع ملعقة حبهان مطحون مع ورق لورا وكبابة صينى
يطحنوا فى الكبة وناخد ربع ملعقة لو كترتى هتعمل مرارة
ونعجن كويس جدا جدا جدا
تترك ساعة ترتاح

العجينة .....
نصف كيلو دقيق
او ثلاث كوب دقيق
ربع كوب زيت
ملعقتين صغيرين خميرة فوريه
انا استخدمت كيس خميرة دريم حلوة جدا ثمنه جنيه ونصف او ٢جنيه
ملعقة صغيرة ملح
ملعقة كبيرة سكر
ماء دافئ للعجن حسب نوع الدقيق
نعجن كوبس جدا حتى نحصل على عجينة ناعمة وطرية تترك مغطاه فى مكان دافئ حتى تخمر
بعد كده نهبط العجينة باليد ونشكلها كور
الرغيف الواحد بياخد كورتين ..الكورة وحجم الرغيف حسب الرغبه

نفرد الكورة الاولى ودى هتكون القاعدة ونضع اللحمة وتاخدى بالك ان اللحمة بتكش يعنى تحطى كميه حلوة
ونفرد الكرة التانيه ونحطها فوق اللحمة ونثبت الاطراف وتوضع فى صاج مدهون زيت خفيف او ورق زبدة
مممن نحط سمسم على الوش وممكن سادة ونمسح الوش بالزيت وتترك ترتاح
ندخلها فرن متوسط مش عالى علشان العيش هيتحرق واللحمة هتكون نيه
بعد ما يحمر القاع نضعها تحت الشواية يحمر الوش
تخرج من الفرن تتغطى علشان يبقى طرى مش ناشف

بعد ما يهدى تقعدى تاكلى واستمتعى وافتكرينى 😂😂
بالهنا والشفا

الطحينة بقى بوست تانى
دمتم مبقلظين

السلام عليكم يا حلوين ...رجعنا تانى بسكوت بيتيفور ......فى طبق غويط نضع كوب نصفه سمنه ونصفه زيت او زبدة وزيت ومعاه نص كو...
21/02/2020

السلام عليكم يا حلوين ...رجعنا تانى
بسكوت بيتيفور ......
فى طبق غويط نضع كوب نصفه سمنه ونصفه زيت او زبدة وزيت
ومعاه نص كوب سكر بودرة ونضرب بالمضرب لغاية ما يختلط المزيج وبعدين ننزل ببيضه واخدة ونخلط تانى بالمضرب الكهربائى ونضع بشر ليمون واو فانليا وعصير نصف ليمونه كبيرة ونخلط ونضع ٢كوب دقيق ونقلب وبعدين ننزل بكوباية دقيق ورشة ملح ونخلطهم بدون دعك وبعدين نفردها بين ورقيتين زبدة ونقطع بالاشكال وتوصع فى صاج مش مدهون اى حاجة وعلى الفرن يحمر من تحت وبعدين لون خفيف من فوق
بعد مايطلع نلزق كل اتنين بالمربى او شيكولاتة نوتيلا او نذوقها زى بيتيفور ونقدمه وكوباية شاى وعيشى اللحظة
جربوها وادعولى

بسكوت مقرمش للشاى 3كوب دقيق ملعقة كبيرة نشا كيس بيكنج بودر كيس فانيليا نص كوب زيت نص كوب سكر نص كوب لبن او اكتر حسب نوع ...
31/10/2019

بسكوت مقرمش للشاى
3كوب دقيق
ملعقة كبيرة نشا
كيس بيكنج بودر
كيس فانيليا
نص كوب زيت
نص كوب سكر
نص كوب لبن او اكتر حسب نوع الدقيق

شفشق الخلاط فيه السكر واللبن والزيت والفانيليا ويخلط جيدا ...ثم يصب على خليط الدقيق .....
الدقيق فى طبق مع النشا والبيكنج بودر ورشة الملح ويقلب وتلم العجينة بدون عجن جامد وتترك ترتاح ١٠دقايق ثم تقطع بالاشكال او تفرد وتقطع مربعات او بفنجان اللى تحبيه
تفرد رفيعة لان البيكنج بودر هينفشها خدوا بالكم
توضع فى صاج بدون دهن وعلى الفرن يحمر من تحت وعلى الشوايه والفرن ١٨٠زى الكيك والف هنا
نسيت اقولكم خرموا البسكوت علشان بينفش

كل سنة وانتم بخير بمناسبة يوم عاشوراء علشان كده عملت عاشورة جربوها وانبسطوا كيلو لبن كوب قمح من عند العطار هاتى نص كيلو ...
07/09/2019

كل سنة وانتم بخير بمناسبة يوم عاشوراء
علشان كده عملت عاشورة جربوها وانبسطوا
كيلو لبن
كوب قمح من عند العطار هاتى نص كيلو وخدى كوب منه
فانيليا
سكر حسب الرغبة
ونشا
الطريقة ...
نقى القمح وليكى هنا اختيارين أما تسببه حب زى ماهو ودى طريقتى على طول
او انك تكسريه بالمطحنة خشن ودى طريقة جدتى ومامتى
اغسليه واغليه غلوتين وطفى عليه النار وسبيه تانى يوم يكون نفش والحبة كبرت
حطى القمح فى اللبن وخليهم يغلوا وياهدوا من طعم بعض وعليهم الفانيليا
حطى السكر حسب ما انتى عايزة
دوبى نشا مع ميه وانزلى بيه خيط مع التقليب المستمر على النار لغايه ما تربط
اطفى النار وصبيها فى الاطباق وسبيها تبرد وزوقيها بمكسرات فول سودانى زبيب قرفة اللى عايزاه وممكن من غير زواق خالص
وعلى التلاجة والف هنا وشفا يلا شير ولايك بقى

سالخير يا حلوين دمتم مقلبظين ..جايبة النهاردة ممبار بوبس او ممبار عقد اللولى اى اسم تحيوهممكن تعمل الخلطة متسبكة اونى فى...
30/08/2019

سالخير يا حلوين دمتم مقلبظين ..جايبة النهاردة ممبار بوبس او ممبار عقد اللولى اى اسم تحيوه
ممكن تعمل الخلطة متسبكة اونى فى نى
بصل مبشور وطماطم مبشورة وشبت وبقدونس وكسبرة وملح وفلفل اسود وكسبرة وكمون ونعناع وشوية زيت وحبهان مطحون و بهارات مشكلة وفلفل رومى مفروم وفلفل حار اخضر مفروم وممكن هريسة شطة نخلط كله وتحشى الممبار بقمع بعد كده
تاخدى جزء وتلفيه بخيط جامد جدا وهكذا لغاية ما يبقى شبه عقد اللولى
ماء مغلى معاه بصلة وورق لورا وشويه سكر علشان مايفرقعش وبخله سنان وخرمى الممبار كله علشان مايفرقعش ومتمليش الممبار اوى خليه مهوى
اسلقيه وبعد ما يتسلق شيلى الخيط وحمرى وقدمى والف هنا وشفا لايك بقى وشير بطلوا بخل

كفتة الفراخ ..هتعجبكم جدا جربوها ...😍😍😍نصف كيلو فيليه فراخ بصلة كبيرة مبشورة واحدة فلفل رومى كبيرة مقطعة صغير واحدة طماط...
24/08/2019

كفتة الفراخ ..هتعجبكم جدا جربوها ...😍😍😍
نصف كيلو فيليه فراخ
بصلة كبيرة مبشورة
واحدة فلفل رومى كبيرة مقطعة صغير
واحدة طماطم كبيرة
ملعقة بابريكا
ملعقة زعتر
ملعقة ثوم بودر
فلفل اسود
ملح
رشة كبابة صينى
رشة بهارات فراخ
رشة جنزبيل
رشة كسبرة
كيس فيجيتار عادى
رشة شطة
ملعقة زبدة ...اختيارى
ملعقة بيكنج بودر ...اختيارى بس انا حطتها علشان متبقاش مكتومة وليكى الحريه
وبقدونس مفروم

ابشرى البصلة ورشى شوية ملح عليها علشان ميتها انزل
وكذلك رشة ملح على الطماطم والفلفل وتستنى شويه وهتلاقى ميتها تنزل
هتعصرى الكلام ده كله بعد كده وتاخدى الميه اللى نزلت تحطى عليها شويه زيت ولو حابة ملعقة صغيرة صلصة وممكن متحطيش حاجة

فى الكبه افرمى الفيليه ناعم وبعدين حطيها فى طبق وعليها باقى المقادير واخلطى كويس جدا وسبيها. ترتاح وبعدين هاتى اسياخ وصبعى الكفتة وحطى ايدك فى الزيت لسهولة التشكيل ورصيها فى صينيه مدهونة زيت
وعلى فرن عالى ودخليها وكل شوية ادهنى بالفرشاه من مئه الخضار وتحت الشواية بقى تاخد لون وفى الاخر فحمة علشان ريحة الشوى
وقدميها وبالف هنا
ياريت بقى اللى لايك وشير علشان اللى حابب يعمل الوصفة لأولاده
وبطلوا بخل فى اللايك وكترو بقى التفاعل

كل سنة وانتم طيبين ..عيدكم سعيد كباب حلة إنما ايه حاجة تشرف لحمة مقطعة مكعبات متوسطة حوالى كيلو ومعاها ختت دوش أو دهن لو...
17/08/2019

كل سنة وانتم طيبين ..عيدكم سعيد

كباب حلة إنما ايه حاجة تشرف
لحمة مقطعة مكعبات متوسطة حوالى كيلو ومعاها ختت دوش أو دهن لو مفيش خالص ملعقتين اكل سمنة بس انا مش بحط اى زيت ولا سمنة بكافة بالدهن اللى فى اللحمة
٣بصلات كبار مقطعين ريش
٥ فصوص ثوم مقطعين شرائح
٣فلفل رومى مقطع ممكن فلفل الوان
طماطميتين مكعبات بدون قشر
جزرة كبيرة مقطعة حلقات
فلفل اسود
قرن فلفل حار وممكن متحطوش
شويه كسبرة ناشفة حوالى نصف ملعقة
ورقتين. لورا
حبهان مطحون
السبع بهارات حوالى نصف ملعقة صغيرة
التركايةالجامدة ملعقة صغيرة سكر
حلة بقى ونحط كله على بعض وتقبلهم كويس وعلى نار عاليه تقلبى تقلبتين وبعدين نهدى النار خالص وتسبيهم لغايه ما يستوى هتلاقيها نزلت مايتها تستوى فيها وفى الاخر نحط الملح
الملح فى الأول هيخلى اللحمة متستويش
لما تستوي نحط فحمة على النار لغاية ما تحمر ونجيب قطعة فويل صغيرة نحط عليها الفحمة وفوقها شويه سمنة هتعمل دخان نقفل الحلة واستمتعى بقى بريحة الشوى وقدميها مع ملوخيه ورز والف هنا وشفا

البسطرمة ...عمايل ايديا وحياه عنيا
27/06/2019

البسطرمة ...عمايل ايديا وحياه عنيا

جبنة قريش ...لبن كامل الدسم ندفى اللبن بس ونحطه فى فخارة دافئه وندفى الفرن ونحط فيه الفخارة ونسيبها بدون تحريك لمدة يوم ...
22/06/2019

جبنة قريش ...

لبن كامل الدسم
ندفى اللبن بس ونحطه فى فخارة دافئه وندفى الفرن ونحط فيه الفخارة ونسيبها بدون تحريك لمدة يوم وبعد كده نفتح عليه لو لقتيه جمد وبقى شبه الزبادى يبقى كده تمام لو لسه سائل يبقى استنى شويه
نشيل القشطة منه براحة ولعشاق القشطة اعملى قشطة وعسل وفطير وعيشى حياتك
او احتفظى بيها لوش البشاميل والرز المعمر
بعد كده
نجيب شاشة نظيفة أو ايشارب مسامه ضيقة ونصفى اللبن فيه ونسيبه ينزل كل السوايل مع رش ملعقة ملح على الوش علشان تدى طعم شويه ومتكتريش الملح
بعد ما اتصفت بتجمع الجبنة وبما انى معنديش حصيرة فلاحى اخدت فويل أو كيس بلاستيك ولفى الجبنة فيه رول وقطعى وعلى التلاجة

الماء اللى متصفى ده اسمه شرش نستخدمه لحفظ الجبنة لعجن معجنات تحفة جدا
والف هنا وشفا

16/06/2019

منقوووول
كلام مظبوط مية في المية

تحذير واجب : اللحمة مش بتتغسل 🤚
نقول تاني >>> اللحمة مش بتتغسل🤚
ضروري يا جماعة متغسلوش اللحمة 🤚

والناس اللي هتقول ده قرف ومليون إيد مسكت اللحمة قبل ما تشتريها والذباب والملوثات اللي حولينا .. هقولك ده أهون ألف مرة من غسيلها

طب ليه ..؟؟ هنقولك بقه ..!!

أولاً .. اللحمة لما بتيجي عليها ميه بتزيد من نسبة الرطوبة فيها
و ده اللي بتعشقه البكتيريا عشان تكبر وتتكاثر فيها 😮

ثانياً .. لما بنغسل اللحمة بتفقد البروتينات في الميه وكمان المعادن اللى كانت موجودة فيها فا بتبقى عاملة زي الألياف قيمتها الغذائية بتكون قلت جداً

ثالثاً .. لما بتتغسل اللحمة وتيجي تمسكيها بإيدك .. لو في أي بكتيريا بتلزق على الإيد وعلي سطح الحوض وكمان لما تغسلي إيدك والحوض بالصابون مش بتعمل أي حاجه وبتفضل البكتيريا عايشة وتيجي تمسكي بإيدك الخضراوات والأكل التاني 😮 كده انتي بتنقلي ليها البكتيريا علي طول

رابعاً .. في حاجه اسمها لاكتيك أسيد و ده مهم جداً لإنه بيموت كمية معينة من الأمراض زي البروسيلا .. ولما بتتغسل اللحمة بيروح اللاكتيك أسيد ده و ساعتها أهلا بالبروسيلا 😮

خامساً .. و ديه مهمة جداً
اللحمة مش بتتغسل قبل التجميد أو بعد التجميد
تاني >> مش هنغسل اللحمة ولا قبل ما تحطيها فى الفريزر ولا حتى بعد ما تخرجيها من الفريزر ،
و لما تيجي تسلقيها .. هتقطعي الكيس بتاعها من بره وتنزلي باللحمة فى المية اللى هتتغلي فيها من غير ما تلمسيها .. من غير ما إيدك تيجي عليها ،
و درجة الحرارة اللي هتستوي بيها قادرة إنها تموت معظم البكتيريا ده إذا مكنتش كل البكتيريا .. خاصة البكتيريا اللي بتعمل تسمم غذائي زي السالمونيلا والكامبيلوباكتر عند ٧٢ درجة .. شوفي بقه لما تكون اللحمة عند ١٠٠ درجة لمدة ساعة ولا ساعة و نص هتخلي اللحمة نضيفه ازاي 👌

منقول عن إدارة المجازر العامة

عصير خوخ طبيعى خوخ الى حد ما طرى شويه سكر الطريقة....اغسل الخوخ كويس جدا جداماء مغلى فى حلة على النار تغلى الميه نضع الخ...
14/06/2019

عصير خوخ طبيعى
خوخ الى حد ما طرى شويه
سكر
الطريقة....
اغسل الخوخ كويس جدا جدا
ماء مغلى فى حلة على النار تغلى الميه نضع الخوخ فيها حوالى 10دقايق أو لغايه ما حبه الخوخ تبقى طريقة اوى
ومترميش الميه بتاعت السلق هتلاقى لونها محمر شويه خليها دى مهمة اوى وكلها فائدة الخوخ
ناخد الخوخ وتبرديه فى شويه ماء ساقع وتقشرى القشرة هتلاقيها طلعت بكل سهولة وتشيلى النوى بتاعها بعد كده شيلة كام حبه تقطيعهم قطع او مكعبات صغيرة والباقى تضربيه فى الخلاط جامد لغايه ما يحرم يعمل كده تانى 😂😂😂
مع ميه السلق لغايه ما تتحدى القوام اللى عايزاه وتحطى بعد كده السكر بتاعك حسب الرغبه وقطع الخوخ اللى شلناها والمياه بتاعت السلق دى اللى بتحطيها مع الخوخ لما تخففيه فى الخلاط ولو خلصت ميه السلق ولسه تقيل حطى ماء عادى
واعملى كوباياتك وقدمى احلى عصير خوخ طبيعى كله فوائد والف هنا وشفا

Address

Cairo

Website

Alerts

Be the first to know and let us send you an email when Kitchen Maha Youssef posts news and promotions. Your email address will not be used for any other purpose, and you can unsubscribe at any time.

Shortcuts

Share

Category