23/06/2025
✍️ البوست عن شروط التقديم و ازاي تخلى نسبة القبول عاليه 👌
اول حاجه شروط التقديم على تأشيرة الشنجن السياحية
1- جواز سفر ساري
2-حجز فندقي مؤكد
3- تذكره طيران ذهاب وعوده
4- تأمين طبي للسفر
5- كشف حساب بنكي عن اخر ٦ شهور
6- تكت ايفنتات سياحيه
7- خطاب تعريفي (cover letter) يوضح سبب الزيارة و هدفك من الزيارة ايه
لحد هنا اى حد ممكن يكون مؤهل للتقديم 👍
✍️ نيجى بقي لاهم الثغرات اللى لازم لازم تاخد بالك منها أثناء تحضير و تجهيز ملفك واللى دى مش اى حد حد ممكن يكون مؤهل ليها او معندوش خبره كافيه لادراتها فى الطلب
✍️ 1- اول حاجه البيانات تكون متناقضة او غير دقيقة:
زى مثلا انك تقول رايح رحله مدتها ١٠ ايام وفى كشف الحساب مش باين انك تقدر تغطى تكاليف المده دى و طبعا بالرجوع لقوانين الاقامه في دول الشنجن أن تكلفه اليوم الواحد تتراوح بين ٤٥ يورو طبقا للقوانين دى انما فى حاجات تانيه غير تكلفه الاقامه لليوم وهى ان حجز الفنادق يكون مبالغ فيه و كمان سعر الطيران كل ده بيضاف تكلفته على عاتق الحساب البنكي ودى من النقط المهمه اللى لازم تاخد بالك منها
✍️ 2- حركات كشف الحساب البنكي المفاجأة
طبيعى الرصيد البنكي مهم لكن الاهم هو الحركة و الانتظام طبقاً لطبيعة عملك و دخلك بالمعنى الدقيق ميكون فى حركات مفاجأة داخل حسابك او ايداع مبالغ مالية مفاجأة قبل التقديم ميكونش ليها مبرر امام السفارة اللى هتقدم عليها تثير الشك
✍️ 3- نقص المستندات او ملف غير منتظم
السفارة مش هتتواصل معاك تسالك ونسبة قليله من الحالات بس اللى حصل فيها استفسار بمعنى ان اى ورق ناقص= رفض
✍️✍️ خلاصة القول الفيزا مش بس اوراق... هى صوره كامله عنك و السفارات بتحاول تفهم من كل طلب هل فعلا رايح سياحه و هترجع ؟ ولا فى نية للبقاء ؟!!
عشان كده دايما ترتيب الملف و تنظيم الورق و شرح النيه بطريقة واضحه =مفتاح القبول 👌✌️💪💪
