18/03/2026
A02 වැල්ලවාය - කොළඹ ප්රධාන මාර්ගයේ සිදු වූ ලංගම මගී ප්රවාහන බස් රථ දෙකක් මූනට මූන ගැටීමෙන් සිදු වූ අනතුර නිසා ජීවිතක්ෂයට පත් අයට නිවන් සුව ලැබේවා ! සහ මෙවන් අකල් මරණයකට මින් මතු කරුණු නොම වේවා වගේම තුවාල ලැබූ සියලු දෙනාටම ඉක්මන් සුව ලැබේවා !
මේ මාර්ග කොටස ගැන කතා කලොත් වීරවිල සිට හම්බන්තොට දෙසට දිවෙන තුරුසෙවන කොටස මාර්ගය ඉතා පැහැදිලි කොටසක්. මගී ප්රවාහන බස් පමණක් නොව, මෙම මාර්ගය භාවිතා කරන වාහන වැඩි කොටසක් මේ කලාපය තුල අධික වේගයෙන් හෝ උපරිම වේග සීමාතුල රිය පදවනවා.
ඒ සියලුම දේ සාමාන්යයි. මේ අනතුර ගැන විතරක් කතා කලොත් රියදුරන් දෙපලම ඉතාම විශිෂ්ට පලපුරුදු රියදුරන් විය යුතුයි. නමුත් ලංකාවෙ මාර්ග පද්ධතිය තුල මගී සේවා බස් වලට පවතින තරඟය සහ පීඩනය නිසා මේ අනතුර සිද්දවෙන අවස්ථාවේදී දෙපලම අධි තක්සේරුවෙන් තම උපරිම වේගය පවත්වාගෙන තියනවා.
අනතුරට හේතුව විදිහට පිදුරු ගිනි තැබීමෙන් ඇති වූ දුම නිසා මාර්ගය අපැහැදිලි වීම කියන කොටස තැන් කීපයකම උපුටා දක්වලා තිබුනා.
ඒක වෙන්න පුලුවන්. ඒත් අපිට ගොවි බිම්, ගොවීන් , පිදුරු දුම පාලනය කරන්න බැරි උනාට රියදුරු සහ රිය පාලනය කරන්න පුලුවන්.
මීට වඩා මාර්ගය දීර්ඝ වශයෙන් අපැහැදිලි මීදුම සහිත කලාප වල , වර්ෂා තත්ව තුල වගේම මීට පෙර පිදුරු ගිනි තබා දුම පාර වසාගත් අවස්ථාවන් වලත් බස් රථ මෙන්ම වාහන ගමනාගමනය සිදු උනා.
එතකොට මේ අනතුරට හේතුව මොකද්ද ? සහ තවත් මෙවැනි අනතුරක් වලක්වාගැනීමට ගත යුතු පියවර මොනවද?
සිංහලෙන් ඒකට කියන්නෙ Anticipation (Thinking Advance)
සරල කරන්නද?
රිය පැදවීම කියන කාරනයෙදි ඉතා විශිෂ්ට fact එකක් තියනවා.
ඒ බෝලයක් පාරට ආවොත්, ඒ පිටිපස්සෙන් ලමයෙක් පාරට දුවගෙන එනවා කියන එක.
අපිට ලමයා නොපෙනුනත් බෝලය දකිද්දි අපි ලමයා හිතින් මවාගෙන ලමයා පාරට එන එකට ලෑස්ති වෙන්න ඕන.
ඒ වගේම මේ පිදුරු දුම එක තත්පරයකින් මෙතෙන්ට ආවෙ නෑ.
එක පාරම වංගුවක් ගනිද්දිම පාර දුමෙන් වැහිලා තිබුනෙ නෑ.
රියදුරන් දෙපලටම ඈත තියා මේ දුම පාරට එනවා හෝ පාරට ඇවිත් තියනවා පැහැදිලිව පේන්න ඕන.
ඒ සමගම දේ දෙපලම ක්රියාත්මක වෙලා අඩු දෘෂ්ටිය තුල රිය පැදවීමට අදාල කොටසට මාරු වෙන්න ඕන.
*රථයේ වේගය අඩු කිරීම හෝ හැකි නම් නැවැත්වීම
*ප්රධාන ලයිට් දැල්වීම
*හැකි තාක් දුර බලා ඒ විස්තර මතක තබා ගැනීම
වගේ ගොඩක් දේවල් තියනවා කරන්න.
ඒත් මේ දෙපලගෙන් එක් අයෙක් හෝ කල ඒ බරපතල වරදින් මේ වෙද්දි ජීවිත 04ක් වන්දි ගෙවලා. සමහර විට ඒ රියදුරු ඇතුලුව.
මේ වරදින් මියගිය රියදුරු සමහර විට මේ කිසි දෙයක්
නොදන්නවා ඇති. ඒත් මේ සම්බන්ධයෙන් අපිට ගන්න පුලුවන් ක්රියාමාර්ග නැතත් හැකි තරම් දැනුවත් වෙමු.
ලංකාවෙ රියදුරන් දැනුවත් කිරීම හැකි තරම් කරමු
