22/09/2026
⛰️🏔️ ဖုန်ကန်ရာဇီ (mt . Hpongan Razi ) ရေခဲတောင်တက်ခရီးစဉ် ⛰️🏔️
ဖုန်ကန်ရာဇီသည် အမြင့်ပေ ၁၁,၉၂၀ ပေမြင့်ပြီး ပူတာအိုမြို့၏ အနောက်ဘက်တွင် တည်ရှိပါသည်။ လမ်းခရီး အလွန်အမင်း ခက်ခဲခြင်းမရှိသဖြင့် ရေခဲတောင် ခရီးသွားဝါသနာရှင်များနှင့် အတွေ့အကြုံ မရှိသေးသူများ ပထမဆုံး စတင်တက်ရောက်ရန် အသင့်တော်ဆုံး တောင်တစ်တောင် ဖြစ်ပါသည်။
ဖုန်ကန်ရာဇီ တောင်တက်ခရီးစဉ်တွင် သဘာဝပတ်ဝန်းကျင် အလှတရားများကို အနီးကပ်ဆုံး ထိတွေ့ခံစားရမည်ဖြစ်ပြီး မမြင်ဖူး၊ မခံစားဖူးသေးသည့် အမြင့်ပေမှ ထူးခြားသော သဘာဝရှုခင်းများကို တွေ့မြင်ရမည် ဖြစ်သည်။ ထို့အပြင် ဒေသအသီးသီးမှ ဝါသနာတူ မိတ်ဆွေသစ်များ ရရှိခြင်းနှင့် စိန်ခေါ်မှုများကို ရင်ဆိုင်ကျော်ဖြတ်ရင်း မိမိကိုယ်ကို ယုံကြည်မှု ပိုမိုတိုးတက်လာစေခြင်းတို့မှာ ဖုန်ကန်ရာဇီခရီးစဉ်၏ ထူးခြားသည့် အတွေ့အကြုံများ ဖြစ်ကြသည်။
ကျွန်တော်တို့ Northern Brothers အဖွဲ့မှ ဖုန်ကန်ရာဇီ ရေခဲတောင်ခရီးစဉ်ကို ဒီဇင်ဘာလ နောက်ဆုံးပတ်မှ စတင်၍ ဧပြီလကုန်အထိ တောက်လျှောက် ပို့ဆောင်ပေးလျက်ရှိပါသည်။ ပူတာအိုမြို့မှ စတင်မည့် ခရီးစဉ်မှာ (၇) ညအိပ် (၈) ရက် ခန့် ကြာမြင့်မည်ဖြစ်သည်။သတိပြုရန် - ခရီးစဉ်အဆင်ပြေစေရန်အတွက် ခရီးမထွက်မီ (၁) လခန့် ကြိုတင်၍ လမ်းလျှောက် လေ့ကျင့်ခန်းနှင့် အတက်အဆင်း ဒူးလေ့ကျင့်ခန်းများ ပြုလုပ်ထားရန် အကြံပြုလိုပါသည်။ ခရီးစဉ် တစ်ကြောင်းလျှင် လူဦးရေ အနည်းဆုံး (၁) ဦးမှ (၁၀) ဦးအထိ လက်ခံဆောင်ရွက်ပေးမည် ဖြစ်သည်။ခရီးစဉ် အသေးစိတ် (၈ ရက်)
Day 1: ပူတာအို ➔ ဇီယာဒမ်းရွာ
ပူတာအိုမြို့မှ ဇီယာဒမ်းရွာသို့ ဆိုင်ကယ်ဖြင့် ထွက်ခွာမည်။ (ခန့်မှန်းကြာချိန် ၄ - ၅ နာရီ)
Day 2: ဇီယာဒမ်းရွာ ➔ အောက်သစ်ပင်ကြီးစခန်း
မနက်ပိုင်းတွင် ဇီယာဒမ်းရွာမှ အောက်သစ်ပင်ကြီးစခန်းသို့ ခြေလျင်စတင် ထွက်ခွာမည်။
Day 3: အောက်သစ်ပင်ကြီးစခန်း ➔ ခမ်းတောက်မြစ်စခန်း
အောက်သစ်ပင်ကြီးစခန်းမှ မနက်စာသုံးဆောင်ပြီး ခမ်းတောက်မြစ်စခန်းသို့ တောလမ်းအတိုင်း ခရီးဆက်မည်။
Day 4: ခမ်းတောက်မြစ်စခန်း ➔ ရေခဲစပ်စခန်း
ခမ်းတောက်မြစ်စခန်းမှ ရေခဲစပ်စခန်းသို့ အတက်လမ်းအတိုင်း ဆက်လက်တက်ရောက်မည်။
Day 5: ရေခဲစပ်စခန်း ➔ ဖုန်ကန်ရာဇီ တောင်ထိပ် ➔ ရေခဲစပ်စခန်း
ရေခဲစပ်စခန်းမှ ဖုန်ကန်ရာဇီ တောင်ထိပ်သို့ တက်ရောက်ကာ မှတ်တမ်းဓာတ်ပုံများ ရိုက်ကူးပြီး ရေခဲစပ်စခန်းသို့ ပြန်ဆင်း၍ ညအိပ်မည်။
Day 6: ရေခဲစပ်စခန်း ➔ အောက်သစ်ပင်ကြီးစခန်း
ရေခဲစပ်စခန်းမှ အောက်သစ်ပင်ကြီးစခန်းသို့ အပြန်ခရီး စတင်ဆင်းမည်။
Day 7: အောက်သစ်ပင်ကြီးစခန်း ➔ ဇီယာဒမ်းရွာ
အောက်သစ်ပင်ကြီးစခန်းမှ ဇီယာဒမ်းရွာသို့ ပြန်လည်ရောက်ရှိ ညအိပ်မည်။
Day 8: ဇီယာဒမ်းရွာ ➔ ပူတာအိုမြို့
ဇီယာဒမ်းရွာရှိ ရေခဲတောင်နောက်ခံနှင့် လှပထင်ရှားသည့် ဇီယာကျောက်တုံးကြီးတွင် အမှတ်တရ ဓာတ်ပုံများ ရိုက်ကူးပြီး ပူတာအိုမြို့သို့ ဆိုင်ကယ်ဖြင့် ပြန်လည်ထွက်ခွာကာ ခရီးစဉ်ကို အောင်မြင်စွာ ရုပ်သိမ်းမည် ဖြစ်သည်။
ပါဝင်သည့် ဝန်ဆောင်မှုများ (Included Services)
ပူတာအို လေဆိပ် ကြို/ပို့ ဝန်ဆောင်မှု
ပူတာအို ➔ ဇီယာဒမ်း အသွား/အပြန် ဆိုင်ကယ် ကယ်ရီ
ခရီးစဉ်တစ်လျှောက် သုံးနပ်စာ အစားအသောက်များ (မနက်၊ နေ့လယ်၊ ည)
အထမ်းသမားခနှင့် ဒေသခံ တောင်တက်လမ်းပြခ
ရွာတည်းခိုခ၊ ရွက်ဖျင်တဲ (Tent) နှင့် အခင်းများ
မပါဝင်သည့် ဝန်ဆောင်မှုများ (Excluded Services)
လေယာဉ်လက်မှတ်
ဟိုတယ် တည်းခိုခနှင့် မြို့တွင်းလည်ပတ်စရိတ်
မိမိတစ်ကိုယ်ရေသုံး တောင်တက်ပစ္စည်းများ၊ Sleeping Bag နှင့် ဆေးဝါးများ
ခရီးစဉ်နှင့် မသက်ဆိုင်သော အပိုကုန်ကျစရိတ်များ
ယူဆောင်လာရမည့် တစ်ကိုယ်ရေသုံး ပစ္စည်းများ
မိုးကာအင်္ကျီ (အထူ ၂ ထည်၊ အပါး ၁ ထည်) နှင့် ဆိုင်ကယ်စီး မိုးကာ (၁) ထည်
ညအိပ်ဝတ်ရန် ဆွယ်တာလက်ရှည် (၂) စုံ
လမ်းလျှောက်ဝတ်စုံ (၂) စုံ (အင်္ကျီ ၂ ထည်၊ မိုးကာအသား ဘောင်းဘီရှည် ၁ ထည်၊ ဆွယ်တာ လမ်းလျှောက်ဘောင်းဘီရှည် ၁ ထည်)
လျှာထိုးဦးထုပ် (၁) လုံး၊ အနွေးဦးထုပ် (၁) လုံး
လက်အိတ် (ရိုးရိုး ၂ စုံ၊ မိုးကာသား အနွေး ၁ စုံ)
ခြေအိတ် (အတို ၃ စုံ၊ အရှည် ၂ စုံ)
နေကာမျက်မှန်၊ ခေါင်းစွပ်ဓာတ်မီးနှင့် ဓာတ်ခဲ (၁) ကတ်
သောက်ရေဗူး
ကျောပိုးအိတ်အသေး (ရေဗူး၊ မျက်မှန်၊ ဓာတ်မီး၊ မုန့်များ ထည့်ရန်)
ညှပ်ဖိနပ် (၁) ရံ၊ တောစီးဖိနပ် (၁) ရံ
နှင်းကာ ဒူးစွပ် (Snow Gaiters)
မိမိနှစ်သက်ရာ အစာခံသရေစာမုန့်များနှင့် လိုအပ်သော ကိုယ်ပိုင်ဆေးဝါးများ ⚠️ ခရီးစဉ် လိုက်ပါမည့်သူများ သိရှိရန် ခရီးသည်များသည် ခရီးစဉ်မထွက်ခွာမီ (၁) ရက်အလို တွင် ပူတာအိုမြို့သို့ ရောက်ရှိရမည် ဖြစ်သည်။
ဆောင်းတွင်း၌ ခရီးသွား များပြားသဖြင့် လေယာဉ်လက်မှတ်များကို ကြိုတင် ချိတ်ဆက်ထားရန် လိုအပ်ပါသည်။
ခရီးစဉ်အတွင်း မသက်ဆိုင်သော တန်ဖိုးကြီး ပစ္စည်းများနှင့် လက်ဝတ်ရတနာများ ယူဆောင်လာခြင်း မပြုပါရန်။
ဈေးနှုန်း၊ ဝန်ဆောင်မှုများနှင့် အခြားသိရှိလိုသည်များကို Page Chatbox နှင့်
09756771697,09758708708 မှတစ်ဆင့်ဆက်သွယ်စုံစမ်းမေးမြန်းနိုင်
ပါသည်။ #ရေခဲတောင်တက်ခရီးစဉ် #ဖုန်ကန်ရာဇီ
အသေးစိတ် ဆက်သွယ်မေးမြန်းနိုင်ပါသည်။
