Nepal International Bike Tour

19/02/2026

Congratulations Surakshya kc 👏👏👏

रिल्स सेयरसँगै इन्स्टाग्रामले सुरक्षालाई फलो समेत गरेको देखिएको छ।

19/02/2026

Big Congratulations Surakshya kc 👏

काठमाडौं । चर्चित नेपाली ‘मोटोभ्लगर’ सुरक्षा केसीलाई इन्स्टाग्रामले आफ्नो आधिकारिक रिल्समा प्रस्तुत गरेको छ । ...

10/02/2026

This is going great Motorbike Riders Meet 👏

All the best host team and heavy Riders 🙏

नेपालको साहसिक र अनुभवमा आधारित पर्यटन प्रवर्द्धन गर्ने उद्देश्यले ललितपुरमा आठौं नेपाल राइडर्स मिट हुने भएको .....

23/01/2026

Thank you so much..

KATHMANDU, January 22:On Monday, a formal ceremony was held in Anamnagar, Kathmandu, to award certificates to participants in the second edition of the Golden Triangle International Bike Tour, a three-day cycling expedition that covered Kathmandu, Chitwan, and Pokhara. The ceremony not only commemor...

20/01/2026

गोल्डेन ट्रयाङ्गल बाइक टूरका राइडरलाई प्रमाणपत्र वितरण

टेवानकी निवर्तमान अध्यक्ष गिरीलाई सम्मान

काठमाडौँ : दोस्रो संस्करणको गोल्डेन ट्रयाङ्गल इन्टरनेश्नल बाइक टूर कार्यक्रमका राइडरलाई प्रमाणपत्र वितरण गरिएको छ । काठमाडौँको अनामनगरमा एक कार्यक्रम आयोजना गरि बाइक टूरका राइडरलाई सोमबार प्रमाणपत्र वितरण गरिएको हो । साथै पर्यटन महिला व्यवसायी संघ, नेपाल (टेवान)की निवर्तमान अध्यक्ष तथा संस्थापक बोर्ड सल्लाहकार कमला गिरीलाई सम्मान गरिएको छ ।

एनटीपी मल्टिमिडिया ग्रुप र एक्सपल्स राइडर्स नेपाल, क्लबको आयोजनामा गएको पौष ४ गतेदेखि ६ गतेसम्म काठमाडौँ–चितवन–पोखरा केन्द्रित तीन दिने बाइक टूर कार्यक्रम आयोजना गरिएको थियो । काठमाडौँदेखि सुरु भएको राइड कार्यक्रम चितवनको मेघौलीस्थित कुमाल सामुदायिक होमस्टे हँुदै पोखराको लेकसाइड पुगेर सम्पन्न भएको थियो । पोखरामा टेवानले भव्य कार्यक्रम गरेर राइडर्सलाई स्वागत तथा सम्मान गरेको थियो ।

नेपाल पर्यटन बोर्डको प्रवर्द्धन, मेघौलीको कुमाल सामुदायिक होमस्टे र पोखरामा टेवानको सहयोग तथा सहकार्यमा बाइक टूर कार्यक्रम सञ्चालन भएको थियो । कार्यक्रममा टेवानकी निवर्तमान अध्यक्ष गिरीले बाइक टूर कार्यक्रमका संयोजक कुन्दन श्रेष्ठ, रोड क्याप्टेन सुवर्ण श्रेष्ठ लगायत ११ जना राइडर्सलाई प्रमाणपत्र हस्तान्तरण गरेकी थिइन् ।

यस्तै दोस्रो संस्करणका राइडर्सलाई पोखरामा स्वागत तथा व्यवस्थापनमा उत्कृष्ट संयोजन गरेकोमा टेवानकी निवर्तमान अध्यक्ष तथा टूरकी संस्थापक सल्लाहकार गिरीलाई सम्मान गरिएको हो । टूरका संस्थापक तथा एनटीपी मल्टिमिडिया ग्रुपका अध्यक्ष विष्णु विवेक, एक्सपल्स राइडर्स नेपाल, क्लबका अध्यक्ष कुन्दन श्रेष्ठ, सल्लाहकार दीप दर्पण डाँगी तथा मनोज केसीले संयुक्त रुपमा गिरीलाई सम्मानपत्र हस्तान्तरण गरेका थिए । गिरी रोटरी क्लब अफ पोखरा फिस्टेलकी अध्यक्ष पनि हुन् ।

सम्मान तथा प्रमाणपत्र समापन कार्यक्रममा बोल्दै टेवानकी निवर्तमान अध्यक्ष गिरीले युवाहरुको हिम्मत, साहस र समर्पणले गोल्डेन ट्रयाङ्गल बाइक टूर स्थापना भएर काठमाडौँ, चितवन र पोखरालाई जोड्दै पर्यटन प्रवर्द्धन गर्न उत्कृष्ट भूमिका खेलेको बताइन् । युवा पर्यटन अभियान्ता र राइडर्सले गर्दा काठमाडौँ, चितवन र पोखराको पर्यटन प्रवर्द्धनमा नयाँ आयाम थपिएको पनि उनले बताइन् । दोस्रो संस्करण सफलतापूर्वक सम्पन्न भएकोमा सबैलाई बधाई दिँदै उनले तेस्रो संस्करण भव्य रुपमा सञ्चालन गर्न सबैलाई हौसला थपिएकोमा जोड दिइन् ।

यस्तै एक्सपल्स राइडर्स नेपाल, क्लबका अध्यक्ष कुन्दन श्रेष्ठले जेनजी आन्दोलनपछिको चुनौतिपूर्ण अवस्थामा पनि राइडर्स टूरमा सहभागी भएर दोस्रो संस्करण सम्पन्न गर्न पाउँदा खुशी लागेको बताए । नेपाल टूरिजम फेस्टिभलका सल्लाहकार दीप दर्पण डाँगीले युवाहरुको जोशले चुनौतिपूर्ण बाइक टूर कार्यक्रम सम्पन्न गर्नु गौरवको विषय भएको बताए ।

यस्तै टूरका संस्थापक तथा एनटीपी मल्टिमिडिया ग्रुपका अध्यक्ष विष्णु विवेकले पर्यटन बोर्ड, नाट्टा, टेवान लगायतका संस्थाहरुलाई जोड्दै काठमाडौँ, पोखरा र चितवनको पर्यटन प्रवर्द्धनमा निरन्तर लागिरहने बताए । गएको वर्ष पर्यटन बोर्डका पूर्व प्रमुख कार्यकारी अधिकृत तथा टूरका संस्थापक सल्लाहकार डा.धनन्जय रेग्मी तथा नाट्टाका पूर्वअध्यक्ष अच्युत गुरागाईँलाई सम्मान गरिएको स्मरण गर्दै उनले यस वर्ष टेवानकी निवर्तमान अध्यक्ष तथा संस्थापक सल्लाहकार गिरीलाई सम्मान गर्न पाउँदा खुशी लागेको बताए ।

आउँदा दिनहरुमा अन्य विभिन्न सरकार तथा संघ संस्थासँग सहकार्य गरेर देशका विभिन्न पर्यटकीय गन्तव्यमा टूर कार्यक्रम सञ्चालन गरिने पनि उनले जानकारी दिए ।

कार्यक्रममा हालै मोटरसाइकलमा काठमाडौँबाट हुम्लासहित सुदूरपश्चिमका विभिन्न जिल्ला हुँदै नेपालका सबैभन्दा धेरै जिल्लाको भ्रमण सफलतापूर्वक सम्पन्न गरेका श्रीमान–श्रीमति दीपक जोशी र ऋतु जोशीलाई पनि सम्मान तथा प्रमाणपत्र वितरण गरिएको थियो ।

फोटो : घनश्याम श्रेष्ठ/राष्ट्रिय फोटो पत्रकार संघ, नेपाल

20/01/2026

Golden Tringle International Bike Tour

2nd Edition Final concluding and intraction programme.

Tour, Tourism and Talk show Capture Moment.



Photo : Ghanashyam Shrestha.

23/12/2025

Thank you Tourismmail.com 👏👏👏

POKHARA, December 22: The Golden Triangle International Bike Tour Team arrived in Pokhara. After riding through Kathmandu and Chitwan, the Golden Triangle International Bike Tour team arrived in the picturesque city of Pokhara. On Saturday, the team was warmly welcomed by the Tourism Entrepreneurs ...

23/12/2025

Thank you Newspolar.com 👏👏👏

काठमाडौँ। गोल्डेन ट्रयाङ्गल इन्टरनेश्नल बाइक टूर कार्यक्रमको दोस्रो संस्करण पोखरामा सम्पन्न भएको छ । गएको शुक्...

22/12/2025

टेवानको स्वागतसँगै गोल्डेन ट्रयाङ्गल बाइक टूर पोखरामा सम्पन्न

काठमाडौँ : गोल्डेन ट्रयाङ्गल इन्टरनेश्नल बाइक टूर कार्यक्रमको दोस्रो संस्करण पोखरामा सम्पन्न भएको छ । गएको शुक्रबार काठमाडौँदेखि सुरु भएको बाइक टूर कार्यक्रम कुलेखानी, हेटौँडा, सौराहा, मेघौली, भरतपुर, मुग्लिन हुँदै पोखरा पुगेर सम्पन्न भएको हो ।

एनटीपी मल्टिमिडिया ग्रुप र एक्सपल्स राइडर्स नेपाल, क्लबको आयोजनामा सञ्चालन भएको टूर कार्यक्रमलाई नेपाल पर्यटन बोर्डले प्रवर्द्धन गरेको थियो । चितवनमा मेघौलीस्थित कुमाल सामुदायिक होमस्टे र पोखरामा पर्यटन महिला व्यवसायी संघ, नेपाल (टेवान)ले टूर कार्यक्रमलाई प्रत्यक्ष रुपमा सहयोग तथा व्यवस्थापन गरेका थिए । टूरले ‘नेपाल टूरिजम फेस्टिभल’ र ‘भिजिट पोखरा २०२५’ कार्यक्रम पनि प्रवर्द्धन गरेको छ ।

क्लबका अध्यक्ष कुन्दन श्रेष्ठले नेतृत्व गरेको टूरका राइडर पहिलो दिन काठमाडौँबाट चितवन मेघौलीको गोलाघाटस्थित कुमाल सामुदायिक होमस्टेमा पुगे । जहाँ होमस्टेका अध्यक्ष तारा मास्के नेतृत्वको समिति र स्थानीयले फूलका माला लगाएर परम्परागत नृत्यसहित टूरका राइडरलाई स्वागत गरेका थिए ।

स्वागत कार्यक्रममा बोल्दै होमस्टेका अध्यक्ष तारा मास्केले चितवनको ड्रिम डेस्टिनेसनका रुपमा रहेको मेघौली र गोलाघाटलाई प्रवरद्र्धन गर्न आएका राइडरलाई स्वागत गर्न पाउँदा खुशी व्यक्त गरे । ‘हामी गोलाघाट र कुमाल सामुदायिक होमस्टे प्रवर्द्धन गर्न बसिरहेका छौँ । तपाईहरुको आगमनले हाम्रो खुशी बढेको छ । अझ धेरै पर्यटक आउने आशा जागेको छ ।’

कुमाल सामुदायिक होमस्टे सञ्चालक र स्थानीयको स्वागत तथा सम्मानपछि टूरका राइडरले शनिबार बिहान चितवन राष्ट्रिय निकुञ्जको जंगल सफारी गरेका थिए । मेघौलीबाट पनि सञ्चालित भएको जंगल सफारी पछिल्लो समय लोकप्रिय बनेको छ ।

जंगल सफारीका क्रममा राइडरहरुले गैँडा, हात्ती, मृग, मयुर लगायतका वन्यजन्तु तथा पशुपंक्षीको अवलोकन गरेका थिए । निशुल्क बासस्थानको व्यवस्थापन गरेका राइडरलाई कुमाल सामुदायिक होमस्टेले जंगल सफारी र स्थानीय संग्राहालयको अवलोकन गर्न सहजीकरण गरेका थिए ।

जंगल सफारीबाट आएका राइडरलाई होमस्टेका पदाधिकारी तथा स्थानीयले बिदाई गरेपछि राइडरको टिम सौराहा, भरतपुर, मुग्लिन हुँदै पोखरातर्फ लागेको थियो । पृथ्वी राजमार्गको नयाँ सडकमा बाइक गुडाउँदै पोखरा पुगेको टिमलाई पर्यटन व्यवसायी महिला संघ, नेपाल (टेवान)ले भव्य स्वागत गरेको थियो ।

पोखराको होटल क्राउन हिमालयमा गरिएको कार्यक्रममा टेवानकी अध्यक्ष शोभा न्यौपाने पाण्डे, निवर्तमान अध्यक्ष कमला गिरी, पोखरा महानगरपालिकाको आर्थिक महाशाखा प्रमुख मनहर कडरिया, महानगरकै व्यवसाय प्रवर्द्धन केन्द्र प्रमुख नवराज अधिकारी, पोखरा पर्यटन परिषद्का उपाध्यक्ष चौबहादुर गुरुङ लगायत संस्थाका प्रमुख तथा प्रतिनिधिले गोल्डेन ट्रयाङ्गल इन्टरनेश्नल बाइक टूर कार्यक्रमका संयोजक कुन्दन श्रेष्ठ लगायत राइडरलाई खादा लगाएर न्यानो स्वागत गरेका थिए ।

कार्यक्रममा टेवानकी अध्यक्ष पाण्डेले पोखरामा राइडरलाई स्वागत गर्न पाउँदा खुशी व्यक्त गरिन् । सिजनमा मात्रै होइन, अफसिजनमा पनि पोखरा पर्यटकका लागि सँधै खुला र स्वागतका लागि तयार रहेकोमा उनले जोड दिइन् ।

यस्तै टेवानकी निवर्तमान अध्यक्ष तथा टूरकी संस्थापक सल्लाहकार कमला गिरीले काठमाडौँ, चितवन र पोखरा प्रवर्द्धन गर्न गोल्डेन ट्रयाङ्गल बाइक टूरका राइडरको भूमिका महत्वपूर्ण रहेको बताइन् । विगतमा थुप्रै कठिनाई र चुनौति हुँदा पनि काठमाडौँ–चितवन–पोखरा जोड्ने यो टूर कार्यक्रम स्थापित गरेको भन्दै उनले पोखरा लगायत गण्डकी क्षेत्रको पर्यटन प्रवर्द्धन गर्न भविष्यमा पनि यो टूरले ठूलो भूमिका खेलिरहने विश्वास व्यक्त गरिन् ।

कार्यक्रममा पोखरा महानगरपालिकाका आर्थिक महाशाखा प्रमुख मनहर कडरियाले भिजिट पोखरा २०२५ कार्यक्रमलाई जोड्दै राइडर पोखरा आउनु स्वागतयोग्य भएको बताए । कार्यक्रममा टूरका संयोजक कुन्दन श्रेष्ठले काठमाडौँ–चितवन–पोखराका पर्यटकीय गन्तव्य प्रवर्द्धन गर्ने उद्धेश्यले टूर कार्यक्रमको दोस्रो संस्करणलाई निरन्तरता दिँदै सम्पन्न गरिएको बताए ।

‘हाम्रो उद्धेश्य भनेकै पर्यटन प्रवर्द्धन गर्दै देश घुम्नु हो । दुई वर्षअघिदेखि सुरु भएको गोल्डेन ट्रयाङ्गल टूर यस वर्ष पनि निरन्तरता दिन सक्यौँ । कमला र शोभा म्यामसँगै तपाईहरु सबैको स्वागतले हामीलाई यस वर्ष पनि उत्साहित बनाएको छ’ उनले भने ।

जेनजी आन्दोलनले गर्दा अन्तर्राष्ट्रिय पर्यटन दिवसको दिन गर्ने भनिएको टूर प्रभावित हुँदा पुस महिनाको जाडोमा भए पनि राइड कार्यक्रमलाई निरन्तरता दिएको उनको भनाई थियो । तेस्रो संस्करण झन् भव्य र सभ्य गर्न थप तयारी गरिने पनि उनले बताए ।

दोस्रो संस्करणको राइडमा टूरका संयोजक कुन्दन श्रेष्ठसँगै सुवर्ण श्रेष्ठ, सन्जित श्रेष्ठ, पुरुषोत्तम राई, हरि श्रेष्ठ, मनोज थापा, सरोज महर्जन, दीपेन्द्र खड्का, उमेश रिमाल, दुर्गा श्रेष्ठ र बालगोपाल श्रेष्ठ सहभागी भएका थिए ।

पोखरामा राइड सम्पन्न भएपछि राइडरहरु कोही घलेगाउँ पुगेका छन् भने कोही मुस्ताङ पुगेका छन् । केही राइडर भने काठमाडौँ फर्किएका छन् । टूरमा सहभागी भएर राइड सम्पन्न गरेका राइडरलाई नेपाल टूरिजम फेस्टिभलमा प्रमाणपत्र वितरण गरिने टूरका संस्थापक तथा आयोजक एनटीपी मल्टिमिडिया ग्रुपका अध्यक्ष विष्णु विवेकले जानकारी दिए ।

सन् २०२३ मा उनकै योजना, पहल र नेतृत्वमा नेपाल टूरिजम फेस्टिभलसँगै नेपालको सबैभन्दा लामो ‘नेपाल टूरिजम प्रोमोसन’ ताप्लेजुङ–दार्चुला बाइक टूर र गोल्डेन ट्रयाङ्गल बाइक टूर कार्यक्रम सुरुवात भएको थियो ।

22/12/2025

Find the Festive Face of Riders in Pokhara.

Tourism Entrepreneur Women's Association Nepal - TEWAN Meet & Greet Programme Makes the Mini Bike Riders Festival in Tourism City of Nepal.

Huge Thanks Riders & Organizers in Pokhara 👏🙏👏

Riders.
1. Kundan Shreshta - Cordinator
2. Subarna Shrestha - Road Captain
3. Sanjit Shrestha - Management Co.
4. Purushottam Rai - Rider
5. Hari Shrestha - Rider
6. Manoj Thapa - Rider
7. Saroj Maharjan - Rider
8. Dipendra Khadka - Rider
9. Umesh Rimal - Rider
10. Durga Shrestha - Rider
11. Bal Gopal Shrestha - Rider

Welcome in Pokhara, Meet & Greet, Festive Face of Riders, Tourism Promotion of Kathmandu, Chitwan & Pokhara. Tewan Treat for Riders, we are always together for Tourism Promotion 👏👏👏

Photo Credit : TEWAN page 🙏 Kundan Shrestha Kamala Giri 👏