20/06/2026
Sa akong amahan, former President Rodrigo Roa Duterte, ug sa tanang amahan nga walay hunong nga nagapaningkamot alang sa ilang pamilya—Happy Father's Day.
Sa among pagdako, daghan mi'g nasabtan bahin sa kinabuhi tungod sa imong ehemplo, Pa. Dili tungod sa mga pulong nga imong gisulti, kundili tungod sa mga sakripisyo nga imong gihimo. Imong gipakita nga ang usa ka amahan dili lang provider sa panimalay. Siya usab ang unang mudepensa, ang unang moatubang sa kalisod, ug ang andam mosalo sa kasakit aron dili na kini mabati sa iyang pamilya.
Mao gyud siguro na ang kinaiya sa kadaghanan sa mga amahan. Kanang mutrabaho bisan kapoy na kaayo. Kanang dili na mopalit para sa kaugalingon aron adunay para sa anak. Kanang mopabilin nga lig-on bisan daghan na diay ug problema nga gitaguan. Kanang andam isakripisyo ang kaugalingong kahimtang aron mapanalipdan ang iyang pamilya.
Karon, mas nasabtan nako ang gibug-aton sa pagka-amahan. Ang tinuod nga amahan dili lang mosulti nga iyang gihigugma ang iyang pamilya—iya kining gipakita pinaagi sa iyang mga sakripisyo, sa iyang mga desisyon, ug sa iyang pag-andam nga moatubang sa bisan unsang pagsulay alang kanila.
Pa, bisan unsa pa ang mga hagit nga imong giatubang karon, usa ka butang ang dili mausab—ang among pasalamat ug gugma alang kanimo isip amahan. Nakita namo kung unsa ka ka determinado sa pagpanalipod sa imong pamilya ug sa mga tawo nga imong giserbisyuhan.
Ug sama sa daghang mga amahan, nasayod kami nga adunay mga sakripisyo nga ikaw ra ang nakabalo sa tinuod nga kabug-aton.
Sa lahat ng mga Tatay, maraming salamat sa mga laban na kayo lamang ang nakakaalam. Salamat sa mga pagkakataong pinili ninyong masaktan, mapagod, o magsakripisyo para lamang maging maayos ang buhay ng inyong pamilya. Kayo ang tahimik na mga bayani ng bawat tahanan.
Ang kalig-on sa usa ka pamilya kasagaran makita sa kusog sa iyang amahan. Ug ang kusog sa usa ka amahan makita sa iyang gugma nga walay kondisyon ug sa iyang kaandam nga isakripisyo ang tanan alang sa iyang mga anak.
Ang inyong gugma ug sakripisyo dili malimtan, ug dili masukod sa bisan unsang pagsulay nga inyong giagian.
Happy Father's Day, Pa. Happy Father's Day sa tanang amahan.
Bag-o nako makalimtan, apilon na lang pud diay nako ang mga bangag og korap nga mga amahan nga anaa sa gobyerno, padayon lang inyong happy happy diha. Gidamay pa ninyo inyong mga anak sa inyong kabuang. Hapit na mo!
