Forca Ajrore

12/06/2026

📍 U përmbyllën me sukses dy kurse të rëndësishme të formimit profesional në Forcën Ajrore, duke shënuar një hap të rëndësishëm në përgatitjen dhe kualifikimin e personelit ushtarak.

Për disa muaj, 23 kursantë përfunduan me sukses Kursin Bazë të Nënoficerit, specialiteti Forcë Ajrore, Faza II, si dhe Kursin Funksional Bazik “Teknik/Mekanik i Përgjithshëm Helikopteri”.

Gjatë këtij procesi, ata përfituan njohuri teorike dhe praktike, duke rritur aftësitë profesionale dhe gatishmërinë për detyrat në strukturat operacionale dhe teknike të Forcës Ajrore.

Me përfundimin e kursit bazë të nënoficerit, kursantët fituan të drejtën për gradën “Tetar”, ndërsa pjesëmarrësit e kursit teknik u kualifikuan për shërbim në mirëmbajtjen dhe mbështetjen e mjeteve ajrore.

👏 Urime të gjithë kursantëve për përkushtimin dhe rezultatet e arritura. Suksese në karrierën ushtarake dhe profesionale në shërbim të Forcës Ajrore! ✈️🇦🇱

10/06/2026

🇦🇱🤝🇮🇹

Angazhim i përbashkët i strukturave të Forcës Ajrore, me Bazën Ajrore Kuçovë, Qendrën e Kontroll-Raportimit (QKR) dhe Detashmentin e Droneve, në mbështetje të një aktiviteti operacional të Forcës Ajrore Italiane në fushën e patrullimit ajror (Air Policing) dhe operacioneve të Kërkim-Shpëtimit (SAR).

Baza Ajrore Kuçovë (BAK) vuri në dispozicion infrastrukturën stërvitore dhe kapacitetet e nevojshme për zhvillimin e aktivitetit. QKR siguroi koordinimin dhe monitorimin e veprimtarisë ajrore, ndërsa, në mbështetje të skenarëve operacionalë, u angazhua mjeti ajror pa pilot Bayraktar TB2, i përdorur për misione kërkimi, zbulimi dhe vëzhgimi ajror.

Përmes koordinimit të kapaciteteve njerëzore dhe teknike, Forca Ajrore kontribuoi në realizimin e skenarëve operacionalë, duke forcuar ndërveprueshmërinë, shkëmbimin e eksperiencave dhe bashkëpunimin me partnerët aleatë.

🇦🇱🇮🇹✈️

10/06/2026

09/06/2026

🎓✈️ Forca Ajrore mirëpriti studentët e programit “Master i Shkencave” në Inxhinieri Armatimi, profili “Aviacion dhe Navale”, të universitetit " Ismail Qemali", Vlorë, në një aktivitet teorik dhe praktik të zhvilluar pranë Detashmentit të Avionëve pa Pilot në Bazën Ajrore të Kuçovës.

Gjatë aktivitetit, studentët u njohën nga afër me teknologjitë UAV, proceset e përpunimit të të dhënave dhe aplikimet e fotogrametrisë me dronë, duke eksploruar kapacitetet dhe procedurat operacionale të sistemeve pa pilot që përdoren nga Forca Ajrore.

Ky bashkëpunim ndërmjet Forcës Ajrore dhe institucioneve akademike kontribuon në përgatitjen e specialistëve të rinj, duke ndërthurur njohuritë teorike me përvojën praktike në fushën e aviacionit dhe teknologjive moderne ushtarake.

03/06/2026

✈️ Reflektim i angazhimit të vazhdueshëm të Forcës Ajrore për ruajtjen e standardeve të larta të profesionalizmit, disiplinës dhe gatishmërisë në shërbim të sigurisë dhe mbrojtjes së vendit, ishte ceremonia e prezantimit të emërimeve të reja në strukturat drejtuese të saj.

Nën drejtimin e Komandantit të Forcës Ajrore, Gjeneral brigade Edmond Voci, u prezantua Kolonel Julian Dulemata në detyrën e Shefit të Shtabit të Forcës Ajrore, Kolonel Dritan Dyrmishi në detyrën e Komandantit të Bazës Ajrore të Kuçovës dhe Kolonel Adrian Kuli në detyrën e Komandantit të Shkollës së Trupës së Forcës Ajrore. Në ceremoni u prezantuan gjithashtu edhe oficerë të tjerë në pozicione drejtuese, duke dëshmuar vazhdimësinë e lidershipit dhe përkushtimit në përmbushjen e misionit të Forcës Ajrore.

🇦🇱✈️

01/06/2026

✨ Gëzuar Festën e Fëmijëve! ✨

27/05/2026

✈️🇦🇱 Në Ljubljana, në takimin e Komitetit të Aviacionit të NATO-s, ku morën pjesë përfaqësues nga 35 vende aleate dhe partnere, Shqipëria u përfaqësua nga Komandanti i Forcës Ajrore, Gjeneral Brigade Edmond Voci.

Fokusi i diskutimeve ishte forcimi i sigurisë ajrore, koordinimi i hapësirës ajrore dhe rritja e interoperabilitetit mes vendeve të Aleancës.

Për Forcën Ajrore Shqiptare, pjesëmarrja në këtë forum përkthehet në më shumë bashkëpunim me aleatët, shkëmbim eksperiencash dhe rritje të kapaciteteve operacionale 🚀🤝

🇦🇱