ADY Ekspress MMC / ADY Express LLC

30/04/2026

28/04/2026

Zərifə Əliyevanın anadan olmasının 103-cü ildönümü münasibətilə görkəmli alim və ictimai xadimin əziz xatirəsi dərin ehtiramla yad edirik.

27/04/2026

Azərbaycan təhlükəsiz və etibarlı tranziti təmin edir.

Bu barədə Prezident İlham Əliyev Azərbaycan-Çexiya biznes-forumunda çıxışı zamanı deyib.

Dövlət başçısı qeyd edib: "Bu gün biz Şərq-Qərb nəqliyyat dəhlizinə geniş sərmayə yatırırıq və bu gün ənənəvi təchizat zəncirinin kəsilməsinə, logistika və tranzitlə bağlı problemlərə görə bu dəhlizə heç vaxt olmadığı kimi ehtiyac var".

Prezident əlavə edib ki, Azərbaycan Şərqdən Qərbə və əks istiqamətdə, hətta Şimaldan Cənuba və Cənubdan Şimala təhlükəsiz və etibarlı tranziti təmin edir:

"Biz hər iki dəhlizin kəsişməsində yerləşirik və son illərdə infrastruktura geniş investisiyalar ilə biz bir çox ölkələrə lazım olan bu böyük aktivi artıq yaratmışıq".

25/04/2026

🤝 ADY sədri Rövşən Rüstəmov Qazaxıstana işgüzar səfəri çərçivəsində “Trans-Xəzər Beynəlxalq Nəqliyyat Marşrutu” Beynəlxalq Assosiasiyası (TBNM BA) Hüquqi Şəxslər Birliyinin İdarə Heyətinin növbəti iclasında iştirak edib.

🔗 Daha ətraflı: https://adyexpress.az/media/xeberler/ady-sedrinin-istiraki-ile-orta-dehlizin-inkisafi-uzre-muhum-senedler-imzalanib

23/04/2026

23/04/2026

Prezident İlham Əliyev Azərbaycanın əsasən keçmişdə, indi və gələcəkdə diqqət yetirəcəyi mühüm sahələrdən birinin nəqliyyat bağlantısı olduğunu bildirib.

Dövlət başçısı Azərbaycan-Latviya biznes-forumunda qeyd edib ki, ölkəmizin coğrafiyası investisiyalar və Azərbaycanın açıq dənizə çıxışı olmayan ölkədən beynəlxalq nəqliyyat qovşağına çevrilməsi üçün uzunmüddətli siyasətlə tamamlanır:

"Bu, artıq baş verib və Şərqdən Qərbə və əks istiqamətdə, Şimaldan Cənuba və əks istiqamətdə nəqliyyat dəhlizləri artıq fəaliyyət göstərir. Azərbaycan ərazisində aparılan bütün tikinti işləri tamamlanmışdır. İndi gördüyümüz işlər isə müasirləşməyə, yeni fiziki infrastrukturun yaradılmasına, rəqəmsallaşdırılmaya, o cümlədən süni zəka tərəfindən yaradılan imkanlara investisiyaların yatırılmasından ibarətdir ki, Azərbaycan ərazisindən daşımalar bugünkü geosiyasi vəziyyətdə nəinki təkcə ən təhlükəsiz, lakin, eyni zamanda, daşıma haqları və zamanı nöqteyi-nəzərindən rəqabətli olsun".

Prezident İlham Əliyev əlavə edib ki, bu gün Azərbaycan olmadan Şərq və Qərb arasında bağlantı problemlidir və çoxlu investisiyalar və dost ölkələrlə, birbaşa qonşular və qonşuların qonşuları ilə uğurlu əməkdaşlıq sayəsində yüklər üçün ölkəmizdən təhlükəsiz və etibarlı nəqliyyat marşrutu təmin olunub.

20/04/2026

Prezident İlham Əliyev BMT-nin Asiya və Sakit Okean üzrə İqtisadi və Sosial Komissiyasının səksən ikinci sessiyasının iştirakçılarına müraciətində Azərbaycan əsas daşımalar qovşağı kimi öz rolunu gücləndirdiyini bildirib:

"Orta Dəhlizin əhəmiyyəti artır. Zəngəzur Dəhlizi Asiyanı Avropa ilə birləşdirərək, Asiya və Sakit Okean üzrə İqtisadi və Sosial Komissiyanın prioritetləri ilə tam uyğun şəkildə daha geniş nəqliyyat, enerji və rəqəmsal şəbəkələrə töhfə verərək, regional bağlantıları daha da artıracaq".

10/04/2026

📈 ADY tərəfindən 2026-cı ilin mart ayında 152 min tona taxıl və dənli bitkilər daşınıb ki, bu da ötən ilin eyni dövrü ilə müqayisədə 18% artım deməkdir.

⬆️ Tranzit rejimdə daşınmış analoji yüklərin həcmi martda 28 116 ton olub - 2025-ci ilin eyni dövrü ilə müqayisədə 27%, o cümlədən Şimal-Cənub dəhlizi üzrə 190%, Şimal-Qərb istiqamətində isə 3% artıb.

09/04/2026

✅ ADY 2026-cı ilin mart ayında 1.6 milyon tondan çox yük daşıyaraq ötən ilin eyni dövrünün göstəricisini 17 faiz üstələyib.

ℹ️ Keçən ay daşınmış 690 min tondan çox tranzit yük həcmi 2025-ci ilin mart ayına nisbətən 21 faiz çox olub.

06/04/2026

Orta Dəhlizin genişləndirilməsi üçün əlavə səylər göstəriləcək.

Bu barədə Azərbaycan Respublikasının Prezidenti İlham Əliyev Tbilisidə mətbuata bəyanatında bildirib.

Dövlət başçısı qeyd edib ki, bu gün nəqliyyat dəhlizlərinin genişləndirilməsi istiqamətində işlər aparılır:

"Orta Dəhliz Azərbaycan və Gürcüstan üzərindən keçir. Bu bizim üçün əsas nəqliyyat damarıdır və bunu genişləndirmək üçün əlavə səylər də göstərilir və göstəriləcəkdir".

02/04/2026

"İndiki geosiyasi vəziyyətdə Orta Dəhliz, Zəngəzur dəhlizi, bu istiqamətdə olan digər layihələr daha böyük önəm daşıyır".

Bu sözləri Prezident İlham Əliyev Türk Dövlətləri Təşkilatına üzv dövlətlərin hökumət başçıları ilə görüşündə deyib.

Dövlət başçısı qeyd edib ki, Azərbaycan ərazisində işlərin böyük hissəsi artıq görülüb - dəmir yolları, Bakı Limanı, avtomobil yolları, hava limanları daxil olmaqla, bütün nəqliyyat infrastrukturu hazır vəziyyətə gətirilib:

"O ki qaldı Zəngəzur dəhlizinin icrasına, orada avtomobil yolunun təqribən 90 faizi, dəmir yolunun isə təxminən 70 faizi hazırdır. Ümid edirəm ki, yaxın gələcəkdə bu layihə tam icra ediləcəkdir. Bilirik və çox şadıq ki, Türkiyədə də Qars-Naxçıvan dəmir yolunun tikintisinə start verilmişdir. Beləliklə, bu layihələrin uzlaşdırılması, koordinasiya şəklində icra edilməsi yeni bir önəmli beynəlxalq dəhliz açacaqdır. Bu, Orta Dəhlizin bir qolu olacaq və bizim inşa etdiyimiz dəmir yolu infrastrukturu birinci mərhələdə 15 milyon ton yükün daşınmasına hesablanıb. Amma gələcəkdə bu, arta da bilər və yəqin ki, artacaq".