ADY Ekspress MMC / ADY Express LLC

12/08/2026

“Azərbaycandan İrana ikinci dəmir yolu xətti açılacaqdır”.

Bu fikri Prezident İlham Əliyev Azərbaycan Televiziyasına müsahibəsində səsləndirib.

Dövlət başçısı qeyd edib ki, bu layihə Zəngəzur dəhlizi açılandan sonra reallaşdırılacaq.

“Məhz Zəngəzur dəhlizindən Naxçıvana girərək və Culfa dəmiryol məntəqəsindən İrana dəmir yolu var. Yəni bu layihə daha tez reallaşa bilər. Şimal-Cənub nəqliyyat dəhlizi Fars körfəzinə istiqamətləndirilir. Oradan o bölgəyə yaxın olan, məsələn, Pakistana uzana bilər. Yəni bu, çox önəmli bir nəqliyyat layihəsi olacaqdır və bunun mərkəzində Naxçıvan dayanır”.

12/08/2026

“Azərbaycan öz vəsaiti hesabına Naxçıvan dəmir yolunu tam işlək vəziyyətə çatdıra bilər”.

Bu sözləri Prezident İlham Əliyev Azərbaycan Televiziyasına müsahibəsində deyib.

Dövlət başçısı qeyd edib ki, Nəqliyyat və Rəqəmsal İnkişaf Nazirliyi bu işlə məşğuldur və “Azərbaycan Dəmir Yolları” QSC Ordubad istiqamətində inşa işlərinə başlamışdır və olmayan hissələr yenidən tikiləcək.

“İki hissə mövcud deyildi, hər ikisi də Ermənistan sərhədinə yaxındır - biri Ordubad, ikincisi isə Sədərək rayonlarının ərazisindədir. Hər iki hissənin uzunluğu o qədər də böyük deyil, təqribən 3-5-7 kilometrdir. Qalan dəmir yolu isə prinsipcə işlək vəziyyətdədir və bu gün də ondan istifadə edilir və edilə bilər. Sadəcə olaraq, bu gün mövcud olan dəmir yolunun yükaşırma qabiliyyəti 1,5 milyon tondur. İlkin mərhələ üçün Zəngəzur dəhlizinin və ümumiyyətlə, Şərq-Qərb dəhlizinin bir qolu olan bu yolun fəaliyyətə başlaması kifayətdir”.

Prezident qeyd edib ki, Azərbaycanın əsas istəyi bu nəqliyyat dəhlizindən ən azı 15 milyon ton yükün keçməsidir.

“Onun üçün bu gün mövcud olan dəmir yolu yenidən qurulmalıdır, reabilitasiya edilməlidir. Vaxt itirmək lazım deyil, Azərbaycan öz vəsaiti hesabına bu dəmir yolunu tam işlək və 15 milyon ton yükaşırma qabiliyyətinə malik olan vəziyyətə çatdıra bilər və çatdırmalıdır”.

12/08/2026

03/08/2026

🚆 Azərbaycan–Gürcüstan dəmir yolu daşımalarında sərhəd keçidi 2 dəfə sürətləndirilir. Bu məqsədlə Böyük Kəsik stansiyasında keçirilən görüşdə mühüm qərarlar qəbul olunub.

Yeni yanaşmaya əsasən:

✅ ADY-yə məxsus elektrik lokomotivləri Böyük Kəsik–Tbilisi–Böyük Kəsik marşrutu üzrə qatar tərkibi ayrılmadan fasiləsiz hərəkət edəcək;

✅ vaqonlara texniki baxış prosedurlarının təkrarlanması aradan qaldırılacaq;

✅ yük qatarlarının sərhəddən keçid müddəti 2 dəfə azalacaq;

✅ qatarlar və yüklər barədə məlumatların real vaxt rejimində elektron mübadiləsi genişləndiriləcək.

✅ Bakı–Tbilisi marşrutu üzrə əlavə reysin təşkili ilə bağlı hazırlıq işləri də müzakirə olunub. Sərnişinlərin rahatlığının artırılması məqsədilə sərhəd və gömrük prosedurlarının sadələşdirilməsi, nəzarət proseslərinin daha çevik və müəyyən edilmiş vaxt çərçivəsində həyata keçirilməsinin vacibliyi qeyd olunub.

Daha ətraflı: https://smll.to/azerbaijan-georgia-freight

21/07/2026

“Bağlantılarla və tranzit imkanları ilə bağlı da Azərbaycan-Almaniya əməkdaşlığının çox böyük əhəmiyyəti var”.

Bu sözləri Prezident İlham Əliyev Almaniyaya səfəri çərçivəsində bu ölkənin Federal Kansleri Fridrix Mertslə mətbuata birgə bəyanatı zamanı deyib.

Dövlət başçısı qeyd edib ki, Azərbaycan öz nəqliyyat infrastrukturunu təkmilləşdirir:

“Keçən il Orta Asiya məşvərət formatına tamhüquqlu üzv olmaqla, Azərbaycan bir növ Orta Asiya ilə Avropa arasında körpü rolunu oynayır və bu rol getdikcə artacaqdır. Bir çox istiqamətlər üzrə konkret fəaliyyət planı nəzərdə tutulur. Bu gün imzalanmış Bəyannamənin icrası ilə bağlı fikir mübadiləsi əsnasında konkret təkliflər irəli sürülmüşdür. Bir neçə işçi qrup yaradılacaq ki, bu gün imzalanmış sənədlər tezliklə həyatda öz əksini tapsın”.

13/07/2026

“Azərbaycan dəniz limanının imkanlarını demək olar iki dəfə artırır”.

Bu fikri Prezident İlham Əliyev IV Şuşa Qlobal Media Forumunun açılışında səsləndirib.

Orta Dəhlizin inkişafından da danışan dövlət başçısı qeyd edib ki, Çindən Azərbaycana və əks istiqamətdə daşınan yüklərin həcmləri artır:

“Mərkəzi Asiya ölkələri də bu prosesə qoşulub. Bir sözlə, qarşılıqlı münasibətlərin çox yaxşı tarixi var. Orta Dəhliz boyunca yerləşən ölkələrlə çoxtərəfli əməkdaşlıq inkişaf etdirilir”.

10/07/2026

📊 ADY tərəfindən 2026-cı ilin yanvar-iyun aylarında 484 min tona yaxın kükürd və əlaqəli mallar daşınıb ki, bu da ötən ilin eyni dövrü ilə müqayisədə 31% çoxdur.

📈 Tranzit rejimdə daşınmış kükürd yükünün həcmi 30%-dən çox artaraq 369 min tondan 483 min tona yüksəlib. Bu göstəricinin böyük hissəsini qələvi metallar və metalloidlər, təqribən 8300 tonu isə yeni aktivləşən xam kükürd təşkil edir.

07/07/2026

✅ ADY 2026-cı ilin iyun ayında 1.6 milyon tondan çox yük daşıyıb ki, bu da ötən ilin eyni dövrü ilə müqayisədə 20% çoxdur.

📈 Qeyd olunan dövrdə tranzit daşımaları 707 min tonu ötərək keçən ilin göstəricisini 38% üstələyib.

ℹ️ Tranzit yükdaşımalarda Şərq-Qərb dəhlizi üzrə 67% (448 096 ton), Şimal-Cənub istiqaməti üzrə isə 48% (47 240 ton) artım qeydə alınıb.