Bakı Hövsan Beynəlxalq Ticarət Dəniz Limanı

03/12/2025

Türk Dövlətləri Təşkilatının baş katibliyi ilə Özbəkistan Respublikasının “Logistika Mərkəzi və Yükdaşıma Alyansı”-nın birgə təşkil etdikləri Forum 10-13 noyabr 2025-ci ildə Özbəkistan Respublikasının Daşkənd şəhərində keçirilmişdir.
“Bakı Hövsan Beynəlxalq Ticarət Dəniz Limanı” ASC-nin baş direktoru Rəşad Daşdəmirov təşkilatçılar tərəfindən tədbirə dəvət olunmuşdur.
Limanın nümayəndə heyəti, Qrumun Nəqliyyat Nazirləri və müavinləri, Türk Dövlətləri Təşkilatının Ağsaqqallar şürasının sədri Binəli Yıldırım, həmçinin TDT və digər ölkələrin 75 şirkətinin nümayəndə heyəti Forumda iştirak etmişdir.
Tədbirdə TDT ölkələrinin həm dövlət, həm də özəl sektorda çalışan şirkətlərin nümayəndələrinin Logistika və yükdaşımaların inkişafı üçün mütamadi olaraq, tədbir və görüşlərin təşkil edilməsi planlaşdırıldı.
Sonda, “Bakı Hövsan Beynəlxalq Ticarət Dəniz Limanı” ASC və “Logistika Mərkəzi və Yükdaşıma Alyansı” arasında qarşılıqlı əməkdaşlığın inkişafi məqsədi ilə Əməkdaşlıq Müqaviləsinin imzalanma mərasimi keçirildi.

12/09/2025

Azərbaycan-Pakistan Ticarət Palatasının sədri və Pakistanlı iş adamlarından ibarət nümayəndə heyəti Hövsan Limanını ziyarət etmişdir.

Ölkəmizdə səfərdə olan Pakistan İslam Respublikasının Ticarət Nazirliyin PITAD rəhbərliyi Salman Jamil, Azərbaycan-Pakistan Ticarət Palatasının sədri Ahsan Zafar Baxtavari və Pakistanlı iş adamlarından ibarət bir qrup nümayəndəsi “Bakı Hövsan Beynəlxalq Ticarət Dəniz Limanı” ASC-də səfərdə olmuşdur.
Qonaqları Hövsan Limanının baş direktoru Rəşad Daşdəmirov qarşılamışdır. Limanı ziyarət edən nümayəndə heyətini liman ərazisində gəmilərin yanalma körpüləri, infrastrukturla, limanın yükaşırma texnikaları və limanda yük daşımaların təşkili ilə tanış etmişdir.
Şimal-cənub, Şərq-qərb (Orta koridor) və əks istiqamət üzrə yüklərin daşınmasında Hövsan limanın coğrafi mövqeyinin əhəmiyyətindən məlumat verildi.
Liman haqqında hazırlanmış video çarx nümayiş etdirildi. Eyni zamanda iki ölkənin şirkətləri ilə iş birliyinin yaradılması, qarşılıqlı əməkdaşlığın gücləndirilməsi üçün danışıqlar aparılmışdır.
Görüşdə iştirak edən qonaqların yükdaşımanın icrası üçün marşrutun seçilməsi barədə verilən suallara dolğun cavab verildi.
Pakistan şirkətləri ilə sıx əlaqələrin yaranması və Xəzər dənizi üzərindən yükdaşımaların başlanılması, həmçinin gələcəkdə yük dövriyyəsinin artırılması barədə əməkdaşlığın inkişafı müzakirə edildi. Pakistan istehsalı məhsulların ölkə bazarına gətirilməsi ilə yanaşı, Azərbaycan üzərindən transit yüklərin Türkiyə, daha sonra Avropaya daşınması iki ölkə arasında yük dövriyəsinin artırılması üçün səmərəli olcağı qeyd edildi.
Görüşün sonunda ”Bakı Hövsan Beynəlxalq Ticarət Dəniz Limanı” ASC ilə Azərbaycan-Pakistan Ticarət Palatası arasında Əməkdaşlıq memorandumu imzalandı.

26/02/2025

23/07/2024

Hovsan limanın rəhbərliyi Qazaxıstanda işgüzar səfərdə olmuşdur.

Dünyada siyasi və içtimai vəziyyət baxımından Azərbaycan çox sabit ölkədir. Dövlətimizin İqtisadi potensialının möhkəmləndirilməsidə uğurları göz qabağındadır. İri beynəlxalq layihələrdə iştirakı, İpək Yolunun bərpası, TRASEKA Nəqliyyat dəhlizinin reallaşması və “Transxəzər Beynəlxalq Nəqliyyat Marşrutu” BA-nın yaradılması, həmçinin “Şimal-Cənub” Nəqliyyat yolunun inkişafındakı rolu əvəzsizdir.
Azərbaycan Respublikasının Prezidenti cənab İlham Əliyevin həyata keçirdiyi kompleks tədbirlər, imzaladığı fərman və sərəncamlar, xalqla birbaşa ünsiyyətdə olması Ümummilli liderimiz Heydər Əliyev tərəfindən başlanılmış işlərin məntiqi davamıdır.
Azərbaycanda qeyd olunan istiqamətlərdə yüklərin daşınmasında Dəniz Ticarət limanların rolu əhəmiyyətli dərəcədə yüksəkdir.
Bu tapşırıqların yerinə yetirilməsi “Bakı Hövsan Beynəlxalq Ticarət Dəniz Limanı” ASC rəhbərliyinin əsas prioritet vəzifəsidir.
Qazaxıstan Respublikasının Nəqliyyat Nazirliyinin təşkilatçılığı ilə 19-20 iyul 2024-cü ildə Qazaxıstan Respublikasının Aktau şəhərində
I Transnəqliyyat ticarət-ixrac “Şimal-Cənub” forumu keçirilmişdir.
“Bakı Hövsan Beynəlxalq Ticarət Dəniz Limanı” ASC-nin baş direktoru Rəşad Daşdəmirov tədbirdə iştirak etmişdir.
Tədbirdə, Azərbaycan, Qazaxıstan, Türkmənistan, Əfqanıstan, Belorusiya, Suriya Respublikaları, İran İR, Rusiya Federasiyasının və digər dövlətlərin Nəqliyyat Nazirliyinin rəhbərləri, həmçinin 18 ölkədən 150 Dəniz liman və Logistika şirkətlərinin 400 nəfərə yaxın nümayəndəsi iştirak etmişdir.
Forumda “Bakı Hövsan Beynəlxalq Ticarət Dəniz Limanı” ASC-nin baş direktorunun rəhbərliyi altında limanın nümayəndə heyəti:
1) Qazaxstan Respublikasının: Nəqliyyat Naziri Marat Karabayevlə,
2) Xəzəryanı ölkələrin Dəniz limanlarının rəhbərləri ilə,
3) Qazaxstanın KazAzot, KazFosfat və digər şirkətlərinin rəhbərləri ilə,
4) Rusiya Federasiyasi, İran İR və başqa ölkələrin nümayəndələri ilə işgüzar görüşlər keçirilmişdir.

23/07/2024

“Bakı Hövsan Beynəlxalq Ticarət Dəniz Limanı” ASC-nin baş direktoru Rəşad Daşdəmirov Rumıniya Respublikasında səfərdə olmuşdur.

“Transxəzər Beynəlxalq Nəqliyyat Marşrutu” Beynəlxalq Assosiasiyası və Rumıniya Respublikasının “Konstansa Beynəlxalq Dəniz Limanı” Biznes Assosiasıyanin birgə təşkil etdiyi “Xəzər və Qara dəniz hövzəsi ölkələrindən Rumınıyaya-Avropaya Yük daşımaların təşkili” mövzusunda Forum-Sərgi 02 iyul 2024-cü ildə öz işinə başladı.
Tədbirdə Hövsan limanının baş direktoru Rəşad Daşdəmirovun rəhbərliyi altında limanın nümayəndə heyəti, həmçinin Xəzər-Qara dəniz hövzəsinin, eyni zamanda Avropa ölkələrinin Dənizçilik şirkətləri və Liman fəaliyyəti göstərən qurumların nümayəndələri iştirak etmişdir.
Forumda istirak edən nümayəndə heyyəti Konstansa limanının infrastrukturu ilə tanış olundu.
Forum vaxtı Hövsan limanın baş direktoru tədbirdə iştirak edən liman və şirkətlərin rəhbərləri ilə qarşılıqlı əməkdaşlıq üçün görüşlər keçirtdi, görüşlər zamanı Hovsan limanının fəaliyyəti və infrastrukturu haqqında məlumatlar verildi.
04 iyulda tədbirdə müxtəlif liman və şirkətlərin infrastrukturu və texnikalarının sərgisi keçirildi. 04 iyul 2024-cü ildə tədbir öz işini yekünlaşdırdı.

23/07/2024

“Bakı Hövsan Beynəlxalq Ticarət Dəniz Limanı” ASC-nin baş direktoru Rəşad Daşdəmirov Özbəkistan Respublikasında işgüzar səfərdə olmuşdur.

Türk Dövlətləri Təşkilatının baş katibliyinin təşkilatçılığı ilə 28-29 iyun 2024-cü ildə Özbəkistan Respublikasının Daşkənd şəhərində yeni “Logistika mərkəzi və yükdaşıma Alyansı”-nın yaradılması tədbiri keçirilmişdir.
Hövsan Limanının baş direktoru təşkilatçılar tərəfindən tədbirdə iştirak etmək üçün dəvət olunmuşdu.
Limanın nümayəndə heyəti, Özbəkistan Respublikasının dövlət və özəl sektorun, həmçinin Türk Dövlətləri Təşkilatı ölkələrinin 29 şirkətinin nümayəndələri iştirak etmişdir.
Alyansın fəaliyyət göstərilməsi məqsədi ilə növbəti iclasın Azərbaycan Respublikasında təşkil olunması planlaşdırıldı.

18/05/2024

HÖVSAN LİMANIN RƏHBƏRlLiYİ GÜRCÜSTANDA BATUMİ LİMANINI ZİYARƏT ETMİŞDİR.

Gürcüstan Respublikası “Batumi Beynəlxalq Dəniz Ticarət Limanı”-nın baş direktoru Ulan Tleuqalinin dəvəti ilə 15-16 may 2024-cü ildə “Bakı Hövsan Beynəlxalq Ticarət Dəniz Limanı” ASC-nin baş direktoru Rəşad Daşdəmirovun rəhbərliyi altında limanın nümayəndə heyəti, Gürcüstan Respublikasının Batumi şəhərlərinə səfər etmişdir.
Səfər vaxtı Hövsan limanın baş direktoru və Batumi limanın rəhbərliyi ilə geniş tərkibdə görüş keçirilmişdir. Batumi limanın infrastrukturu və iş fəaliyyəti haqqında tanış olmuşlar. Liman ərazisində və akvatoriyasındakı texniki vasitələr, həmçinin hidro-texniki qurğular göstərilmişdir.
Görüş vaxtı iki liman arasında əməkdaşlıq əlaqələrinin inkişafı, Xəzər-Qara dəniz hövzəsindən Avropa ölkələrinə və əksinə Yük dövriyyəsi həcminin artırılması məqsədi ilə yükdaşımanın təşkil edilməsi müzakirə edilmişdir.