21/04/2022
ازاى تعمل فيزا استراليا لوحدك
فيزا استراليا هي حلم كثير منا لكن الحقيقه من اصعب التاشيرات التي من الممكن تحصل عليها لانها بالأساس بلد مهجر وكمان موجود استراليين كتير من اصل عربى لكن الأشهر نوعين الأولى فيزا دراسه والثانيه سياحه او بزنس وهتكلم هنا على فيزا السياحه او البزنس قبل ما تفكر تدخل تملى الابلكيشن لازم تكون محضر ورقك وهو كالتالى وفيه طريقتين تقديمه ورقى اون اون لاين وانصح بشده تقديمه اون لاين
1.جواز سفر وصوره صالحه للتقديم مع العلم انهم لما ياخدوا بصماتك هيصوروك برضه
2.سجل تجارى وبطاقه ضريبيه بالنسبه لاصحاب الاعمال او اتش ار للموظفين موجه لسفاره استراليا
3.قسيمه زواج وشهادات ميلاد للأطفال
4.كشف حساب لاخر 6 شهور واى أملاك او عقارات او شهادات تمتلكها
5.خطه سفر في حاله السياحه او دعوه من مستضيف هناك واوعى تقدم دعوه سياحيه لانهم بكداه يرفضوك عشان هيعرفوا ان لك حد هناك هيساعدك انك تقدم على أقامه او لجوء او ما شابه الدعوه المقبوله تكون بزنس فقط وفى حاله تقديمها تقدم معاها اللى يثبت انك شغال بزنس بجد زى مثلا بوليصه شحن او موقف ضريبى في حاله انك صاحب شركه
6.مش مطلوب تامين سفر زى أوروبا ولا حجوزات فنادق لكن بنصح بتقديم حجوزات فنادق وتذكره سفر اوليه طبعا
تعالو بقى نشوف خطوات التقديم اون لاين
1. اول حاجه ادخل على اللينك ده واعمل حساب
https://online.immi.gov.au/lusc/login
بعد ما تسجل اول صفحه هيطلب المعلومات الشخصيه زى الاسم ورقم الهاتف واسم العائله والبريد الالكترونى
الصفحه الثانيه هتختار بعض الاسئله وتحاوب عليها عشان لو نسيت الباسوورد تعرف تسترد الاكونت تانى
يوصل رساله تأكيد على بريدك الالكترونى تفعلع وتكمل الابلكيشن
تقبل الشروط أولا وتحدد جنسيتك ونوع التاشيره المطلوبه وانت مسافر لوحدك ولا في مجموعه وبعدين تدخل على الصفحه التاليه
معلوماتك الشخصيه ومعلومات جواز السفر ثم NEXT
بعدين شويه اساله من نوعيه عندك اسم ثانى او جنسيه تانيه وكدا وبعدين NEXT
عناوين الاقامه ووسائل الاتصال بك وبعدين NEXT
هيسالك هتقدم بنفسك ولا عن طريق وكيل عنك اللى هو في الغالب هيكون شركه سياحه وبعدين NEXT
هيسالك مده الاقامه وانت ناوى تدرس في استراليا ولا لا وهتزور حد قريبك هناك ولا لا هتجاوب وبعدين NEXT
هيسالك عن معلومات مهنتك وعملك وبعدين NEXT
هيسالك عن وضعك المالى ومين هيدفع رحلتك ومرتبك وبعدين NEXT
هيسالك عن وضعك الصحى وفى الغالب كل الإجابات بتكون لا وبعدين NEXT
هيسالك عن حسن سيرك وسلوكك وفى الغالب كل الإجابات بتكون لا ثم NEXT
هيسالك عن سفريات السابقه ثم NEXT
هيقولك على الشروط اللى لا بد ان تحترمها في تاشيره استراليا هتوافق عليها وبعدين NEXT
بعدين هيدخلك صفحه ترفع فيها اوراقك كلها وبعدها تدوس Submit Now
هيدخلك على صفحه الدفع وبتكون 147 دولار استرالى هتدفع بالفيزا هيبعتولك ايملين فيهم أوراق أهمها ورقه اسمها IMMI ودى اللى هتاخدها معاك وانت بتعمل البصمات في مركز VFSL GLOBAL
بعدين بتدخل على اللينك ده وبتحجز ميعاد للتصوير واخذ البصمه
https://visa.vfsglobal.com/egy/en/aus/
ودى كانت طريقه التقديم على فيزا استراليا سواء سياحه او بزنس
