20/06/2023
الف مبروك انت بقيت مدير...
جملة كثير عايز يسمعها أو بيدور علي المسمي دا.
طيب انت لو بقيت مدير جديد (اول مرة) تتصرف ازاي 🤔
بص بقي
- بلاش حتة ال ego عندك تعلي، احنا بشر فا سيطر عليها.
- اقعد مع التيم، شوف مهاراتهم، مشاكلهم، عايزين يحققوا ايه في الشغل.
- بلاش فكر همشي التيم دا واجيب التيم بتاعي، مش شلة النادي هي. المدير الشاطر بيعرف يتعامل مع أي تيم.
- اسمع من مديرين الإدارات التانية والموظفين بتوعهم و وازن الدنيا، بلاش تسمع من طرف واحد.
- بلاش جملة كل المشاكل هتتحل (مش تنين انت) شوف ايه المشاكل بالظبط، اسبابها وبعدين حط خطة لحل المشاكل. مش كله بيتحل مرة واحدة.
- طور التيم بتاعك، علمهم حاجه جديدة. اديهم تدريب داخلي او خارجي.
- لازم تعمل delegation صح للتيم، مش كل حاجه هتعملها بنفسك وتركنهم علي جمب. كدا لا انت هتنجح ولا هم هينجحوا.
- قبل ما تغير حاجه كانت ماشية من قديم الأزل أو الناس متعوده عليها لازم ال buy-in بتاع مديرين الإدارات الي هيحصل فيها التغير. عرفهم ليه هيتغير، هيفيد بايه واهم حاجه الصعوبات الي هتقابلهم أصلها مش كن فيكون.
- بلاش تفكير الي قبلي عمل كل حاجه غلط او كانت فاشلة فا هتهد كله وتبني من جديد. انت مجنون ولا ايه 🤔 هتلاقي في حاجات كثيرة مناسبة سيبها لو فعلا كويسة وبتساعد الشركة أو مناسبة ليها.
- من الشكاوي الي هتقابلك ودي كثير موضوع المرتب قليل. ادرس الشركة عندك شوف الرواتب فيها ايه وبرة ايه. بس متكونش انت مثلا مصنع الامبراطور وتقارن نفسك ب زارا.
- المدير مش بيشتغل بايده في كل حاجه، انت دورك كا مدير استراتيجي أكثر منه تنفيذي.
واخر حاجه منصب المدير مش حلو علي فكرة زي ما انت متخيل عشان القرار الغلط الي هتاخده هياثر علي موظفين وشركة وهتشلووووووح
