Transito

14/12/2016

MRTMalaysia

PETALING JAYA (THE STAR/ASIA NEWS NETWORK) - The first phase of the MRT in Greater Kuala Lumpur will be opened on Friday (Dec 16).. Read more at straitstimes.com.

24/01/2016

المترو: إغلاق محطة مترو #السادات غدا لدواع أمنية
#مصر #اخبار #مواصلات #مترو #القاهرة

12/01/2016

لكل الي تعبوا من طوابير شباك التذاكر وكل الي وقفوا في الماكينة الزحمه علشان بتحاول تدخل التذكره علشان يعدوا والماكينة بتاع الكارت فاضية، النهاردة جايبين لكم خبر كارت المترو المدفوع مقدماً او محفظة التذاكر الإسمين دول لكارت ظهر مؤخراً في محطات المترو في اعلان على شباك التذاكر، الكارت هدفه انك بتشريه ب ١٠ جنية اول مرة وتقدر بعد كده تشحنه زي ماتحب ب ١٠،٢٠،٣٠،٤٠،٥٠،١٠٠ من شباك التذاكر، الكارت بيختصر ليك طبعاً عملية الشراء كل يوم من شباك التذاكر وكمان بتقدر تدخل من الماكينات المخصصة للكروت دي والي دايماً بتبقى فاضية :D .
- زي مامكتوب في الصورة الكارت مش محتاج اي ورق علشان تشترية انت بتروح الشباك بتاع التذاكر وتقول للراجل عاوز كارت محفظة التذاكر هو بيبعه لك عادي وبعضهم بيتباع مشحون جاهز يعني انا اشتريت كارت ب ٣٠ جنية فيه ٢٠ جنية رصيد علشان الكارت سعره ١٠ جنية، وطبعاً تقدر تشحنه وتستخدمة لمده ٥ سنين وكمان ممكن تخلي اي حد يستخدمة عادي.
- تقدر تعرف الرصيد الي باقي في الكارت لما بتدخل في الماكينة هو بيحسب الرحلة ب ١٠٠ قرش ( ١ جنية ) وبيظهر ليك الباقي زي الصورة كده ١٩٠٠ قرش ( ١٩ جنية ) مثلا.

#مواصلات #مترو #القاهرة

نزل transito دلوقتي على موبايلك الأندرويد
http://bit.ly/TransitoAppBeta

09/01/2016

ودي كانت اضافة محمد علي " فن اختيار الكرسي في المواصلات " 😄😄
#ميكروباص

04/01/2016

"فن إختيار الكرسي في المواصلات" مصطفى البرديسي بعتلنا مشاركة عن تجربة في المواصلات في مصر.

اللي بيركب مواصلات كتير واللي بيسافروا .. هيتنمي عندهم مع الوقت حاجة اسمها (فن اختيار الكراسي) !
بمعني انك بتعرف اية انسب كرسي مناسب ليك بناء علي حاجات كتير هنشرحها هنا بالتفصيل زي نوع المواصلة والوقت والاولويات وغيرها ..
مثال : لو انت مسافر من القاهرة لاي حتة في الصعيد مثلا المنيا .. فانت كدة هتتجه للجنوب يعني الشمس هتكون علي شِمالك طول السكة لو انت مسافر من 7 ل12 الضهر .. يعني تختار الكراسي اللي ع اللي اليمين .. وبما ن الكراسي اللي ع اليمين قصيرة دي بيقولوا عليها (قلاب) يبقي انسب كرسي هو اخر الكنبة يمين .. حد يقولي السواق قدام دا بيكون في شمس برده .. اما الشمس هتكون علي يمينك بقي لو انت مسافر من الضهر للمغرب .. يعني عيش في اي كرسي ع الشمال براحتك .. صدوقني موضوع الشمس دا بيفرق جدا .. والعكس لو انت مسافر من اي حتة في الصعيد للقاهرة .. والعكس بقي لو انت مسافر من القاهرة لاسكندرية .
طب بما ان ابعد حتة ممكن انت كبني ادم تستحملها في الميكروباص هي المنيا وما بعدها هتروحها بقطر او سوبرجيت .. يبقي في قوانين تانية .. مثلا في القطر ابعد عن اول واخر اربع كراسي اللي عند الباب دول .. هيطلع عينك grin emoticon .. دي اهم قاعدة ودي في القطر بس .. بيقابلها في السوبر جيت قاعدة "ابعد عن اخر كنبة" .. عذاب وصداع .. frown emoticon اما لو عندك مشاكل لا سمح الله وبتروح وتيجي علي الحمام كتير يبقي تختار الكراسي اللي اقرب للطرقة .. الكراسي اللي جنب الشبك للي بيعرف ينام في المواصلات .. عادة الشمس مش مشكلة في القطر ولا السوبر جيت عشان في ستاير.. بالعكس .. منظر الشروق والغروب فيهم بيكون تحفة .. اظبطها زي ما ظبطنا الميكروباص واتفرج عليه وادعيلي ..
مع الوقت اللي بيبقي خبرة في سكك حديد مصر بيعرف عربية كذا بتاع محطة اسيوط وكذا بتاعة قنا .. يعني العربية هتفضل فاضية او هادية لحد المحافظة دي او هتتملي بعدها .. وكدة ..دي حاجات اللي خبرة بس هيفهمها .. والخبرة دول اكيد اللي بيركبوا من غير حجز grin emoticon
في المواصلات جوة المدينة بقي كام حاجة مهمة .. يعني مثلا لو عايز تحفظ السكة كويس تقعد جنب السواق .. لو نازل اخر الخط اوعي تقعد ع الكراسي اللي ع اليمين هتنزل وتطلع بتاع مية مرة .. خليك في اول كرسي ورا السواق .. ودا كرسي استراتيجي جدا ومريح للرجلين .. بس عيبه انك بتلم الاجرة كلها للسواق غصب وعافية .. لو عايز تنام وتريح دماغك من المووايل دي وجاي من اكتوبر مثلا او مدينة نصر ومقضيها لف وخلصان.. يبقي عليك ع الكنبة وتريح دماغك ..
اما اول كنبة ورا السواق علي اليمين جنب الباب دا احسن مكان للي نازل قريب وعايز ينجز .. لو قعدت في اي اماكن في النص ومش عايز حد يديلك الاجرة ورا حط الـheadphones وحتي لو مش مشغل حاجة وادي الاجرة للي جنبك وريح دماغك .. ومحدش هيعبرك ..
اما بقي اخواننا المعذبون في الارض في القاهرة .. الناس اللي مش بتلاقي مكان تقعد اصلا في المترو او اتوبيسات الهيئة والميني باص .. دول ليهم ربنا والجنة .. دول ربنا يستر عليهم وعلينا .. مفيش قواعد غير انك تدعي انك تطلع من المعجنة دي سليم معافي.
#مواصلات #ميكروباص #مترو #القاهرة #مصر

نزل transito دلوقتي على موبايلك الأندرويد
http://bit.ly/TransitoAppBeta

31/12/2015

كل سنة وأنتم طيبين
Happy New Year!
Bonne année

31/12/2015

القاهرة الأرخص وكوبنهاجن وستوكهولم الأغلى في اسعار المواصلات في العالم:
أعد موقع "Worldatlas" قائمة بأغلى الدول من حيث تكاليف المواصلات العامة، وأشار إلى أن تكاليف النقل العام ترتبط ارتباطاً مباشراً بتكاليف المعيشة العامة في أي دولة.
ولم يكن من الغريب ان تكون مدناً مثل "كوبنهاجن" و"ستوكهولم" اللتان تتسمان بارتفاع تكاليف المعيشة في المراكز الأولى بينما تأتي مدينة مثل "القاهرة" في المركز الأخير، لكن القائمة شهدت بعض الاستثناءات اللافتة للانتباه.
وعلى سبيل المثال تشتهر مدينة "طوكيو" بارتفاع تكاليف المعيشة بها، على الرغم من ذلك فقد حلت العاصمة اليابانية في المركز الـ 35 بمعدل معقول لمتوسط تكاليف المواصلات العامة (1.5 دولار)، وأرجع التقرير ذلك إلى حرص الحكومة اليابانية على تقديم محفزات للمواطنين لتشجيعهم على استخدام وسائل النقل العام لتخفيف التكدس المروري في المدينة ذات الكثافة السكانية المرتفعة.
وتشهد "موسكو" إقبالاً هائلاً على وسائل المواصلات العامة، وهي لديها بنية تحتية متطورة وممتازة في شبكة النقل بفضل الاستثمارات الضخمة التي ضختها إبان فترة الحكم الشيوعي في قطاع المواصلات، لذلك فإن روسيا تتمتع بأحد أكفأ نظم مترو الأنفاق في العالم، وعلى الرغم من تقادمه نسبياً فما زال يتميز بكفاءته العالية، ويبلغ متوسط رسوم وسائر النقل العامة بـ "موسكو" 90 سنتاً فقط.
ورصد الموقع تكاليف استخدام خدمة وسائل النقل العام في 71 مدينة رئيسية حول العالم.
وجاءت "القاهرة" في المركز الأخير كأرخص المدن من حيث رسوم المواصلات العامة، وشملت القائمة 3 مدن عربية أخرى وهي "دبي" التي جاءت في المرتبة الـ 44 بـ "1.1 دولار" و"الدوحة" في الـ 46 بـ "90 سنتاً" و"المنامة" في المركز الـ 52 بـ "80 سنتاً.
المصدر :
http://www.worldatlas.com/articles/cost-of-public-transportation-around-the-world.html
نزل تطبيق transito على الاندرويد
http://bit.ly/TransitoAppBeta
#مواصلات #القاهرة #مقالات #اسعار #مترو #دبي #لندن

30/12/2015

ماهي أغلى مدينة من حيث المواصلات في العالم؟ #سؤال #مواصلات

12/12/2015

كن جزء من مجتمعنا، نزل transito دلوقتي على موبايلك وشارك في بناء خريطة المواصلات في مدينتك.
Be part of our community, Download it to your phone today, Or get started on transi.to
http://bit.ly/TransitoAppBeta

26/11/2015

لكل أهالي اسكندرية #اوبر بكره هيشتغل في اسكندرية :) :)
ايه هو اوبر هو تطبيق للموبايل بيوفر لك عربية بسواق بسعر التاكسي بس الفرق انها بتكون العربية نظيفة وبيتم الحساب عن طريق الكريدت كارد وقريب قوي هيبقى كاش، انت بتطلب العربية من اي مكان انت واقف فيه وهو بيجيلك لحد عندك وتقدر تروح بيه لأي مكان انت عاوزة، الخدمة حلوه قوي للبنات علشان الأمان وبتبقى عارف انت راكب مع مين وممكن كمان تشير الرحلة مع الأهل علشان يعرفوا انت فين.
لو معندكش حساب في اوبر سجل من هنا وهتاخد ٧٠ جنية رصيد تبدأ تجرب بيه الخدمة في القاهرة أو اسكندرية :
http://bit.ly/ubertransito

#مواصلات #تاكسي #مصر

26/11/2015

ليه تسوق لما ممكن تطير؟
السؤال دا بيظهر للناس الي بتستخدم تطبيق في #دبي لانهم شغلوا خدمه جديده هناك انه تقدر تطلب طياره هليكوبتر تاخدك توصلك بدل العربية.
#مواصلات #دبي

23/11/2015

وانتوا في شرم الشيخ ممكن تستخدموا تطبيقنا على الأندرويد علشان تعرفوا اقرب محطة ومواصلات ليكم هناك.
نزل تطبيق transito على الأندرويد من هنا :
bit.ly/TransitoAppAE
#مصر #سياحة #مواصلات