MJJ VTC

25/09/2025

واش يا جماعة الشوماج كاش ما تشوفولنا بلاصة معاكم ...!؟

الكل يعرف مبولحي، إنسان نقي وناصح من قلبه، أفاد المئات بمحتواه ولم يسبق أن ضلل أحدًا. لكن بدل ما يتشجع، بعض أبناء بلده حسدوه وبلغوا عليه حتى خسر عمله. الغريب أنّ الأجنبي لو قام بنفس الشيء ما يزعجهمش، لكن ابن البلد ما يتحملوش يشوفوه ناجح.

هذه الحادثة تكشف مرض اجتماعي خطير وهو ثقافة الحسد ومحاربة الناجحين بدل تشجيعهم. كل من يحاول يقدّم إضافة أو محتوى نافع، يجد أقرب عائق من محيطه.
لذلك المواهب تهاجر أو تنطفئ، والكل يخسر.

Mboulhi.DZ

02/07/2025

تتذكرو الطفلة "ريتـاج" لي فقدوها ذويها سنة 2020 وأُشيع خبرها في قنوات التلفاز وكبرى الصفحات!؟

"ريتاج بن حوى" طفلة مولات 5 سنوات كانت مع عائلتها في شاطئ بمدينة مستغانم (تنحدر من يلل ولاية غليزان)، وفقدت أو أختطفت من بين عائلتها وكان ذلك في أوت 2020 .. ومن ذاك الوقت الطفلة ماظهرش عليها أي خبر رغم الجهود لي قامو بيها الدرك والشرطة ورغم وجود شهود أدعو بلي شافو إمرأة تختطفها، أي من 5 سنين ماظهر عليها حتى خبر لحد الآن

العائلة تاعها كانت كل مرة تتجدد جراحهم وتتفتح بسبة الاشاعات والاخبار عن إيجادها ورؤيتها حية (لي كانت كلها أخبار مغلوطة وكاذبة)، وتتجدد آمالهم كي تجيهم اتصالات من الدرك تبلغهم بوجود طفلة شبيهة وتخلاص ذيك الآمال بلحظات يأس للأسف كي تظهر غيرها ..

في 2023 ظهر في قناة تلفزية خبر وانتشر بقوة وكان مفاده بأن الطفلة وُجدت في مدينة سطيف وبلي حاليًا راهي بين أحضان عائلتها، بصح للأسف الطفلة لي لقاوها كانت مجرد شبيهة وفاقدة نصف ذاكرتها وكي دارو التحاليل كانت سلبية وغير متوافقة (مشي هي) بصح للأسف كان خبر إيجادها انتشر وتعاود تبارطاجا وهو خبر غالط وكان السبب في ذلك هو عدم إحترافية ومهنية القناة التلفزية لي علنت الخبر متسرعة وبدون تحري (نشرو خبر إيجادها قبل ماتخرج نتيجة التحليل)، وهنا صرات المصيبة؛ الصفحات لي كانت تنشر عليها حبسو النشر خاطرش وصلهم خبر غالط بلي لقاوها والشعب فرح وتناسى القضية (القناة ساهمت في اختفائها اكثر بدون قصد للأسف) وبقاو عائلتها يبحثو وحدهم بمجهودات شخصية ويتبعو أطراف الخيوط ..

على أي حال؛ الأب تاعها طاح عليه حزن كبير على ابنته وبسبب حزن دام 5 سنوات مرض مرض شديد خلاه يتعطل عن عمله ولقمة عيشه، حكمو مرض عفانا الله وإياكم في عينه وتسبب بفقدان نصف بصره، وبسبة حالته المادية البسيطة ماكانش قادر على العلاج ولا من يدله على ذلك ومالقاش أي دعم أو مساعدة، والمرض تاعو كان يحتاج عملية في عيادة متخصصة بأمراض العيون، يعني ابتلاء ما وراءه ابتلاء، وتوقع انت حالته وحالة عائلته وهو السند لي ترتكز عليه العائلة وتنتظر منه الخبز كل مساء!

مالا تخيّل انت بلي إنسان كهذا مبتلي ولي فيه يكفيه، يجو ناس لتحت بيته ويسرقو رزقه الوحيد وكل ما يملك، سيارته! يسرقولو السيارة لي هي لقمة عيشه ويستعملها في التنقل للعلاج وكذا للاستخبار عن ابنته وغير ذلك! هي السيارة لي تعب وخدم باش يجيبها رغم الظروف المحيطة به وابتلاءاته!

الإنسان هذا معروف في المنطقة بسبة حالته وبالتالي سيارته معروفة في المنطقة كذلك، يجو ناس يسرقو سيارة هاذ الإنسان بالذات!

والمصيبة هي أنو السيارة كانت فيها كل التحاليل الطبية والاوراق لي يحتاجها للعملية .. وأوراق خاصة، كل شيء اختفى!

المنشور تاعنا هذا ماهوش باش نحكو حكايته وفقط، وماناش معتادين على هاذ النوع من المنشورات .. المنشور يستهدف العصابة لعلى وعسى عضو من اعضاءها يشوف الحكاية هاذي ويحن قلبه بعد القراءة ويعرف واش دار ويسلم سيارة الانسان هذا خاطرش لي فيه يكفيه ودخل اليوم للمشفى وحالتو حالة .. يبكي على ابنته ولا على مرضه واوراقه المفقودة ولا على سيارته!، مع العلم عائلته راهي تتعهد بعدم تقديم شكوى اذا ترك لهم السيارة

⚠️ طلبنا منكم هو مشاركة المنشور، يمكن يوصل لصاحبه، ولا للي يعرفه، ولا يمكن شخص ما شاف السيارة صدفة ويبلغ، ولا حتى ممكن نحيّو بذلك قضية ريتاج، ونعاونو عائلة مازالها صابرة وتستنى بصيص أمل، سواء في رجوع ريتاج، ولا السيارة على الأقل.

صور الطفلة "ريتـاج" وكذا السيارة وعلاماتها ورقمها مرفقة.

13/05/2025

قضية وهران… لازم تولي قضية رأي عام!

قضية وهران اللي فجّرتها وحدة من الصفحات المختصة في كشف المستور،
ماشي حاجة نمرو عليها مرور الكرام!
كاين أمور لازم نوقفولها كامل،
خاطر السكوت في بعض المرات جريمة بحد ذاتها!

تعديل :
هناك شخص بحي الحاسي يعتدي ج_ن_//سيًا على القصر ، معتدي على اكثر من 40 واحد و يسجللهم فيديوهات يهددهم بيها

10/07/2024

14/11/2023

22/10/2023

22/10/2023