With Omar Taher - مع عمر طاهر

With Omar Taher - مع عمر طاهر Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de With Omar Taher - مع عمر طاهر, 5ème arrondissement, Paris.

أنا عمر طاهر مصري مقيم فى فرنسا و بلجيكا
عشت ودرست واشتغلت في 🇬🇧🇮🇹🇪🇬🇧🇪🇫🇷
اقتصادي ومحلل بيانات، مرشد سياحي سابق ✈️
خبرة في السفر، الفيزا والهجرة 🌎
تابعني واسألني ❤️

البلجيكيين في القهوة لما قلتلهم إني مصري 😇عزموني أشرب حاجة..قالولي الفراعنة أقوياء 😂 و لعبوا أحسن النهارده 🇧🇪❤️🇪🇬
15/06/2026

البلجيكيين في القهوة لما قلتلهم إني مصري 😇
عزموني أشرب حاجة..
قالولي الفراعنة أقوياء 😂 و لعبوا أحسن النهارده 🇧🇪❤️🇪🇬

من أسبوعين تقريبا وأنا بتعرض لاستجواب دولي من صحابي البلجيكيين 😁"هتشجع مين؟ مصر ولا بلجيكا؟" 🤔😂والموضوع اتطور بشكل خطير...
15/06/2026

من أسبوعين تقريبا وأنا بتعرض لاستجواب دولي من صحابي البلجيكيين 😁

"هتشجع مين؟ مصر ولا بلجيكا؟" 🤔😂

والموضوع اتطور بشكل خطير... صحابي لي هنا عزموني نتفرج على الماتش سوا في قهوة مليانة مشجعين!

يعني ببساطة: أنا المصري الوحيد وسط كتيبة كاملة من مشجعي بلجيكا 🇧🇪😂

لو مصر جابت جول... هافرح أنا لوحدي، وهلاقي 200 عين بصينلي في نفس الثانية كأنهم بيعملوا تحديث لموقعي الجغرافي 👀😂

بس بصراحة، من الحاجات اللي بحبها جدا في البلجيكيين إنهم بيشجعوا بحماس كبير، وفي نفس الوقت عندهم روح رياضية جميلة. دايما متقبلين إن أي حد يشجع بلده، وبيتعاملوا مع الموضوع بروح مرحة وضحك..

فاكر في كأس العالم اللي فات، وكنت لسه جديد في البلد، كنت كل ما أتفرج على ماتشات بلجيكا ألاقي أجواء جميلة وتجمعات لطيفة تخليك فعلا تحترم الناس دي وتحبهم..

وسؤال "هتشجع مين؟" اتسأل لي كمان من مصريين كتير على السوشيال ميديا خلال الأسبوعين اللي فاتوا.

إجابتي هي: مصر أولاً 🇪🇬❤️
و هاشجع مصر الأول في أي ماتش لها 🇪🇬
لكن ده ما يمنعش إني هاشجع بلجيكا في باقي مبارياتها 🇧🇪❤️
و أتمنى صعود مصر و بلجيكا في مجموعتنا..
للدور لل32 🇧🇪❤️🇪🇬

ملحوظة : الصورة بهدف النكتة و الهزار عشان عارف الناس الغشيمة اللي مش بتقرأ و تفهم البوست 😅😁

من مكان شغلي هنا في بلجيكا…وأنا واقف كل يوم وببص حواليا، دايما بتيجي في بالي فكرة غريبة شوية…إن الإنسان عمره ما يعرف رزق...
15/06/2026

من مكان شغلي هنا في بلجيكا…
وأنا واقف كل يوم وببص حواليا، دايما بتيجي في بالي فكرة غريبة شوية…
إن الإنسان عمره ما يعرف رزقه الحقيقي مكتوب له فين، ولا قدره هياخده على أي أرض.
ممكن جدا الإنسان يتولد ويتعلم ويتعب ويحلم في مكان…
لكن يكون نصيبه وحياته مكتوبة له في مكان تاني خالص، بعيد تماما عن كل توقعاته.

مش هاكتب الكلام ده لهدف الاستعراض، لكن كتجربة شخصية..
وأنا صغير في المدرسة، ماكنتش ممكن أتخيل أبدا إن حياتي هتمشي بالشكل ده.
ماكنتش أتخيل إن أول 7 وظائف في حياتي هتكون في فرنسا،
وإني أنجح هناك وأسس شغل خاص بيا،
وإني بعد كده أشتغل في جهة بالتعاون مع الاتحاد الأوروبي والـ European Commission في بلجيكا.
ماكنتش أتخيل إني أحصل ممكن على 3 ماجستير في فرنسا جنب عملي و أبدأ في الدكتوراه و أدرس في معهد مرموق في بلجيكا..
و إن يبقى كل دراستي و عملي باللغة الفرنسية بدل من الإنجليزية..
وأقضي فترات دراسة قصيرة أو حياة في بلاد تانية زي بريطانيا وإيطاليا واليونان وأمريكا..
ولا حتى إني أبقى مهتم أزور بلاد كتيرة و اتعرف عليها..
أو إن أكون ضليع في مجال بعيد تماما عن تخصصي الأساسي… زي السياحة و الفيزا والهجرة..

وده كله ،رغم إن كان عندي طموحات كبيرة جدا في مصر.
قدمت وقتها في جهات حكومية كبيرة وبنوك كبرى،
و جالي تشريحات من جهات مهمة كمان
وكنت دايما أوصل للمراحل النهائية…
انترفيوهات، كشف هيئة، تقييمات أخيرة…
وكان دايما بيتقال لي كلام إيجابي عني
لكن في النهاية… ماكنتش بتقبل 😊
أو أحيانا ماكنش بيجي أي رد أصلا.
وقتها كنت بستغرب.
لكن بعد سنين فهمت إن أحيانا الحياة ممكن تبقى بتجهزك لطريق مختلف تماما…
وإن القدر ممكن يكون شايل لك رزق في مكان تاني بعيد عن تصوراتك..

وأكتر موقف خلاني أحس بده،
لما جامعتي في فرنسا رشحتني في 2020 لبرنامج دراسي في جامعة في سيول – كوريا الجنوبية لمدة ترم كامل.
وكان حلم بالنسبة لي.
كل حاجة كانت جاهزة..
قبول الجامعة، المصاريف مدفوعة، وحتى راتب شهري.
لكن مع اشتداد أزمة الكوفيد وقتها في كوريا الجنوبية،
والتعقيدات الخاصة بالحجر وسياسات الجامعات،
اضطريت ألغي التجربة كلها.
ساعتها أدركت إن الإنسان أحيانا ممكن يعمل كل اللي عليه…
وينجح فعلا أو بيكون قريب من النجاح…
لكن تبقى الكلمة الأخيرة للقدر.

ومن وقتها، بقي عندي يقين إن الحياة ممكن تتغير بالكامل في لحظة،
وإن الإنسان ممكن يصحى يلاقي نفسه في مكان عمره ما تخيل إنه يكون فيه أو ينتمي له.
عشان كده…
اعمل اللي عليك دايما بأفضل شكل ممكن،
واسعى بصدق،
لكن ماتربطش سلامك النفسي بالنتائج…
لأن النتائج في النهاية قدر،
وكثير منها خاضع لتقييمات بشرية ومتغيرات إحنا مانعرفهاش.

"وأن ليس للإنسان إلا ما سعى"
"وما تدري نفسٌ ماذا تكسب غدا، وما تدري نفسٌ بأي أرض تموت."

سنتر أنتويرب ولا أروع 🇧🇪❤️
15/06/2026

سنتر أنتويرب ولا أروع 🇧🇪❤️

المغرب بقت أول منتخب وطني في التاريخ يبدأ ماتش بتشكيلة كاملة من 11 لاعب كلهم مولودين خارج المغرب.بونو (مونتريال) 🇨🇦نصير ...
14/06/2026

المغرب بقت أول منتخب وطني في التاريخ يبدأ ماتش بتشكيلة كاملة من 11 لاعب كلهم مولودين خارج المغرب.

بونو (مونتريال) 🇨🇦
نصير مزراوي (لايدردورب) 🇳🇱
عيسى ديوب (تولوز) 🇫🇷
شادي رياض (بالما) 🇪🇸
أشرف حكيمي (مدريد) 🇪🇸
نيل العيناوي (نانسي) 🇫🇷
أيوب بوعدي (سانليس) 🇫🇷
شمس الدين طالبي (سامبروفيل) 🇧🇪
بلال الخنوس (مولنبيك) 🇧🇪
سمير المرابط (ستراسبورغ) 🇫🇷
إسماعيل الصيباري (تيراسا) 🇪🇸

ورغم إنهم اتولدوا برا المغرب، اختاروا يمثلوا بلد أصولهم ويلعبوا بقميص أسود الأطلس🔥🇲🇦

بوست 70: نظام فيزا شنجن C طويلة المدة (قانون ٩٠/١٨٠ يوم)📌 القاعدة بتقول:● في أي فترة متحركة من آخر 180 يوم → ماينفعش تق...
14/06/2026

بوست 70: نظام فيزا شنجن C طويلة المدة (قانون ٩٠/١٨٠ يوم)
📌 القاعدة بتقول:
● في أي فترة متحركة من آخر 180 يوم → ماينفعش تقضي أكتر من 90 يوم داخل منطقة شنجن.
● يعني مش محسوبة نصين "6 شهور في السنة" بالظبط… إنما محسوبة دايما على آخر 180 يوم قبل يومك الحالي.
● و ده للي عنده فيزا شنجن C زيارة أو سياحة أو بيزنس طويلة مدتها ٦ شهور و أكتر

---

📍 أمثلة توضيحية 👇

1️⃣ مثال 1

واحد عنده فيزا من يناير لنهاية ديسمبر (سنة كاملة).

قضى في شنجن 70 يوم من يناير.
خرج برة شنجن 90 يوم.
رجع تاني: هنا بتتحسب إنه قضى 70 يوم خلال آخر 160 يوم.
>> يبقى متاح له 20 يوم بس عشان يكمل 90 يوم/180يوم.
** لو قضى 25 يوم يبقى مخالف حتى لو الفيزا لسه سارية 6 شهور.

---

2️⃣ مثال 2

نفس الفيزا.
قضى 50 يوم في شنجن.
رجع مصر.
سافر بعدها بعد 160 يوم.
هنا في آخر 180 يوم قضى 20 يوم (جزء من الـ 50 اللي فاتوا).
>> يبقى يقدر يقضي 70 يوم كحد أقصى في الزيارة الجديدة.

---

3️⃣ مثال 3

نفس الفيزا
قضى 90 يوم → خرج 90 يوم → رجع وقضى 90 يوم تاني.
>> النتيجة: لسه مضبوط لأنه ماعداش 90 يوم في كل آخر 180 يوم.
---

📌 أداة لحساب الأيام

ممكن تحسب أيامك بدقة باستخدام الكالكوليتر الرسمي من الاتحاد الأوروبي:
🔗 Schengen Short-Stay Calculator
و سايبلك لينك في أول تعليق أحسن منه و أسهل في الاستخدام لحساب عدد ( 90/180 يوم )




الصورة مثال لفيزا C مدتها سنة و فيها كل تفاصيل الفيزا اللي شرحتها في بوست 69

من تصويري النهارده في أنتويرب 🇧🇪
14/06/2026

من تصويري النهارده في أنتويرب 🇧🇪

في طريقي ل أنتويرب في بلجيكا 🇧🇪يوم كامل هازور فيه أكتر من مكان و هاجرب مطعم هناك مع صديق عزيز من سكان المدينة.. أنا ساكن...
14/06/2026

في طريقي ل أنتويرب في بلجيكا 🇧🇪
يوم كامل هازور فيه أكتر من مكان و هاجرب مطعم هناك مع صديق عزيز من سكان المدينة..
أنا ساكن في والونيا في الجزء الفرنسي من بلجيكا و هابقى في الجزء الهولندي من البلد..
تابعوني و لو حد عنده اقتراحات عن أي حاجة المدينة يقولها ❤️

13/06/2026

البلجيكيين مستعدين لل ماتش 😁

حصل بالفعل من كام سنة مع اتنين من صحابي: واحد مصري-أمريكي، والتاني مصري.الاتنين كانوا في مصر وقرروا يسافروا الأردن مع بع...
13/06/2026

حصل بالفعل من كام سنة مع اتنين من صحابي: واحد مصري-أمريكي، والتاني مصري.

الاتنين كانوا في مصر وقرروا يسافروا الأردن مع بعض. صاحبنا المصري-الأمريكي عنده باسبورين، لكنه اختار يسافر بالباسبور الأمريكي، بينما التاني سافر ب باسبوره المصري.

بعد ما رجعوا حكولي تفاصيل الرحلة، وكانت النتيجة عكس اللي ناس كتير ممكن تتوقعه:

- الأمريكي دفع فيزا عند الوصول بحوالي 50 دولار.
- المصري دخل مجانا.

وكل ما كانوا يزوروا مزار أو مكان سياحي:

- صاحب الباسبور الأمريكي كان بيدفع رسوم دخول أعلى.
- صاحب الباسبور المصري كان بيدفع أقل بكتير، وأحيانا يدخل مجانا.

كمان الاتنين لاحظوا إن التعامل مع المصري كان أفضل في بعض المواقف. وعلى حد وصفهم، كان فيه إحساس وكأن الرسالة غير المعلنة هي:
"مش إنت اخترت تعمل فيها أمريكي؟ طيب اشرب بقى!" 😂

الفكرة من البوست مش إن الباسبور المصري أقوى من الأمريكي، لأن أكيد مفيش مقارنة في عدد الدول اللي الباسبور الأمريكي بيدخلها بدون فيزا أو بتسهيلات أكبر.

لكن المقصود إن فكرة "الباسبور الأقوى أفضل في كل الظروف" مش صحيحة دائما.

على سبيل المثال:

- المصري يقدر يزور ماليزيا لمدة 90 يوم بدون فيزا،
أما الأمريكي مسموح له بـ30 يوم فقط.
- المصري يقدر يدخل دول زي إيران ورواندا وكينيا وغانا وتوجو وبنين وغينيا وجامبيا من غير فيزا أو بتسهيلات معينة،
أما الأمريكي محتاج فيزا أو إجراءات إضافية في بعض الدول دي.

اللي عايز أقوله:

قوة الباسبور ب تتقاس بالصورة العامة وعدد الدول التي ممكن يدخلها بسهولة، لكن ده لا يمنع إن ده مش دايما صح
و فيه مواقف ممكن تلاقي فيها أن الباسبور اللي فاكره "أضعف" عنده مميزات أقوى في بعض الدول..
---
الصورة من رحلتي على الخطوط الملكية الأردنية 🇪🇬❤️ 🇯🇴

Adresse

5ème Arrondissement
Paris
75005

Site Web

Notifications

Soyez le premier à savoir et laissez-nous vous envoyer un courriel lorsque With Omar Taher - مع عمر طاهر publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager