06/04/2026
Romantic ဆန်သည့် ပါရီနောက်ကွယ်က အဖြစ်တရားများ
ဝယ်ဖတ်ကြပါနော်
စကားပြော အရမ်းကောင်း သည့် ကိုမရငတ ရဲ့ အရေးအသားကတော့ ပြောစရာမလိုဘူး
စာရေးသမား
မောင်ရင်ငတေ
ဖြစ်ပေါ်လာပုံအကြောင်း
သိပ်များများတော့ ပြောစရာ မရှိလှပါဘူး။
ဘဝထဲက လူသား၊
လမ်းပေါ်က လူသား၊
လမ်းပေါ်က အလုပ်သမား။
ပေးလာတဲ့ ဘဝရဲ့ အခြေအနေအရ ပြည်တွင်းမှာရော ပြည်ပ နိုင်ငံတချို့မှာ နေထိုင် လုပ်ကိုင် စားသောက်ခဲ့ရတယ်။
ထိုင်းလန်း၊ မလေးရှား၊ တောင်ကိုရီးယား မှသည် ရေကြည်ရာ မြက်နုရာ ပြောင်းရွှေ့ ရှာဖွေရင်းက ကံစီမံရာ ပြင်သစ် ဖရန့်မြေသို့ ရောက်ရှိခဲ့၊ အခြေချ နေထိုင်ဖြစ်ခဲ့ပါတယ်။ မဟာရန်ဂွန်းမြေမှသည် ပထမဆုံးအကြိမ် စွန့်ခွာလာခဲ့ချိန်က စတွက်မယ်ဆိုရင် (၁၉၉ဝ-၂ဝ၂၅) နှစ်ပေါင်း ၃၅ နှစ် ရှိခဲ့ပါပြီ။
ဒီ သုံးဆယ့်ငါးနှစ်တာအတွင်း ရောက်လေရာ လမ်းများပေါ်မှ ကြုံတွေ့ ဖြတ်သန်းခဲ့ရသမျှ အကြောင်းတွေကို ကြုံရင် ကြုံလာသလို စာရွက်များ ဒိုင်ယာရီ စာမျက်နှာများပေါ်၊ နောက်ပိုင်းတော့ ကွန်ပျူတာ တယ်လီဖုန်း အွန်လိုင်းစာမျက်နှာများပေါ်မှာ၊ အတိုအစ ရောက်တတ် ရာရာများ ရေးမှတ်ဖြစ်ခဲ့သလို သွားလေရာ ရောက်ခဲ့လေရာ အရပ်ဒေသ များမှာ တယ်လီဖုန်းတို့၊ ကင်မရာတို့နဲ့ မှတ်တမ်းပုံရိပ်များ ရိုက်ယူခဲ့ပြီး တွေ့မြင်ခဲ့ရသမျှကို အမှတ်တရလေးတွေ ရေးမှတ်ဖြစ်ခဲ့ပါတယ်။
ရေးမှတ်ထားမိသမျှကို ပြန်ဖတ်မိခဲ့တိုင်း ဖြည့်စွက် ပြုပြင် ထပ်ရေး ရင်းက အဲဒီလိုကနေ နှစ်ကာလများ ကြာရှည်လာလေတော့ စာလုံးတွေ၊ စာကြောင်းတွေ၊ စာပိုဒ်တွေက များသထက် များများလာပါတယ်။ အဲဒီလို များပြားလာတဲ့ စာကြောင်း၊ စာပိုဒ်တွေကို တူညီရာ စုစည်း၊ ပေါင်းစပ် ရင်းက စာတစ်ပုဒ်ရယ်လို့ ဖြစ်လာတဲ့သဘောသာ ရှိပါတယ်။ စာတစ်ပုဒ် များကနေ စာတစ်အုပ် များမကြာခင် ဖြစ်လာလိမ့်မယ်လို့ ထင်မိနေရင်း ရေးလာခဲ့တာ နှစ်ပေါင်း တော်တော်လေး ကြာခဲ့ပါပြီ။
လမ်းများပေါ်က သာမန်လူတစ်ယောက် သာမန်ဖြတ်သန်းမှုတွေ ကို ကြုံတွေ့ခဲ့ရသလို ရေးမှတ် ပေါင်းစပ်ထားတာမို့ ကြီးကြီးကျယ်ကျယ် ဖြစ်ရပ်တွေ၊ မှတ်သား လိုက်နာဖွယ်ရာတွေကတော့ ဘာတစ်ခုမှ မပါရှိ နိုင်ပါဘူး။ “မောင်ရင်ငတေ”ဆိုတဲ့အမည် ခံယူခဲ့မိတာကလည်း လမ်းများ ပေါ်၊ ပလက်ဖောင်းများပေါ်က သာမန်လူသားများ ဘဝထဲက လူသားများရဲ့ အကြောင်းများကိုသာ မှတ်တမ်းတင်လိုတဲ့ စိတ်တစ်ခုနဲ့သာပါ။ ကြီးကျယ် ခမ်းနားသော တော်ဝင် ရွိုင်ရယ် အကြောင်းများ ပါဝင်မှာ မဟုတ်ပါဘူး။
အဲဒီလို ပေတစ်ရာ လမ်းမများပေါ်က သာမန်လူသား အလုပ်သမား တစ်ယောက်အကြောင်း ရေးသားနေတဲ့ စာရေးသမား မောင်ရင်ငတေရဲ့ ဘဝအတ္ထုပ္ပတ္တိ ဆိုတာကြီးကလည်း ဘယ်လိုမှ ကြီးကြီးကျယ်ကျယ် မရှိခဲ့မှာက မေးစရာ မလို၊ သေချာလှပါတယ်။
---------
ပါရီမြို့ရောက် အလုပ်ကြမ်းသမား
မောင်ရင်ငတေ
ပထမအကြိမ်
တန်ဖိုး ၂၅၀၀၀ ကျပ်
နှစ်ကာလများစာပေ
ဖုန်း -018255948, 09740979393
#နှစ်ကာလများ
