薯嘜社區 Smartworkshop

08/08/2026

覺得自己喺疫情最嚴重嘅時候，買部衣車自學車嘢嘅決定係非常明智嘅🤣🤣
有咗部衣車，工作坊嘅idea容易實行咗，尤其係upcycling嘅創作♻️

感謝 CIC-Zero Carbon Park 建造業零碳天地 建造業零碳天地嘅邀請，各位零碳小勇士，今次又同大家一齊玩upcycling嘅工作坊，8月14日見～

【零碳小勇士專屬活動☕️ 咖啡麻布袋升級再造工作坊👜】

今個暑假，一齊化身升級再造小達人♻️✨建造業零碳天地特別為零碳小勇士準備咗暑假限定工作坊，帶大家走入綠色創意世界，親手將回收物料變成實用嘅環保小作品，體驗「轉廢為寶」嘅樂趣💚

精彩工作坊包括：
☕️ 彩繪專屬布袋：發揮無限創意，喺咖啡豆麻布小袋畫上獨一無二嘅圖案🎨
🌾 手作天然小掃把：結合回收咖啡麻布袋同天然蘆葦草，親手製作可愛又實用嘅小掃把🧹
______________
📅 日期：2026年8月14日（星期五）
🕐 時間：下午1時至3時
📍 地點：建造業零碳天地｜九龍灣常悅道8號
⏳ 活動長度：2小時
👨‍👩‍👧‍👦 名額：20組（每組只限1位小朋友及1位家長陪同）
👧 建議對象：4歲或以上（12歲以下須由成人陪同）
💰 報名費用：港幣20元

#升級再造 #低碳生活 #親子活動

07/08/2026

鈎織兔仔燈籠工作坊

用雙手一針一針鈎織出得意可愛嘅兔仔燈籠😊

歡迎新手，只要你有時間，會手把手由零開始教到你識為止🤣

工作坊分兩個製成品，分別係:
A)鈎織兔仔燈籠吊飾，可以勾喺袋帶住佢周圍去😊

B)鈎織竹編兔仔燈籠，花花頸帶可以拆開變成手帶，頭部位置可揭開，竹編部份化身成小型儲物盒，可裝上電蠟燭😊

可單選A 或 A+B組合，而A+ B組合只有四套‼️

工作坊時間：
工作坊A - 兩天共6小時
工作坊A + B組合 - 兩天共8小時

工作坊地點：
觀塘薯嘜社區工作室（觀塘港鐵站步行5分鐘）

歡迎有興趣嘅朋友，團體及機構查詢😊
FB:薯嘜社區Smartworkshop
Email:[email protected]
WhatsApp:91505000
IG: 薯嘜社區Smartworkshop

#中秋節工作坊 #兔仔燈籠 #鈎織工作坊 #中秋節

07/08/2026

非遺手紥兔仔燈籠工作坊

左諗右諗，都係想用最傳統嘅方法做燈籠😊
同大家由零開始，用竹篾、蠟光紙，使用顏料繪畫圖案，製作出極具中秋氣氛又獨一無二嘅兔仔燈籠🐇🏮

歡迎大小朋友（親子）嚟到親自製作😊
二人同行仲有優惠添～

工作坊地點：
觀塘薯嘜社區工作室（觀塘港鐵站步行5分鐘）

工作坊需時約2.5小時

歡迎有興趣嘅朋友，團體及機構查詢😊
FB:薯嘜社區Smartworkshop
Email:[email protected]
WhatsApp:91505000
IG: 薯嘜社區Smartworkshop

#中秋節工作坊 #親子工作坊 #燈籠 #非遺 #中秋節

16/07/2026

又就嚟到玩燈籠嘅時間🤣(其實都仲有一段時間🤣)
開始預備工作坊先～

我依然覺得兔仔燈籠係最啱feel嘅💛
今次想做返傳統啲，一如以往都係用竹篾親手製作💪🏻

完成後再同大家分享成品😊

#中秋節工作坊 #燈籠 #兔仔燈籠 #中秋節

02/07/2026

29/06/2026

上星期五喺東華三院賽馬會天水圍綜合服務中心，完成一連六堂最後一堂嘅鈎織工作坊💛☺️

對住呢班同學一段時間，真係會唔捨得㗎🥹
見住大家一堂一堂咁進步，亦都對鈎織培養咗興趣，真係好開心～

由第一針開始，一針一針咁樣完成作品，真係好有滿足感😊 每一針都滿載住大家嘅努力同埋心意，真係非常有意義😊

喺呢個AI嘅年代，好似乜嘢都做到出嚟，但手作嘅溫度同心意係唔可以代替，親手做嘅感覺真係別具意義，我哋唔係追求製成品嘅完美度，而係講求將自己嘅心思、心機，用作品嚟呈現💛💛

我打嘅每一段文可能都唔係好通順，但我就係唔想用AI幫我執，就係想表現每一句說話都係我當下親身嘅感受😊

各位同學有機會再見😊感謝大家嘅熱烈參與，製造咗一個非常愉快嘅環境，可以一齊享受手作嘅樂趣💛

最後感謝天水圍綜合服務中心一直嘅支持，希望有機會再帶其他工作坊同大家一齊玩～

#團體工作坊 #學校工作坊 #鈎織 #鈎織工作坊

24/06/2026

「APM型動夏日祭」
上星期聯同 Ka Ka Art Workshop ，喺APM完成左一連三日嘅咖啡渣擴香磚工作坊💪🏻💪🏻

感謝 apm HK 嘅邀請，令到我哋有機會同一衆親子一齊慶祝父親節，製作一份極具心意嘅父親節禮物💛

場地係商場嘅中庭，人來人往非常熱鬧，加上小朋友嘅好動活潑，可以用熱血沸騰嚟形容🤣🤣

小朋友創作嘅主題當中，除咗鍾意嘅卡通人物外，亦都有足球嘅元素，佢哋話因為爸爸鍾意踢波，亦因為世界盃舉行當中，爸爸都會喺夜晚睇波🤣🤣

我同嘉嘉老師三日都做到冇停手，但係好開心可以參與其中，可以親身感受到每個家庭一齊創作嘅溫暖時刻💛☺️最開心係可以見到每位小朋友盡情發揮創意👍🏻

再次感謝 apm HK ，特別感謝每位員工嘅幫忙🙏🏻
期待下次見到大家💛

#團體工作坊 #商場工作坊 #節日工作坊 #親子工作坊

22/06/2026

上星期五又去到東華三院賽馬會天水圍綜合服務中心，繼續第五堂嘅鈎織工作坊☺️

今堂開始正式鈎公仔喇，今次我揀咗日本超級巨星Punchi🐒🐒
我係有私心嘅，加上5月嘅時候親身去探過佢，實在太得意啦，所以就揀咗鈎Punchi公仔💛

咁當然趁機介紹吓Punchi同埋市川市動植物園🌿，等多啲人知道世界上有個咁可愛嘅地方～

講返鈎織班，各位同學都好努力，進步神速，因為課堂實在時間唔夠，所以好多部份都要返屋企收時間做，但大家都好乖每次都交齊功課👍🏻👍🏻而你哋睇相都應該感受到，我哋係喺一個非常愉快嘅氣氛底下一齊鈎☺️

下一堂最後一堂喇，我哋就會將Punchi公仔完成，非常期待大家嘅製成品☺️💛加油啊～

#團體工作坊 #學校工作坊 #鈎織

16/06/2026

早前去到北角官立小學(雲景道），舉行親子泰式按摩藥草球工作坊🌿

呢個工作坊非常有意義，大家學完點樣製作泰式藥草球同埋簡單按摩之後，返到屋企仔女可以同父母按摩，增進親子嘅感情，仲可以一齊感受泰式草球帶嚟嘅放鬆感覺，舒緩日常嘅疲勞💛💛

大家努力完成製作草球之後，就到咗親身體驗嘅環節☺️媽咪同女女互相練習，場面非常溫馨💛
我哋仲話快啲練習多啲，因為嚟緊係父親節，返屋企可以俾爸爸享受一下🤣🤣

工作坊喺一個非常愉快嘅氣氛底下完成，再次感謝邀請，希望有機會再同大家見面，thank you☺️

#團體工作坊 #學校工作坊 #暑期活動 #泰式草球

13/06/2026

琴晚又去到東華三院賽馬會天水圍綜合服務中心，繼續第四堂嘅鈎織工作坊☺️

第一階段完結，算係熱身，俾一啲完全唔識鈎織嘅同學學識基本嘅知識，個個都有板有眼，大家亦都有功課交，所以要影張大合照先🤣🤣

今堂開始我哋嘅難度要升級啦，大家開始鈎織公仔💪🏻
返到去要好好練習，下堂見💛💛

#團體工作坊 #學校工作坊 #鈎織 #工作坊