24/03/2026
दार्जीलिङको भविष्य र हाम्रो एउटा भोट!
आउँदो पश्चिम बंगाल विधानसभा चुनाव २०२६ को रापतापले पहाड तातिसकेको छ। दार्जीलिङ निर्वाचन क्षेत्रबाट यसपटक मुख्य दुई पक्षहरू चुनावी मैदानमा उत्रिएका छन्:
१. नोमान राई (BJP + GJMM गठबन्धन)
२. विजय कुमार राई (BGPM + TMC गठबन्धन)
यो चुनाव केवल एउटा विधायक चुन्ने माध्यम मात्र होइन, बरु दार्जीलिङको मुद्दा, विकास र हाम्रो पहिचानको दिशा तय गर्ने एउटा महत्वपूर्ण मोड पनि हो। एकातिर केन्द्रमा सत्तासिन दलको साथ छ भने अर्कोतिर राज्य र पहाडको सत्तामा रहेको शक्ति।
यस्तो अवस्थामा एउटा सचेत नागरिकको नाताले हामीले सोच्नैपर्ने हुन्छ:
कसले दार्जीलिङका थाती रहेका मुद्दाहरूलाई सही ढंगमा सम्बोधन गर्ला?
पहाडको शिक्षा, स्वास्थ्य र रोजगारको क्षेत्रमा कसको भिजन स्पष्ट छ?
हाम्रो माटो र मान्छेको आवाज विधानसभामा कसले दृढताका साथ उठाउला?
भ्रष्टाचार मुक्त पहाड कसरी बन्न सक्छ?
तपाई आफ्नो बहुमूल्य भोट कसलाई खसाल्ने? दार्जीलिङका विधायक कसलाई बनाउनु चाहनु हुन्छ?
आफ्नो अमूल्य राय तल कमेन्ट बक्समा व्यक्त गर्नुहोस्। विचार फरक हुन सक्छन्, तर उद्देश्य एउटै हुनुपर्छ— "सक्षम नेतृत्व र समृद्ध दार्जीलिङ"
