24/07/2026
मा. ना. पंकजाताई मुंडे यांच्या वाढदिवसानिमित्त केजमध्ये विविध सामाजिक उपक्रम
लघुरुद्राभिषेक, वृक्षारोपण व भव्य रक्तदान शिबिरात सहभागी होण्याचे डॉ. योगिनी थोरात व सुरेंद्र काका तपसे यांचे आवाहन
केज : सामाजिक बांधिलकी जपत धार्मिक, पर्यावरणपूरक आणि समाजोपयोगी उपक्रमांच्या माध्यमातून मा. ना. पंकजाताई मुंडे यांचा वाढदिवस साजरा करण्याचा संकल्प करण्यात आला आहे. त्यांच्या वाढदिवसानिमित्त केज तालुक्यात रविवार, दि. २६ जुलै रोजी लघुरुद्राभिषेक, वृक्षारोपण आणि भव्य रक्तदान शिबिराचे आयोजन करण्यात आले आहे. या विविध उपक्रमांमध्ये नागरिकांनी मोठ्या संख्येने सहभागी व्हावे, असे आवाहन माजी जिल्हा परिषद सदस्य डॉ. योगिनी थोरात व माजी पंचायत समिती सभापती सुरेंद्र काका तपसे यांनी केले आहे.
पर्यावरण व हवामान बदल तसेच पशुसंवर्धन मंत्री मा. ना. पंकजाताई गोपीनाथ मुंडे यांच्या वाढदिवसानिमित्त रविवारी (दि. २६) केज तालुक्यात विविध सामाजिक व धार्मिक उपक्रमांचे आयोजन करण्यात आले आहे.
या निमित्ताने सकाळी ८ वाजता तांबवा येथील श्री तांबेश्वर मंदिरात लघुरुद्राभिषेकाचे आयोजन करण्यात आले आहे. त्यानंतर सकाळी १० वाजता गणपती मंदिर, धारूर रोड, केज येथे वृक्षारोपण कार्यक्रम होणार आहे. तसेच सकाळी ११ वाजता ईशान हेल्थ केअर सेंटर, डॉ. योगिनी थोरात (जयभाये), जय भवानी चौक, केज येथे भव्य रक्तदान शिबिराचे आयोजन करण्यात आले आहे.
या विविध उपक्रमांच्या माध्यमातून धार्मिक श्रद्धेसोबतच पर्यावरण संवर्धन आणि रक्तदानासारख्या समाजोपयोगी कार्याला चालना देण्याचा प्रयत्न करण्यात येत आहे. या सर्व उपक्रमांमध्ये नागरिकांनी मोठ्या संख्येने सहभागी होऊन कार्यक्रम यशस्वी करावा, असे आवाहन माजी जिल्हा परिषद सदस्य डॉ. योगिनी थोरात व सुरेंद्र काका तपसे यांनी केले आहे.
#पंकजामुंडे #पंकजाताई_मुंडे #पशुसंवर्धनमंत्री #पर्यावरणमंत्री
