18/02/2026
*മലപ്പുറം ബസ് ടെർമിനൽ കം ഷോപ്പിംഗ് കോംപ്ലക്‌സിന്റെ രണ്ടാംഘട്ട പദ്ധതികളുടെ പ്രവൃത്തി ഉദ്ഘാടനവും ലോവർ ലെവൽ-2 ബ്ലോക്ക് ഉദ്ഘാടനവും*
മലപ്പുറം ജില്ലയുടെ വൈവിധ്യമാർന്ന സാംസ്കാരിക ഭൂമികയിൽ പൊതുഗതാഗത സംവിധാനത്തിൻ്റെ പുത്തൻ അധ്യായം രചിക്കുകയാണ്. കെ. എസ്. ആർ. ടി. സി. നൂതന സംവിധാനങ്ങളോടെ പ്രവർത്തിച്ചു വരുന്ന ബസ് ടെർമിനൽ കം ഷോപ്പിംഗ് കോംപ്ലക്‌സിൽ 2024-2025 വർഷത്ത ബഡ്‌ജറ്റ് വിഹിതമായ 5 കോടി രൂപ ചെലവിൽ ചെയ്യുന്ന പ്രവൃത്തികളുടെ ഉദ്ഘാടനവും നിർമാണം പൂർത്തീകരിച്ച ലെവൽ -2 ബ്ലോക്കിന്റെ ഉദ്ഘടനവും 19-02-2026, വ്യാഴാഴ്‌ച രാവിലെ 9:30 ന് മലപ്പുറം കെ. എസ്. ആർ. ടി. സി. ഡിപ്പോയിൽ ബഹു: മലപ്പുറം എം. എൽ. എ. ശ്രീ. പി. ഉബൈദുള്ളയുടെ അധ്യക്ഷതയിൽ ബഹു: ഗതാഗത വകുപ്പ് മന്ത്രി ശ്രീ. കെ.ബി. ഗണേഷ് കുമാർ നിർവ്വഹിക്കുന്നു. ബഹു: കായിക വകുപ്പ് മന്ത്രി ശ്രീ. വി. അബ്ദുറഹിമാൻ, മലപ്പുറം എം. പി. ശ്രീ. ഇ. ടി. മുഹമ്മദ് ബഷീർ എന്നിവർ വിശിഷ്ടാതിഥികൾ ആകുന്ന ചടങ്ങിൽ രാഷ്ട്രീയ, സാംസ്കാരിക, സാമൂഹിക രംഗത്തെ പ്രമുഖരും പങ്കെടുക്കുന്നു.
ഈ മഹനീയ വേള ധന്യമാക്കുവാൻ നിങ്ങളെവരുടെയും സാന്നിധ്യം സാദരം ക്ഷണിച്ചു കൊള്ളുന്നു.
സ്നേഹപൂർവ്വം...
ചെയർമാൻ & മാനേജിംഗ് ഡയറക്ടർ,
കെഎസ്ആർടിസി
