Rupam Dutta

21/08/2026

The Driver

20/08/2026

Driver....

19/08/2026

নতুনত্ব....

12/08/2026

10/08/2026

শ্ৰদ্ধাৰ আদৰ্শ প্ৰাথমিক বিদ্যালয়, তিনিচুকীয়াৰ প্ৰাক্তন ছাত্ৰ-ছাত্ৰীসকল আৰু বন্ধু-বান্ধৱীসকল,

নমস্কাৰ গ্ৰহণ কৰিব ।

আপোনালোকৰ সকলোৰে জ্ঞাত যে আমাৰ সকলোৰে অতি মৰমৰ, শৈশৱৰ অমূল্য স্মৃতি জড়িত আদৰ্শ প্ৰাথমিক বিদ্যালয়খনে ১৮৯৭ চনতেই প্ৰতিষ্ঠা লাভ কৰি আজি এক গৌৰৱোজ্জ্বল ইতিহাসৰ সাক্ষী হৈ ১২৯টা বৰ্ষ অতিক্ৰম কৰিছে । এই সুদীৰ্ঘ যাত্ৰাত বিদ্যালয়খনে কত ঘাত-প্ৰতিঘাত আৰু উত্থান-পতনৰ সন্মুখীন হৈও অগণন ছাত্ৰ-ছাত্ৰীৰ সোণালী ভৱিষ্যতৰ সপোন গঢ়ি আহিছে । এই বিদ্যালয় খনতেই বহুজনে জীৱনৰ আনুষ্ঠানিক শিক্ষাৰ প্ৰথম পাঠ আৰম্ভ কৰি আজি সমাজৰ বিভিন্ন ক্ষেত্ৰত প্ৰতিষ্ঠিত হৈ দেশ-জাতিৰ সেৱাত ব্ৰতী হৈ আছে ।

আমাৰ এই ঐতিহ্যমণ্ডিত বিদ্যালয়খনৰ গুণগত মান, শৈক্ষিক পৰিৱেশ আদিৰ প্ৰতি লক্ষ্য ৰাখি ভাৰত চৰকাৰে ২০২৩ চনত বিদ্যালয়খনক ‘পিএম শ্ৰী আদৰ্শ প্ৰাথমিক বিদ্যালয়’ হিচাপে উন্নীত কৰে । এয়া কেৱল বিদ্যালয়খনৰ বাবেই নহয়, সমগ্ৰ প্ৰাক্তন ছাত্ৰ-ছাত্ৰী, অভিভাৱক আৰু স্থানীয় ৰাইজৰ বাবেও এক গৌৰৱৰ বিষয় ।

আমাৰ এই মৰমৰ পঢ়াশালিখনৰ প্ৰতি আপোনালোকৰ অকুণ্ঠ মৰম, শ্ৰদ্ধা আৰু আৱেগ আজিও অটুট । সেই মৰম আৰু আত্মীয়তাই আমাক আকৌ এবাৰ একেলগে মিলিত হৈ অতীতৰ সোণালী দিনবোৰ স্মৰণ কৰাৰ বাবে হাতবাউলি মাতিছে ।

সেই উদ্দেশ্যে পিএম শ্ৰী আঁচনিৰ অধীনত আদৰ্শ প্ৰাথমিক বিদ্যালয়ৰ প্ৰাক্তন ছাত্ৰ-ছাত্ৰীসকলৰ এখন বিশেষ সভা অহা *২২/০৮/২০২৬* তাৰিখ, চতুৰ্থ শনিবাৰে বিদ্যালয় প্ৰাংগণত অনুষ্ঠিত কৰাৰ আয়োজন কৰা হৈছে ।

সেয়ে, জীৱনৰ প্ৰথম শিক্ষাৰ পাতনি মেলা, শৈশৱৰ অমূল্য স্মৃতিৰে পৰিপূৰ্ণ আমাৰ এই মৰমৰ পঢ়াশালিখনৰ পুৰণি স্মৃতি ৰোমন্থন কৰাৰ উদ্দেশ্যে সকলো প্ৰাক্তন ছাত্ৰ-ছাত্ৰী আৰু বন্ধু-বান্ধৱীসকলক অহা ইং *২২/০৮/২০২৬* তাৰিখে পুৱা *১০:০০* বজাত আদৰ্শ প্ৰাথমিক বিদ্যালয়ৰ প্ৰাংগণত উপস্থিত থাকি সভাখন সাফল্যমণ্ডিত কৰিবলৈ আন্তৰিকভাৱে নিমন্ত্ৰণ তথা অনুৰোধ জনালোঁ ।

আহক, অতীতৰ সোণালী স্মৃতিৰ আঁত ধৰি বৰ্তমানক শক্তিশালী কৰোঁ আৰু আমাৰ মৰমৰ পঢ়াশালিখনৰ উজ্জ্বল ভৱিষ্যৎ গঢ়াৰ সংকল্পৰে একেলগে আগবাঢ়োঁ ।

ধন্যবাদেৰে,

হোমেন বৰুৱা, প্ৰধান শিক্ষক তথা প্ৰাক্তন ছাত্ৰ
চিন্ময় শৰ্মা, সভাপতি
ৰূপম দত্ত, সম্পাদক
প্ৰাক্তন ছাত্ৰ-ছাত্ৰী সমিতি,
পিএম শ্ৰী আদৰ্শ প্ৰাথমিক বিদ্যালয়, তিনিচুকীয়া

25/07/2026

বানপানী

25/07/2026

●●●দুৰ্যোগ●●●

শিৱসাগৰ, চৰাইদেও, যোৰহাট আৰু বানপানীৰ কবলত পৰা প্ৰতিখন ঠাইৰ খবৰ দেখি বুকুখন বাৰে বাৰে বিষাই উঠিছে। ঘৰৰ সলনি পানী, পথৰ সলনি সোঁত, মুখত হাঁহিৰ সলনি অনিশ্চয়তা—এই দৃশ্যবোৰ সঁচাকৈ সহিব নোৱাৰা। বহু পৰিয়ালে জীৱনৰ বহু কষ্টেৰে গঢ়ি তোলা সপোন এদিনতে পানীত উটি যোৱা দেখি মনটো একেবাৰে ভাঙি পৰে।

এনে সময়ত বাৰে বাৰে মন যায়—যদি পৰা হ'লে, নিজৰ সাধ্যৰ সকলোখিনি দি এই মানুহবোৰৰ কষ্ট অলপ হ'লেও লাঘৱ কৰিলোঁহেঁতেন। যদিও সকলোৰে পক্ষে সকলো কৰা সম্ভৱ নহয়, তথাপিও আন্তৰিক প্ৰাৰ্থনা আৰু সহমৰ্মিতা কেতিয়াও সৰু নহয়। বানৰ প্ৰতিটো খবৰে বুকুখন হেঁচা মাৰি ধৰিছে। কি বিভৎস পৰিস্থিতি অসমৰ।

মই আন্তৰিকভাৱে প্ৰাৰ্থনা কৰিছোঁ, ভগৱানে এই দুৰ্যোগৰ মাজত জীৱনযুঁজ দিয়া প্ৰতিজন মানুহক সাহস আৰু শক্তি দিয়ক। যিসকল স্বেচ্ছাসেৱক, এনজিঅ', বিভিন্ন সামাজিক সংগঠন, প্ৰশাসনৰ লোক, উদ্ধাৰকাৰী দল আৰু অসংখ্য অচিনাকি মানুহ দিনে-ৰাতিয়ে নিজৰ ক্লান্তি পাহৰি বানপীড়িতসকলৰ কাষত থিয় দিছে, তেওঁলোককো ভগৱানে সুস্থ ৰাখক, অধিক শক্তি আৰু মনোবল দিয়ক। তেওঁলোকৰ নিঃস্বাৰ্থ সেৱাই আজিও মানৱতাৰ প্ৰকৃত মুখখন জীয়াই ৰাখিছে।

মই ভগৱানৰ ওচৰত এটাই প্ৰাৰ্থনা কৰোঁ—অসমে যেন পুনৰ এনেকুৱা বিভীষিকাময় দিন নেদেখে। আমাৰ কৃষক, আমাৰ শিশু, আমাৰ পৰিয়াল, আমাৰ গাঁওবোৰে যেন শান্তি আৰু নিৰাপত্তাৰে জীৱন কটাব পাৰে। যিসকলে সকলো হেৰুৱাইছে, তেওঁলোকৰ জীৱনত পুনৰ আশাৰ পোহৰ আহক। সকলোৱে একেলগে হাত ধৰি এই কঠিন সময় পাৰ হওক।

এই কঠিন সময়ত বানপীড়িত প্ৰতিগৰাকীলৈ মোৰ আন্তৰিক সমবেদনা, মৰম আৰু প্ৰাৰ্থনা থাকিল। আশা কৰোঁ, অতি সোনকালে অসমে আকৌ হাঁহিব, মানুহে আকৌ নিজৰ ঘৰলৈ উভতি নতুন আশাৰে জীৱন আৰম্ভ কৰিব।■■■

21/07/2026

Wei Sawdong Falls ৰ ওচৰত। চেৰাপুঞ্জী.......

20/07/2026

Mini Pehelgam, Shillong..
1st trip...

18/07/2026

সপোনবোৰ কেতিয়াও এদিনতে পূৰণ নহয়। প্ৰতিটো সপোনৰ আঁৰত থাকে অসংখ্য ত্যাগ, অগণন কষ্ট, ধৈৰ্য আৰু নিজৰ ওপৰত অটল বিশ্বাস। এই গাড়ীখন মোৰ বাবে কেৱল এখন বাহন নহয়, ই মোৰ বহুদিনীয়া পৰিশ্ৰম, আত্মবিশ্বাস আৰু নতুন যাত্ৰাৰ প্ৰতীক।

জীৱনত বহু উত্থান-পতন আহে, বহু সময়ত পথ কঠিন হয়, কিন্তু লক্ষ্য যদি স্পষ্ট থাকে, তেন্তে এদিন নিশ্চয় সফলতা আহে।

আজি নতুন আশাৰে, নতুন উদ্যমে আৰু নতুন দায়িত্বৰে এই যাত্ৰা আৰম্ভ কৰিলোঁ। আগলৈ আৰু বহুদূৰ যাবলগীয়া আছে। সকলো শুভাকাংক্ষী, বন্ধু-বান্ধৱ, আত্মীয়-স্বজন আৰু মোৰ ওপৰত বিশ্বাস ৰখা প্ৰতিজন মানুহলৈ আন্তৰিক কৃতজ্ঞতা জনালোঁ। আপোনালোকৰ মৰম, আশীৰ্বাদ আৰু শুভেচ্ছাই মোক সদায় আগুৱাই নিয়াৰ শক্তি দিয়ে।

মোৰ বিশ্বাস, প্ৰতিটো যাত্ৰাৰ এক সুন্দৰ গন্তব্য থাকে। এই নতুন আৰম্ভণিও তেনেকুৱা এখন সুন্দৰ ভৱিষ্যতৰ দিশে আগবঢ়া এক সৰু পদক্ষেপ। সকলোৰে মৰম, চেনেহ আৰু আশীৰ্বাদ সদায় এনেদৰেই থাকক। নতুন সপোন, নতুন পথ আৰু নতুন উদ্যমেৰে এই যাত্ৰা আৰম্ভ হ'ল।
বহুত বহুত ধন্যবাদ। ■■■■