12/03/2018
...c'è qualcuno che ha ancora da raccontare qualcosa sul nostro Pensionato Stres ? .....
Tut le scominthia
na desina abbondanti de anni fa
quando che alla DE ROCCO Trasporti te si aprodà.
Un dopo quel’altro tutti i camion pi novi te a proà
e ogniun le sempre stat meio de quel pasà!
Co ti avei el Volvo, l’era el to amore
ma dopo la gabina del Mercedes la te piasea de pi par far “le ore”
e che dir del Scania, quel l’avea el pi bel motore!
Par ultimo el Daffon le rivà
che fin ala pension el ta portà.
Quanti kilometri che in giro par ste strade ti è masnà
solche el signor el lo sà,
ma solche lu el savarà anca quante che ti ghe’n è combinà !
Partentha sempre la matina bonora coi ciari impiai
par no catarse davanti i soliti 4 indormenthai,
su par el Brennero ogni luni l’era la to pasion
a passar via tutta la procesion !
Ma ghe ol proprio dirlo che te tuti sti ani de sorpasi ti si stat anca an po fortunà
che fin alla pension co la patente te le scasele ti si rivà..al poro Petro sentha nianca far an sorpaso, la patente i g’avea gia ciavà…
Le anca vera che la fortuna la iuta i audaci
e ti co’n colpo de clacson e na ridata a quei 4 inbranai ti ghe disei “tanti saluti e baci”!..e ghe n’altra roba che ghe ol proprio dir,
in quanto ai consumi, pò, no ghe mai stato niente da eccepir!
Sempre in testa a tutte le classifiche, THE BEST
parfin l’istrutor della Mercedes del corso ti è batest.
Far el laoro alle svelte ma sentha tant gasolio consumar,
niesun a mai capi come che ti eri bon de far...
qualcun avaria parfin anca podest pensar
che no ti ndasesi nianca a laorar
visto tuti i scios e i fong che ti eri bon de catar!
Ti si stat proprio n’autista valente
sempre in prima linea, volente o dolente.
De tuti sti ani se podaria contarghene ancora tante
ma visto che doi di topo che ti eri ndat in pension ti eri de novo al volante,
me sa che ti fe temp a combinarghene naltre tante
Toca proprio dirlo, bravo Tres! par noi ti si stat el numero 1
a far sto laoro me sa proprio che no te batterà mai nessuno !
E par ultimo no stonse desmentegar
che ghe anca na santa femena da ringrathiar
de tutte ste noti che la sa sempre sveia a vegner torte e portar
Ades ti si deventa automunito, ti te si tolt el furgon
ma me sa che le fat par ndar in giro col motoron!
Par finir sta storia, noialtri tutti insiem te auguron
de meter na scianta de iudithio entro in te quel mathucon
e de goderte co la to amata Renza la meritata pension
