08/01/2020
ازاي تسافر تدرس في ايطاليا 🇮🇹🇮🇹و تحصل علي منحه بكالريوس او ماجستير :
أولا إيطاليا بتقبل كل الشهادات القبل جامعيه(المدرسيه) بكافه انواعها , علمي او ادبي او صناعي او فندقي او اي شيء , بشرط تكون درست
% اجمالي عدد سنين قبل جامعي = 12 سنه او اكتر ولا يهم المجموع طالما فوق 60
-1 طيب يعني ازاي بتقبل كل المجاميع , يعني ابقي جايب 60 % و ادخل طب؟
ايوا لان انت و ال جايب 99 % هتخضعو لإمتحان قبول موحد بيختبرك فقط في الأفرع الي تأهلك دراسه الطب.
و أي كليه كذلك , كل كليه لها امتحان قبول بتمتحنه في ايطاليا بعد متاخد فيزا الطالب و توصل , و الإمتحان دا بيحدد هل انت تقدر تدرس
الكليه ال عاوز تدخلها أو لا , ودا منتهي العدل , و الإمتحانات دي مش سهله و مش صعبه , يعني ال عنده اساسيات و محضر كويس هينجح
بسهوله.
و طبعا التقديم علي الماجستير مفيهوش امتحان قبول انما بيكون فيه فحص للمحتوي العلمي و الجامعه و الدرجات بتاعتك , و نسبه القبول
عاليه
-2 طيب ايه الي يخليني اروح إيطاليا , انا مبعرفش ايطالي ؟
تقدر تدرس في ايطاليا بالانجليزي او بالايطالي , يشطرت يكون معاك شهاده لغه ايلتس اكاديمي درجه 6 , او توفل انترنت بيزد درجه 85
او اكتر , ولو انت اي جي او سات مش مطلوب منك شهاده لغه.
أما لو هتدرس بالإيطالي لازم شهاده لغه ايطالي من المركز الثقافي الإيطالي بالقاهره.
ليه بقي تدرس في ايطاليا دا موضوع كبير , اولا لانها عضو اتحاد اوروبي و شنجن , و دا بيديلك امتيازات الاقامه الاوروبيه, و حق العمل
كطالب 20 ساعه اسبوعيا زي المانيا , غير ان ايطاليا دوله متطوره في كذا مجال , بالاخص الطب
و الهندسه و الصيدله,
و جامعاتها ترتيبها
من ٩٨ الي
400 علي العالم و من اول 20 علي اوروبا , وفي بعض التخصصات هي الأولي علي اوروبا - مرتفع علي اوروبا و العالم ,
زي العماره و التصميم و الأسنان والسيارات.
-3 طيب بعد ما اخلص دراسه ينفع اشتغل هناك ؟ و هل اقامه الطالب بتتحول لعمل.؟
طبعا , اقامه الطالب بتتحول لعمل في حاله انك لقيت شغل بعد التخرج , و لما تكون كملت 5 سنين في ايطاليا بيحقلك طلب الاقامه المفتوحه
في ايطاليا , و ال بعدها تقدر تطلب الجنسيه بس بشويه طلبات تانيه
-4 سمعت ان ايطاليا فيها بطاله , و كمان مش امان وفيها مافيا و حاجات كدا ؟
ايطاليا فعلا فيها بطاله بس دي معلومه بمقاييس اوروبيه , انت لما تسافر تتعلم في احسن جامعات هناك و تخلص , و تتعلم لغه البلد ,
هتشتغل بكل سهوله بعد متتخرج , زي اي دوله الي بيأسس نفسه كويس بيشتغل , و الي بيقعد مستني مبيعملش حاجه. في اخر احصائيه
لجامعه روما سابينزا , 96 % من الخرييجين بيلاقو شغل في مجالهم في في اول 20 شهر بعد التخرج.
و كمان لو مشتغلتش و دراستك خلصت الدوله بتديك اقامه بحق البحث عن عمل مدتها سنتين و بتتجدد كل سنه , سنه وبعدين سنه , و مش هتلاقي
ناس كتير تعرف الاقامه دي اصلا لان الاغلبيه بيلاقو شغل علي طول.
اما بقي المافيا و الكلام دا دي مؤسسات قديمه جدا موجوده في كذا دوله زي روسيا و المانيا و شرق اوروبا و الصين و امريكا و و و ...
و كل تعاملاتهم مع الحكومه و الشركات الكبيره و ملهاش دعوه بالافراد , و تمركزها فقط في الجنوب , و مفيش اي حد من المدنيين اتضرر
منهم قبل كدا لان مصالحهم في البزنس الكبير, اما في الوسط و الشمال مفيش اي حاجه من دول و مفيش غير الهدوء و الاستقرار و الرخاء
و التطور , زي كل اوروبا.
-5 طيب ايه حكايه المنحه دي , و هصرف ازاي , و الشغل عباره عن ايه للطلبه؟
اولا : باختصار بسيييط جدا , المنحه دي هي مؤسسات بتنفذ قانون حق الدراسه, القانون دا يا سيدي بيقول ان ال دخله و املاكه بيساوو رقم
معين (رقم كبير باليورو) : ليه الحق في انه أولا يتعفي من المصروفات ثانيا ياخد مبلغ كل سنه , المبلغ دا بيتراوح من 4000 الي 6000
يورو سنويا , بيتاخد علي قسطين , يعني كدا منحتك هي الكاش الهتاخده + المصاريف ال مش هتدفعها , كمان في امتيازات تانيه كتير زي
سكن مخفض , مواصلات , اكل مخفض , انشطه , تمويل تبادل طلابي في اوروبا , منح للمتزوجين و المعاقين و هكذا .
المنحه مضمونه حقك فيها 100 % فقط لو ورقك مظبوت , لكن لازم تبقي فاهم كويس ان المؤسسه ال بتعمل كل دا هي مش الجامعه , و لكن
مؤسسه حكوميه اخري , و بيتم التقديم ع المنحه في الاخر خااالص لما تاخد الفيزا و تسافر و تنجح في امتحان القبول و تاخد رقم جامعي ,
يعني طول ما انت في مصر انت بتقدم اوراقك عادي زيك زي الي هيدرس في ايطاليا علي حسابه.
انت كطالب ليك حق العمل 20 ساعه في الاسبوع بحد ادني 8 يورو لكل ساعه. و كمان مش بتدفع ضرايب طول م انت طالب , بس علي
ارض الواقع لازم تكون بتتكلم ايطالي عشان تلاقي شغل(لغه البلد).
لو مش بتتكلم ايطالي ممكن تشتغل في حاجات تانيه زي جلوفو او خدمات التوصيل عامتا و حاجات تانيه كتير مش بتستلزم لغه ايطاليه.
-6 طيب اعمل ايه , ابدا ازاي , ايه المواعيد ؟
التفاصيل كتير جدا , و الاوراق كتير برضو , لكن كلها روتين , انما في شويه معلومات مهمه لازم تعرفها
أولا عشان تطلب فيزا الطالب يلزمك قبول جامعي بيتجاب من موقع الجامعه , و يلزمك شهاده اللغه ال قولنا عليهم فوق و ملهمش
ايييييييي بديل ولا حتي شهاده انك كنت بتدرس بالانجليزي .
و الشرط الاخير هو ان يكون عندك حساب بنكي , فيه بحد ادني 6000 يورو او ما يعادله بالمصري او اكتر , ويكونو في صوره اصول
غير ثابته يعني مش ودايع او سندات , و يكون المبلغ دا عمره في البنك 6 شهور او اكتر و يكون في تحويلات شهريه تثبت الدخل في حاله
انك هتقدم بحساب والدك و معاملات طبعا. و طبعا 6 شهور دول بيكونو من فبراير - اغسطس , التقديم ع الفيزا هو اخر خطوه بعد تحضير
كل الورق ,و بيكون تقريبا في شهر 8 , و السفر في 9
و مفيش سفر للتيرم الشتوي بالنسبه لطلبه البكالريوس و البكالريوس السفر مره واحده في السنه.
-7 ممكن اعمل كل حاجه وفي الاخر الفيزا تترفض ؟
اي فيزا بتصدر من دول الشنجن ممكن تترفض بالاخص للدول ال زي مصر عشان نسبه الرغبه في الهجره او كسر الفيزا عاليه جدا. بس
نسبه رفض فيزا الطالب قليله نسبيا لانهم طلبو طلبات معينه و انت عملتها كلها صحيحه و غير كدا انت معرفهم سبب سفرك . مش زي
السياحه بيكونو شاكين اكتر , يعني باختصار لو عملت ال عليك هتاخد الفيزا , بس غلطه واحده هتضيع المشوار كله(زي اي حاجه في
حياتنا).
-8 هل اقدر اسافر بدون حساب بنكي ؟ يعني انا عندي كل حاجه ماعدا الحساب البنكي , ولي قريب في ايطاليا معاه الجنسيه ؟
السفر بدون حساب بيتم فقط في حاله واحده انك اخدت منحه من وزاره الخارجيه الايطاليه او الاتحاد الاوروبي , و دا بيتم متابعته علي موقع
القنصليه و موقع ايراسموس (برنامج التبادل الطلابي الاوروبي). غير كدا السفر بدون حساب بنكي شبه مستحيل.
ولو ليك قريب معاه الجنسيه , القانون بيقول انه لو دخله اكتر من رقم معين يقدر يقدم ما يثبت انه هيتكفل بمصاريفك و ان دا بيحل محل
الحساب البنكي , انما للاسف علي ارض الواقع دا مبيحصلش و نسبه قبوله تقريبا صفر%.
-9 هل اقدر اسافر اتعلم اللغه في ايطاليا ؟ و دا ليه منح ؟
تقدر طبعا لكن مش هتاخد فيزا دراسه , و مش هيبقي امر جاد القنصليه تاخد بيه , و لو نفع هتاخد بس فيزا سياحه , مطلوب انك ترجع قبل
متخلص , و لو كسرت يوم واحد فيها يدون تقديم اعذار , هتاخد حظر 5 سنين من دخول منطقه الشنجن. يعني مش جايبه همها.
بخصوص منح دراسه اللغه نفس الشيء , هتتابع المواقع ال قولنا عليها فوق , و ممكن تلاقي منحه دراسه اللغه , بس غالبا بيكون عدد
المتقدمين عالي جدا . و يلزم وجود حد ادني من خبرات عمليه و دراسيه , و توافر لغه غير الايطاليه يعني انجليزي او فرنساوي او الماني
مثلا. او انك تكون خريج كليه درست فيها بالايطالي , و دا مسار مختلف تماما
-10 مده الدراسه هناك قد ايه؟
البكالريوس 3 سنين , و الماجستير سنتين .
انما في تخصصات معينه مفيهاش بكالريوس و فيها ماجستير علي طول زي الطب و الاسنان و الصيدله و القانون و البيطري و التربيه ,
6 سنين. - و دي بيكون مدتها من 5
-11 طيب و العنصريه ؟ و التامين الصحي؟
العنصريه في ايطاليا اقل ما يكون مقارنه باي دوله اوروبيه , و الشعب الايطالي شعب لطيف و خدوم جدا و شبهنا كمصريين.
التامين الصحي مترتب رقم 2 علي العالم من حيث التطور و مده الانتظار , و سعره في السنه 150 يورو شامل كل شيء و علي اعلي مستوي.
و سعره دا رخيص جدا , في المانيا مثلا سعره حوالي 100 + يورو شهريا , وفي الدول العربيه كمان سعره اغلي من كدا
-
12- طيب كل حاجه تمام بس انا دلوقتي بدرس في جامعه في مصر و في نص الطريق , المفروض استني اخلص و اسافر ماستر ولا اسافر دلوقني ؟؟
الاختيارين موجودين , مش بس كدا انت تقدر تجيب محتوي علمي و سجل مواد بالي درسته في الكام سنه ال درستهم في البكالريويس الغير مكتمل في مصر . و تمشي في اجراءات القبول و تسافر تمتحن امتحان القبول زي اي طالب , و بعدها مباشرته تطلب معادله المواد الي درستها , و ساعتها هتتشال من عليك كل المواد الي درستها قبل كدا , حصل ان في ناس كتير عملو معادله و قعدو في ايطاليا سنه او سنه و نص و خدو شهاده البكالريوس و بعدين دخلو ماجستير . و المعادله دي مشكلتها انها بتتعرف بعد الوصول مش و انت في مصر , و بيتم تقييمها حسب حاجات كتير من ضمنها تشابه المحتوي العلمي , رانك جامعتك القديمه , تقديرك , الخ.
13- طيب انا تقديري في البكالريوس وحش جدا و معتقدش هتقبل ماجستير , اعمل ايه؟
في الحاله دي بتقدم ماجستير و بكالريوس مع بعض (اه ينفع) , و لو متقبلتش ماجستير بتكمل تقديم بكالريوس , و تعمل المعادله زي الحاله الي في سؤال 12 , و ساعتها بيتبقالك كام ماده بحد ادني 60 كريدت الي هما سنه , و بعدها هتتخرج و تدرس ماستر عادي خالص.
ْcpy
