https://www.facebook.com/107166622143902/

Voyageologue

Home
Kenya
Nairobi
Voyageologue

من حومة الحفناوي إلى العالم From El-Hafnaoui to the world قناة اليوتيوب https://youtube.com/?si=qUB0lTnDTM1nehbk

25/08/2026

جسمك آلة فائقة الإتقان، إبداع في الخلق و التصوير، هدية ربانية ما كيفها هدية، حافظ عليها و اعتني بيها، كل شيء يتعوض الا نعمة الجسم السليم، الصحة تاج على رؤوس الأصحاء لا يعرف قيمته إلا من اتاه الله الحكمة و من أوتي الحكمة فقد أوتي خيرا كثيرا، ربي يديم علينا و عليكم نعمة الصحة
سافر بالتونسي و ديما يمشي

25/08/2026

الدرس الي ما تتعلموش في حتى مدرسة و معهد و جامعة و مراكز بحوث، تتعلموا في سويتو : يا تعيش ذليل خائف فارينة من النوع الرفيع للعنكوش تبوس في الايدين و الأكتاف او تعيش راجل بكرامتك حر كيف ما خلقك ربي حتى و ان كلفك الأمر حياتك، حياة الكرام او موت العظام، الشعوب إلي فيها برشا فارينة غير قابلة للتطور و التحرر و كيف ما قال الفيلسوف "ان امطرت السماء حرية ستجد أحباء الفارينة يحملون المضلات و نهاركم أسعد الأيام
سافر بالتونسي و ديما يمشي

25/08/2026

اش جاب آش جاب كسكروت سردينة عم بشير المهدية، لكسكروت الكوتا سويتو جوهانسبورغ
من خلال جولتنا في مدينة جوهانسبورغ العملاقة و حيها الأكثر شهرة "سويتو Soweto"، المرشد السياحي ختم الجولة بأحسن كسكروت في جنوب إفريقيا و هو "الكوتا Kota"، ربع خبزة فيه بطاطا مقلية و كعبة عظم مقلية و مربع فروماج، الناس تاكل و تتبنن و فما حتى شكون اجهش بالبكاء، نظر ولد الحفناوي إلى السماء و قال، اااه يا عم بشير كان ذاقوا كسكروت السردينة المهدوي، كسكروت عم بشير هو أكثر من كسكروت، هو حالة من الزهو و الشيخة و الإستمتاع إلي يعيشهم العين و الفم و خلايا التذوق حتى للمعدة، و تنتشر النشوة إلى كامل الجسم، كسكروت عم بشير هو مصدر مثبت علميا و طبيا لزيادة إفراز هرمونات السعادة، ليك وحشة يا عم بشير و المهدية 💙🤍 كلها.
سافر بالتونسي و ديما يمشي

23/08/2026

اللباس التقليدي لسكان مملكة ايسواتيني 🇸🇿 او "إيماهيا Emahiya" أسراره و خاصياته
سافر بالتونسي و ديما يمشي

23/08/2026

ملك الحفناوي الثالث في ضيافة ملك مملكة ايسواتيني 🇸🇿 مسواتي الثالث، و تباحث الزعيمان توطيد العلاقات الديبلوماسية بين المملكتين الصديقتين و سبل رفع التعاون بينهما، و في هذا الإطار استدعى ملك الحفناوي الثالث صديقه الملك مسواتي الثالث للقيام بزيارة صداقة إلى مملكة الحفناوي و فتح سفارتين و السلام عليكم ورحمة الله وبركاته
سافر بالتونسي و ديما يمشي

22/08/2026

صباح الفل على متابعي الصفحة الكل و شكرا على كم التفاعلات بخصوص مملكة ايسواتيني 🇸🇿، وصلوني برشا تساؤلات حولها و خاصة بخصوص الفيزا و كيفية الوصول و السكن و المصروف، الفيديو هذا فيه تفاصيل الرحلة بالطائرة و مكان السكنة.
ايسواتيني بالفيزا للتوانسة و أقرب سفارة في المملكة المغربية و لكن أحسن طريقة هي أنه الواحد يسافر إلى جنوب إفريقيا و يطلب التأشيرة من سفارة ايسواتيني في بريتوريا. لأنه ننصح أنه تكون زيارة مملكة ايسواتيني تكون مع رحلة جنوب إفريقيا.
الطائرة :
تونس جوهانسبورغ 2700 دينار و بعد تمشي من جوهانسبورغ إلى مباباني عاصمة مملكة ايسواتيني بالطائرة 600 دينار، او بالباص الكار تقريبا ستة ساعات 100 دينار الذهاب.
السكن :
عندك الهوستيل من 30 دولار ( 90 دينار ) على موقع hostelworld.com، إلى النزل حسب الدرجة و أحسنهم هو نزل الهيلتون Hilton و هذا الموقع https://www.hilton.com/en/hotels/qmngigi-hilton-garden-inn-mbabane/
سافر بالتونسي و ديما يمشي

21/08/2026

نعتذر من كل إلي تخلطت عليهم الأمور و خلطوا بين الصفحات، و بالتوفيق للجميع
سافر بالتونسي و ديما يمشي

21/08/2026

مملكة ايسواتيني 🇸🇿
مملكة العجائب و الغرائب
سافر بالتونسي و ديما يمشي

20/08/2026

مملكة ايسواتيني 🇸🇿
مساحتها 17300 كيلومتر مربع قد عشر تونس
سكانها 800 الف نسمة
دولة حبيسة بين إفريقيا الجنوبية و الموزمبيق
بالفيزا للتوانسة: فيزا في السفارة
الطائرة: 3500 دينار
السكن : على كل لون يا كريمة لكل الميزانيات و الأذواق و أحسن الأسوام تلقاها على موقع Hotels.com و Agoda
بلاد جميلة و نظيفة برشا
يعتمد اقتصادها على الزراعة : قطن و قصب السكر و العنب و الأرز و التبغ، أغلب الأراضي يملكها اوروبيين، و التعدين و المناجم
السياحة مازالت صغيرة و أغلب الزوار من جنوب إفريقيا
الملك : مسواتي الثالث عنده 16 زوجة
سافر بالتونسي و ديما يمشي

Address

Nairobi
Nairobi

Website

facebook.com

Alerts

Be the first to know and let us send you an email when Voyageologue posts news and promotions. Your email address will not be used for any other purpose, and you can unsubscribe at any time.