Oknha Dr. SIN Chanthy

01/09/2026

👏 តំបន់សេដ្ឋកិច្ចពិសេសថ្មីតម្លៃ ៣០០លានដុល្លារ បើកការដ្ឋានសាងសង់ជាផ្លូវការនៅខេត្តកំពង់ស្ពឺ
👉 កំពង់ស្ពឺ៖ ថ្ងៃទី៣១ ខែសីហា ឆ្នាំ២០២៦
----------------------------------------------------------
ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា 🇰🇭 អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបញ្ចុះបឋមសិលាបើកការដ្ឋានសាងសង់តំបន់សេដ្ឋកិច្ចពិសេស "ភ្នំពេញ ឡូជីស្ទីក អេន អ៊ិនដាសស្រ្ទៀល ខមផ្លេកស៍" (Cambodia SuperPort) ស្ថិតក្នុងភូមិសំពៅ សង្កាត់ច្បារមន ក្រុងច្បារមន ខេត្តកំពង់ស្ពឺ ។ 👏

27/08/2026

កិច្ចប្រជុំពិភាក្សារវាង សភាពាណិជ្ជកម្មកម្ពុជា និង ក្រសួងរ៉ែ និងថាមពល
(Joint discussion meeting between Cambodia Chamber of Commerce and Ministry of Mines and Energy)
——— ———
(រាជធានីភ្នំពេញ)៖ នៅព្រឹកថ្ងៃពុធ ទី២៦ ខែសីហា ឆ្នាំ២០២៦ វេលាម៉ោង ០៩:០០នាទី នៅអគារធនាគារវីង (Wing Tower) សភាពាណិជ្ជកម្មកម្ពុជា បានរៀបចំកិច្ចប្រជុំពិភាក្សារវាង សភាពាណិជ្ជកម្មកម្ពុជា និង ក្រសួងរ៉ែ និងថាមពល ក្រោមអធិបតីភាព ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាអនុប្រធានទី៣ នៃក្រុមប្រឹក្សាអភិវឌ្ឍន៍កម្ពុជា និង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) និងជាប្រធានក្រុមប្រឹក្សាពិគ្រោះយោបល់អាស៊ាន របស់កម្ពុជា (ASEAN BAC Cambodia)។

30/07/2026

នារសៀលថ្ងៃពុធ ទី២៩ ខែកក្កដា ឆ្នាំ២០២៦
--------------------------------
បាទ​ ! យេីង​ខ្ញុំ​ទាំង​អស់​គ្នា, តំណាង​ឲ្យ​​គ្រប់វិសយ័​ក្នុង​ SMEs បានចូលជួបសំដែង​ការគួរសម​រាយការណ៍​ និង​ សំណូម​ពរ​ និងផ្តល់ជាធាតុចូល​ដល់​ ឯកឧត្តម ស៊ុន ចាន់ថុល​ ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) 🇰🇭 ព្រមទាំង​ មន្ត្រី​អ្នក​មុខអ្នកការ​ ក្នុង​ CDC ដេីម្បី​កែទំរង់​,​ អភិវឌ្ឍន៍​ និង​ ពង្រឹង​ SMEs យេីង​អោយ​ទៅ​ជា​ ឆ្អឹង​ខ្នង​ សេដ្ឋកិច្ច​ របស់​ប្រទេស​ជាតិ​ពិតប្រាកដ ​ ៕ 🙏
--------------------------------

22/07/2026

កិច្ចប្រជុំក្រុមការងារផ្នែកដឹកជញ្ជូន និងហេដ្ឋារចនាសម្ព័ន្ធ (ក្រុម “ច”) នៃវេទិការាជរដ្ឋាភិបាល-ផ្នែកឯកជន

ទីស្តីការក្រសួង៖ នាព្រឹកថ្ងៃចន្ទ ទី២០ ខែកក្កដា ឆ្នាំ២០២៦ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងជាប្រធានក្រុមការងារផ្នែកដឹកជញ្ជូន និងហេដ្ឋារចនាសម្ព័ន្ធ (ក្រុម “ច”) និងឧកញ៉ា សូ ងួន ប្រធានក្រុមការងារផ្នែកដឹកជញ្ជូន និងហេដ្ឋារចនាសម្ព័ន្ធផ្នែកឯកជន បានអញ្ជើញជាសហប្រធានដឹកនាំកិច្ចប្រជុំក្រុមការងារផ្នែកដឹកជញ្ជូន និងហេដ្ឋារចនាសម្ព័ន្ធ (ក្រុម “ច”) នៃវេទិការាជរដ្ឋាភិបាល-ផ្នែកឯកជន ដោយមានការអញ្ជើញចូលរួមពី, ខ្ញុំ​បាទឧកញ៉ាបណ្ឌិត ស៊ិន ចន្ធី និង ឯកឧត្តម លោកជំទាវ ឧកញ៉ា លោក លោកស្រីថ្នាក់ដឹកនាំក្រសួង ស្ថាប័នពាក់ព័ន្ធ ព្រមទាំងតំណាងក្រុមហ៊ុនឯកជន និងសមាគមធុរកិច្ចជាតិ ដែលជាសមាជិក “ក្រុម ច” ជាច្រើនរូប។

កិច្ចប្រជុំនេះធ្វើឡើងដើម្បីពិនិត្យពិភាក្សាអំពីបញ្ហាប្រឈម និងសំណូមពរនានា ដែលបានលើកឡើងដោយវិស័យឯកជន តាមរយៈសភាពាណិជ្ជកម្មកម្ពុជា ព្រមទាំងស្វែងរកដំណោះស្រាយ ក្នុងការជួយសម្រួលដល់ការធ្វើធុរកិច្ច និងជំរុញលើកកម្ពស់សមត្ថភាពប្រកួតប្រជែងរបស់កម្ពុជា។

08/07/2026

កិច្ចប្រជុំក្រុមប្រឹក្សាជាតិភស្តុភារកម្ម លើកទី១១
The 11th Meeting of The National Logistics Council.
—————
(រាជធានីភ្នំពេញ) ៖ នៅព្រឹកថ្ងៃពុធ ទី០៨ ខែកក្កដា ឆ្នាំ២០២៦ វេលាម៉ោង ៩:០០នាទី នៅទីស្តីការក្រុមប្រឹក្សាអភិវឌ្ឍន៍កម្ពុជា, ខ្ញុំ​បាទឧកញ៉ាបណ្ឌិត ស៊ិន ចន្ធី និង អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) និងជាសមាជិកនៃគណៈកម្មការជាតិភស្តុភារកម្ម បានអញ្ជើញចូលរួមក្នុងកិច្ចប្រជុំក្រុមប្រឹក្សាជាតិភស្តុភារកម្ម លើកទី១១ ក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមប្រឹក្សាជាតិភស្តុភារកម្ម។
កិច្ចប្រជុំនេះក៏មានការចូលរួមផងដែរពីសំណាក់តំណាងក្រសួង ស្ថាប័ន​ តំណាងគ្រឹះស្ថានសមាគមឯកជន និងអ្នកពាក់ព័ន្ធដែលជាសមាជិកនៃក្រុមប្រឹក្សាជាតិ និងគណៈកម្មការជាតិភស្តុភារកម្មជាច្រើនទៀតផងដែរ។

30/06/2026

រាជធានីភ្នំពេញ
ថ្ងៃអង្គារ ទី៣០ ខែមិថុនា ឆ្នាំ២០២៦
--------------------------
ខ្ញុំ​បាទឧកញ៉ាបណ្ឌិត ស៊ិន ចន្ធី អនុប្រធាន FASMEC តំណាងឧកញ៉ា តែ តាំងប៉ ដែលជាប្រធាន FASMEC បានដឹកនាំសមាជិកក្រុមប្រឹក្សាភិបាលចូលរួម កិច្ចប្រជុំពិគ្រោះយោបល់គយជាមួយផ្នែកឯកជនលើសេចក្ដីព្រាងវិសោធនកម្មច្បាប់ស្ដីពីគយ ដែលដឹកនាំកិច្ចប្រជុំដោយ ឯកឧត្តម សែ សុឃន អគ្គនាយករងគយ និងរដ្ឋាករកម្ពុជា នៅសាលាជាតិគយ ​នៃអគ្គនាយកដ្ឋានគយ និងរដ្ឋាករកម្ពុជា ។

អគ្គនាយកដ្ឋានគយនិងរដ្ឋាករកម្ពុជា General Department of Customs and Excise
Federation of Associations for SMEs of Cambodia-𝙁𝘼𝙎𝙈𝙀𝘾

27/06/2026

រាជធានីភ្នំពេញ នា​ព្រឹក​ថ្ងៃ​សៅរ៍​ ទី​២៧​ ខែ​មិថុនា​ ឆ្នាំ​២០២៦​,​ ខ្ញុំ​បាទ​ ឧកញ៉ា​បណ្ឌិត​ ស៊ិន​ ចន្ធី​ បាន​ចូលរួម​កម្មវិធី​ដ៏​មហា​ប្រសើរ​ គឺ​កម្មវិធី​ “មហាគ្រួសារសហគ្រាសធុនតូច មធ្យម និងសិប្បកម្មកម្ពុជា ក្នុងឱកាសអបអរសាទរទិវាសហគ្រាសធុនមីក្រូ តូច និងមធ្យម”​ 🇰🇭​ ដែល​មាន​ការ​អញ្ជើញ​ចូលរួម​ដ៏ខ្ពង់ខ្ពស់​របស់​ សម្ដេច​បវរ​ធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​យើង​ ដែល​សម្ដេច​​បាន​ផ្ដល់​មហា​កិត្តិយស​បំផុត​ ដល់​យេីង​ខ្ញុំ​ទាំង​អស់​គ្នា…​! ❤️🙏

26/06/2026

🤝 ខ្ញុំ​បាទ​ ឧកញ៉ា​បណ្ឌិត​ ស៊ិន​ ចន្ធី​ បាន​ចូលរួម​សន្និសីទពាក់កណ្តាលឆ្នាំរបស់អាស៊ាន (AFFA) ឆ្នាំ២០២៦ ដែលកំពុង​ប្រព្រឹត្តិ​ធ្វើ​ឡើង​នៅ​សណ្ឋាគារ MARRIOTT នៅទីក្រុងបាតាម ប្រទេសឥណ្ឌូនេស៊ី 🇮🇩 ។ ដោយផ្តោតលើការរំខានដល់ខ្សែសង្វាក់ផ្គត់ផ្គង់ជាសកល ប្រសិទ្ធភាពភស្តុភារ និងការផ្លាស់ប្តូរឌីជីថល ដែលបានបម្រើជាវេទិកាក្នុងតំបន់ដ៏សំខាន់មួយដើម្បីជំរុញជំហររបស់ប្រទេសឥណ្ឌូនេស៊ីជាមជ្ឈមណ្ឌលភស្តុភារដ៏សំខាន់របស់អាស៊ាន។ វេទិកានេះដំណើរការពីថ្ងៃទី២៤-២៧ ខែមិថុនា ឆ្នាំ២០២៦ ហើយប្រមូលផ្តុំប្រតិបត្តិករក្នុងតំបន់ អ្នកកំណត់បទប្បញ្ញត្តិ និងអ្នកច្នៃប្រឌិតដើម្បីពិភាក្សាអំពីប្រធានបទឧស្សាហកម្មសំខាន់ៗ ។

19/06/2026

19/06/2026

🙏 ខ្ញុំ​បាទ​ ឧកញ៉ា​បណ្ឌិត​ ស៊ិន​ ចន្ធី​ បាន​ចូលរួម​អមដំណើរ​ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានដឹកនាំគណៈប្រតិភូជាន់ខ្ពស់ នៃព្រះរាជាណាចក្រកម្ពុជា 🇰🇭 ក្នុងឱកាសនៃការបំពេញបេសកកម្មគោះទ្វារទាក់ទាញនិងជំរុញវិនិយោគ នៅក្នុងសាធារណរដ្ឋកូរ៉េ 🇰🇷 ចាប់​ពី​ថ្ងៃ​​ ១៣ រហូត​ដល់​ ១៨​ ខែ មិថុនា​ ឆ្នាំ​ ២០២៦​,​ 🙏

Linehaul Express Cambodia Co., Ltd
Nankai Express Cambodia