Angkor transport and tour

Angkor transport and tour Private taxi tour/ Taxi service/ Transportation/ tour arrangements around Cambodia.

The #សារមន្ទីរសង្គ្រាមកម្ពុជា បង្កើតឡើងនៅឆ្នាំ២០១៥ ក្នុងគោលបំណងដើម្បីអភិរក្ស និងរម្លឹកដល់ការចងចាំនៃព្រឹត្តិការណ៍សង្...
23/08/2026

The
#សារមន្ទីរសង្គ្រាមកម្ពុជា បង្កើតឡើងនៅឆ្នាំ២០១៥ ក្នុងគោលបំណងដើម្បីអភិរក្ស និងរម្លឹកដល់ការចងចាំនៃព្រឹត្តិការណ៍សង្គ្រាមស៊ីវិលក្នុងប្រវត្តិសាស្ត្រកម្ពុជា(១៩៦៨-១៩៧៥)។ សង្គ្រាមមួយនេះគឺជាការប្រយុទ្ធគ្នារវាងកងកម្លាំងខ្មែរក្រហមប្រឆាំងនឹងរាជរដ្ឋាភិបាលកម្ពុជា (មុនឆ្នាំ១៩៧០) និងសាធារណរដ្ឋខ្មែរ (ក្រោយឆ្នាំ១៩៧០)។

សារមន្ទីរសង្គ្រាមកម្ពុជាមានការប្រមូលផ្តុំសព្វាវុធប្លែកៗ ពីតំបន់ដែលមានការប្រយុទ្ធគ្នា ដូចជាអន្លង់វែង សៀមរាប និងឧត្តរមានជ័យ។ អាវុធទាំងនោះត្រូវបាននាំចូលពី ប្រទេសចិន អាមេរិក និងសូវៀត ប៉ុន្តែភាគច្រើនជារបស់រុស្ស៊ី។ ហើយសព្វាវុធខ្លះក៏ធ្លាប់ត្រូវបានគេប្រើក្នុងអំឡុងពេលសង្គ្រាមលោកលើកទីពីរផងដែរ។

សព្វាវុធទាំងនេះត្រូវបានប្រមូលទិញក្នុងតម្លៃលើទីផ្សារដែកអេតចាយ ចន្លោះពី៣០០ ទៅ៤០០ដុល្លារ។ មិនត្រឹមតែការប្រមូលទិញក្នុងតម្លៃប្រកួតប្រជែងលើតម្លៃទីផ្សារប៉ុណ្ណោះទេ ប៉ុន្តែគ្រឿងចក្រភាគច្រើនមានទម្ងន់ធ្ងន់ ហើយវាពិបាកក្នុងការចូលទៅកាន់តំបន់ព្រៃក្រាស់ដើម្បីដករថក្រោះ កាំភ្លើង ដែលត្រូវចំណាយលើការដឹកជញ្ជូន និងប្រើកម្លាំងពលកម្មបុគ្គលិកច្រើន។ សព្វាវុធមួយចំនួនត្រូវបាននាំយកមកក្នុងសភាពដើម ខ្លះទៀតត្រូវបានជួសជុលឡើងវិញ។

សព្វាវុធដ៏ច្រើនសន្ធឹកសន្ធាប់ទាំងនោះមានដូចជា÷
#រថក្រោះរុស្ស៊ី (T-54 និង T-55) #យន្តហោះចម្បាំងប្រភេទ MiG-19 #ឧទ្ធម្ភាគចក្រ Mil Mi-8 #កាំភ្លើងធំ 85 មីលីម៉ែត្រ និង #កាំភ្លើងកងពល D-44 ។ មានរថយន្តជាច្រើនគ្រឿងដែលខូចខាតក្នុងសមរភូមិ កាំភ្លើង -47 និង #គ្រាប់មីន ជាច្រើនប្រភេទ។ ថែមទាំងមានឯកសណ្ឋាន ទង់ជាតិ និងរូបថតដ៏កម្រពីសម័យសង្គ្រាមដាក់តាំងបង្ហាញផងដែរ។

. #ប្រាសាទអង្គរវត្ត កសាងនៅដើមសតវត្សទី១២ រជ្ជកាលព្រះបាទ សូរ្យវរ្ម័នទី២ ដើម្បីឧទ្ទិសដល់ព្រហ្មញ្ញសាសនា លទ្ធិព្រះវិស្ណុ...
22/08/2026

.
#ប្រាសាទអង្គរវត្ត កសាងនៅដើមសតវត្សទី១២ រជ្ជកាលព្រះបាទ សូរ្យវរ្ម័នទី២ ដើម្បីឧទ្ទិសដល់ព្រហ្មញ្ញសាសនា លទ្ធិព្រះវិស្ណុ។ វាមានកម្ពស់៦៥ម៉ែត្រ មានសសរ ១៥៣២ដើម។ ការកសាងប្រើកម្លាំងមនុស្សប្រមាណ ៣សែននាក់ ប្រើដំរីប្រមាណ៦០០០ក្បាល ដើម្បីដឹកជញ្ជូនថ្មប្រមាណជា១០លានតោន ដោយប្រើពេលសាងសង់ប្រមាណជា២៨ឆ្នាំ។

អង្គរវត្តត្រូវបានរចនាឡើងតាមលំនាំនៃភ្នំព្រះសុមេរុ ដែលជា លំនៅឋានរបស់ពួកទេវ:ក្នុងជំនឿទេវកថាហិណ្ឌូ។ អង្គរវត្តមានរាងចតុកោណកែង ដែលមានកសិណទឹកព័ទ្ធជុំវិញ ទំហំ១៥០០ម៉ែត្រ × ១៣០០ម៉ែត្រ។

ប្រាសាទអង្គរវត្ត បែរមុខទៅទិសខាងលិច តំណាងឱ្យសេចក្ដីផុតទុក្ខ តាមដំណើរគោចរណ៍របស់ព្រះអាទិត្យ (រះពីទិសខាងកើត ហើយរលត់ទៅវិញនៅទិសខាងលិច ។

កំពូលប្រាំមានសណ្ឋានដូចផ្កាឈូកក្រពុំ តំណាងឱ្យបញ្ចក្ខន្ធទាំង៥។ "ក្ខន្ធ" គឺជា​បាតុភូតនៃញាណទាំង៥ របស់មនុស្ស ដែលជាមូលដ្ឋាននៃវិញ្ញាណ​ឱ្យដឹងអំពីខ្លួន​។

បញ្ចក្ខន្ធរួមមាន៖
#រូបក្ខន្ធ: គឺគ្រឿងក្រៅនិងក្នុងរបស់ខ្លួនប្រាណ រាប់ទាំងប្រដាប់វិញ្ញាណផង។ ក្រុមរូបនេះហៅថា រូបធម៌ វាមានលក្ខណៈផ្សេងៗគ្នា ខ្លះរឹង រាវ ក្តៅត្រជាក់ ល្ហើយ ខ្លះមើលឃើញ ខ្លះមើលមិនឃើញ។ ប៉ុន្តែវាមានលក្ខណៈរួមតែមួយ គឺជាធម្មជាតិកើតឡើង ហើយរលត់ទៅវិញ ដូចគ្នាគ្រប់រូបទាំងអស់ ។

#វេទនាខន្ធ: ជាការសោយអារម្មណ៍ដោយចិត្ត ៥យ៉ាងគឺ សុខវេទនា១ ទុក្ខវេទនា១ សោមនស្សវេទនា១ ទោមនស្សវេទនា១ និងអទុក្ខអសុខវេទនា១ ។

#សញ្ញាខន្ធ: ជាការចាំ ឬស្គាល់នូវអារម្មណ៍ថាជាអ្វី ដូចជាសម្លេងជួង ដើមឈើជាដើម បានដល់សញ្ញាដែលកើតជាមួយចិត្ត។

#សង្ខារក្ខន្ធ: ជាកិរិយារបស់ចិត្ត ដូចជាការគិត ការចង់ ការយល់ឃើញ ការសម្រេចចិត្ត ដែលធ្វើប្រតិកម្មបន្ទាប់ពីបានទទួលអារម្មណ៍ណាមួយ ឬជាក្រុមតាក់តែងអារម្មណ៍។

#វិញ្ញាណក្ខន្ធ: ជាការដឹងច្បាស់នូវអារម្មណ៍ បានដល់ចិត្ត។
តាមគម្ពីរនិកាយ: អ្វីដែលឲ្យគេដឹងអារម្មណ៍។
តាមគម្ពីរព្រះអភិធម្ម: ការដឹងតៗគ្នាជាខ្សែយ៉ាងរហ័ស។
តាមប្រភពមហាយានខ្លះ: ជាជើងទ្រនៃអ្វីៗដែលមាន។

វេទនា សញ្ញា សង្ខារ និងវិញ្ញាណ ជាខន្ធរបស់ចិត្ត ហៅថានាមធម៌(អរូបក្ខន្ធ)។ ដូច្នេះបញ្ចក្ខន្ធចែកជា២ផ្នែកគឺ នាម(អរូបក្ខន្ធ ៤) និងរូប(រូបក្ខន្ធ ១)។ នាម និងរូបអាស្រ័យដោយគ្នាទៅវិញទៅមកទើបស្ថិតស្ថេរបាន។

21/08/2026

The North gate of Angkor Thom Siem Reap Cambodia

#ក្លោងទ្វារអង្គរធំ_ខ្លោងទ្វារខាងជើង_ក្លោងទ្វារដីឆ្នាំងសម្រាប់ក្រុមបព្វជិតមកពីទីជិតឆ្ងាយដង្ហែរក្បួនព្យុហយាត្រាចូលមករាជធ...
21/08/2026


#ក្លោងទ្វារអង្គរធំ_ខ្លោងទ្វារខាងជើង_ក្លោងទ្វារដីឆ្នាំង
សម្រាប់ក្រុមបព្វជិតមកពីទីជិតឆ្ងាយដង្ហែរក្បួនព្យុហយាត្រាចូលមករាជធានី ដើម្បីគាល់ព្រះមហាក្សត្រ ក្នុងគោលបំណងសូម សេចក្តីព្រះរាជទានទោស ប្រោសប្រណីដល់អ្នកមានកំហុសបន្តិចបន្តួច ដែលកំពុងជាប់ឃុំឃាំងនៅក្នុងបរិវេណរាជធានី ដើម្បីនាំយកពួកគេទៅអប់រំសារជាថ្មីឡើងវិញ។

ប្រពៃណីបែបនេះនៅតែបន្តរហូតដល់បច្ចុប្បន្ន ដោយព្រះមហាក្សត្រនៅតែមានព្រះរាជសិទ្ធិស្នើសុំឱ្យរាជរដ្ឋាភិបាល និងតុលាការលើកលែងទោសចំពោះអ្នកមានទោសស្រាលធ្ងន់ ដែលជាប់ឃុំឃាំង ដើម្បីទទួលបាននូវការសម្រាលទោសជាបន្តបន្ទាប់ រហូតត្រូវបានគេដោះលែងឱ្យមានសេរីភាព អាស្រ័យទៅតាមប្រភេទនៃទោសកំហុសរបស់ពួកគេ។

ឈ្មោះ "ខ្លោងទ្វារដីឆ្នាំង" ហៅតាមអ្នកស្រុកសម័យក្រោយ ដោយសារនៅម្តុំបរិវេណខ្លោងទ្វារនេះសម្បូរទៅដោយដីឥដ្ឋសម្រាប់យកមកធ្វើជាឧបករណ៍ប្រើប្រាស់ប្រចាំថ្ងៃដូចជា ចាន ឆ្នាំង និងក្អមជាដើម។

























#ប្រាសាទបេងមាលា កសាងនៅដើមសតវត្សទី១២ រជ្ជកាលព្រះបាទសូរ្យវរ្ម័នទី២ ដើម្បីឧទ្ទិសដល់ព្រះវិស្ណុនៃព្រហ្មញ្ញសាសនា។ វាម...
20/08/2026


#ប្រាសាទបេងមាលា កសាងនៅដើមសតវត្សទី១២ រជ្ជកាលព្រះបាទសូរ្យវរ្ម័នទី២ ដើម្បីឧទ្ទិសដល់ព្រះវិស្ណុនៃព្រហ្មញ្ញសាសនា។ វាមានលក្ខណៈស្រដៀងនឹងប្រាសាទអង្គរវត្ត ដែលត្រូវបានកសាងដោយព្រះបាទសូរ្យវរ្ម័នទី២ដែរ។

បុរាណវិទូថា ប្រាសាទបេងមាលាជាប្លង់មេ ឬថាបុព្វបុរសខែ្មរ ចាប់កសាងប្រាសាទនេះមុនសិន នឹងឈានទៅកសាងប្រាសាទអង្គរវត្តដ៏ល្បីល្បាញដោយមើលតាមគំរូដើម។

ស្ថាបត្យករខែ្មរជំនាន់នោះ បានជីកកសិណទឹកនៅជុំវិញប្រាសាទដើម្បីយកអាចម៍ដីទៅចាក់គ្រឹះប្រាសាទការពារកុំឲ្យបាក់ស្រុត និងរក្សាទឹកសម្រាប់ប្រើប្រាស់។ កសិណទឹកទាំងនេះ ក៏ជានិមិត្តរូបនៃសមុទ្រទឹកដោះ និងជាទីកន្លែងរបស់ព្រះអាទិទេពក្នុងព្រហ្មញ្ញសាសនា។

#ប្រាសាទផ្ទី ស្ថិតនៅកណ្តាលបារាយណ៍ខាងកើតនៃប្រាសាទបេងមាលា។ នៅចំកណ្តាលប្រាសាទមានតម្កល់រូបព្រះពុទ្ធប្រក់នាគ សាងអំពីថ្មភក់ ដែលទំនងកសាងនៅពាក់កណ្តាលសតវត្សរ៍ទី១២ ឬចុងសតវត្សរ៍ទី១២ ក្នងរជ្ជកាលព្រះបាទជ័យវរ្ម័នទី៧។

#ប្រាសាទធម្មនន្ទ កសាងនៅសតវត្សទី១២ រជ្ជកាល #ព្រះបាទសូរ្យវរ្ម័នទី២។ ប្រាសាទនេះមានរាងតូចច្រឡឹង និងមានទម្រង់តួប៉មស្រដៀ...
14/08/2026


#ប្រាសាទធម្មនន្ទ កសាងនៅសតវត្សទី១២ រជ្ជកាល #ព្រះបាទសូរ្យវរ្ម័នទី២។ ប្រាសាទនេះមានរាងតូចច្រឡឹង និងមានទម្រង់តួប៉មស្រដៀងប្រាសាទអង្គរវត្ត។

ប្រាសាទនេះមានលក្ខណៈពិសេស ដោយសារមានការឆ្លាក់បង្ហាញពីជំនឿសាសនាចម្រុះនៅលើតួប្រាសាទតែមួយ រៀបរាប់ពីរឿងទេវកថានិកាយព្រះនរាយណ៍ និកាយព្រះឥសូរ និងព្រះពុទ្ធសាសនាផងដែរ។

#ប្រាសាទលលៃ កសាងនៅចុងសតវត្សទី៩ រជ្ជកាលព្រះបាទយសោវរ្ម័នទី១ (ដែលជាបុត្ររបស់ព្រះបាទឥន្រ្ទវរ្ម័នទី១) ដើម្បីឧទ្ទិសដល់ព្រ...
13/08/2026


#ប្រាសាទលលៃ កសាងនៅចុងសតវត្សទី៩ រជ្ជកាលព្រះបាទយសោវរ្ម័នទី១ (ដែលជាបុត្ររបស់ព្រះបាទឥន្រ្ទវរ្ម័នទី១) ដើម្បីឧទ្ទិសដល់ព្រះឥសូរ ជាអទិទេពនៃព្រហ្មញ្ញសាសនា និងដើម្បីឧទ្ទិសដល់ បុព្វការីជនរបស់ព្រះអង្គ (មាតាបិតាជីដូនជីតា)។

ប្រាសាទនេះស្ថិតនៅកណ្តាលបារាយណ៍ "ឥន្រ្ទតាដាក" ដែលមានបណ្តោយប្រវែង ៣៨០០ម៉ែត្រ និងទទឹង ៣០០ម៉ែត្រ នៅជិតព្រះវិហារវត្តលលៃ។ សិលាចារឹកបានឲ្យដឹងថា ទឹកនៅក្នុងបារាយណ៍នេះ គឺសំរាប់ការប្រើប្រាស់នៅទីក្រុងហរិហរាល័យ និងសំរាប់ធ្វើស្រែចំការនៅតំបន់នេះ។ បច្ចុប្បន្នបារាយណ៍នេះបានក្លាយទៅជាវាលស្រែវិញ ។

សិលាចារឹករបស់ប្រាសាទនេះ ក៏បានសរសេរលំអិតអំពីពេលវេលាល្អ ដែលគេដេញគន់គូរឡើងដើម្បីប្រារព្ធពិធីឆ្លងពេល ដែលព្រះបាទយសោវរ្ម័នទី១ កសាងប្រាសាទលលៃ ហើយជាពេលដែលព្រះអង្គចាប់ផ្តើមអនុវត្តគំរោងផ្លាស់រាជធានីពី "ហរិហរាល័យ" (តំបន់រលួសសព្វថៃ្ង) ទៅជា "យសោធរ" (តំបន់ឧទ្យានអង្គរសព្វថៃ្ង) ជាបណ្តើរៗ ។

ទោះបីជារូបចម្លាក់ភាគច្រើនត្រូវបានរលាយបាត់ និងត្រូវបំផ្លិចបំផ្លាញតែគេអាចសន្និដ្ឋានបានថា រចនាបទដ៏ល្អវិចិត្រនៃប្រាសាទនេះ ស្ថិតក្នុងទម្រង់សិល្បៈសម័យព្រះគោ ឬក្នុងយុគសម័យអាណាចក្រ ហរិហរាល័យ។

#ពើងតាខុ ឬ #ពើងថ្មជ្រួញ #ភ្នំគូលែន #សៀមរាបអង្គរ"ទេសភាព​ស្រស់ត្រកាល សម្រស់​ព្រៃ​ព្រឹក្សា​ខៀវស្រងាត់​ លម្អដោយផ្...
01/08/2026


#ពើងតាខុ ឬ #ពើងថ្មជ្រួញ #ភ្នំគូលែន #សៀមរាបអង្គរ
"ទេសភាព​ស្រស់ត្រកាល សម្រស់​ព្រៃ​ព្រឹក្សា​ខៀវស្រងាត់​ លម្អដោយផ្ទាំង​ថ្ម​ចោទធំ​ៗលយ​ចេញពី​ភ្នំ និង​ថ្ម​ជ្រួញ​យ៉ាង​ស្រស់ស្អាត។ ទីនេះជាទី​តាំង​ដែល​ប្រជាពលរដ្ឋ​រស់​នៅលើ​ភ្នំ​គូលែន តែងតែ​មក​យក​ឃ្មុំ ក្រោយមក​វាបានក្លាយជា​តំបន់​ទេសចរណ៍​ដ៏​ពេញនិយម​។"




31/07/2026



#ពើងត្បាល់ #ភ្នំគូលែន ជាទីតាំងដ៏ស្រស់ស្អាតគួរជាទីចាប់អារម្មណ៍ ដែលមានផ្ទាំងថ្មធម្មជាតិប្លែកៗ និងមានរូបចម្លាក់បុរាណជាច្រើននៅតាមគែមថ្មនៃជ្រោះធម្មជាតិ ដែលគេជឿថាវាជាអាងស្តុកទឹកក្នុងសម័យបុរាណ និងជាអស្រមតបធម៌របស់ពួកព្រាហ្មណ៍ឥសី នាសម័យនោះផងដែរ។

រូបចម្លាក់ប្លែកៗទាំងនោះមានដូចជា÷ #រូបព្រះវិស្ណុ ផ្ទុំលើនាគអានន្ទ និងព្រះនាងលក្ស្មីជាមហេសី #ចម្លាក់ព្រះសិវៈ និងព្រះនាងឧមា គង់នៅលើគោនន្ទិ ចម្លាក់ #ព្រះគណេស #ព្រះស្គន្ធ -ល-។

#ពើងត្បាល់ #ភ្នំគូលែន ជាទីតាំងដ៏ស្រស់ស្អាតគួរជាទីចាប់អារម្មណ៍ ដែលមានផ្ទាំងថ្មធម្មជាតិប្លែកៗ និងមានរូបចម្លាក់ប...
31/07/2026



#ពើងត្បាល់ #ភ្នំគូលែន ជាទីតាំងដ៏ស្រស់ស្អាតគួរជាទីចាប់អារម្មណ៍ ដែលមានផ្ទាំងថ្មធម្មជាតិប្លែកៗ និងមានរូបចម្លាក់បុរាណជាច្រើននៅតាមគែមថ្មនៃជ្រោះធម្មជាតិ ដែលគេជឿថាវាជាអាងស្តុកទឹកក្នុងសម័យបុរាណ និងជាអស្រមតបធម៌របស់ពួកព្រាហ្មណ៍ឥសី នាសម័យនោះផងដែរ។

រូបចម្លាក់ប្លែកៗទាំងនោះមានដូចជា÷ #រូបព្រះវិស្ណុ ផ្ទុំលើនាគអានន្ទ និងព្រះនាងលក្ស្មីជាមហេសី #ចម្លាក់ព្រះសិវៈ និងព្រះនាងឧមា គង់នៅលើគោនន្ទិ ចម្លាក់ #ព្រះគណេស #ព្រះស្គន្ធ -ល-។




Address

Svay Dangkum, Krong Siem Reap
Siem Reap
17000

Website

Alerts

Be the first to know and let us send you an email when Angkor transport and tour posts news and promotions. Your email address will not be used for any other purpose, and you can unsubscribe at any time.

Shortcuts

Share

Category