ТОО "Dar Rail"

ТОО "Dar Rail" Частный перевозчик грузов с собственным парком локомотивов

24/08/2026

Локомотив шаруашылығы мамандары жыл сайынғы кездесуде бас қосты

22 тамызда Астанада локомотив шаруашылығы мамандарының жыл сайынғы кездесуі өтті. Былтыр іс-шараны DAR Rail ұйымдастырса, биыл эстафетаны «TTT Сервис» компаниясы қабылдады.

Компаниямыздың атынан операциялық қызмет және пайдалану жөніндегі менеджер Дмитрий Бюрюков сөз сөйледі. Таныстырылым барысында локомотив шаруашылығында қазірдің өзінде қолданып жүрген шешімдерімізбен бөлісіп, салаға қатысты бірқатар мәселені ортаға салдық.

Қатысушылар локомотивтердегі тұрақты бейнебақылау жүйесі мен «Қызметкердің жеке кабинеті» мобильді қосымшасына ерекше қызығушылық танытты. Бейнекамералар 180 градусқа дейінгі аумақты қамтып, әр сапардың цифрлық бейнежазбасын сақтайды. Ал мобильді қосымша жол үстінде жұмыс істейтін қызметкерлерге жұмысқа, кадр мәселелеріне және компанияға қатысты қажетті ақпаратты смартфон арқылы алуға мүмкіндік береді.

Талқылауға «ҚТЖ – Жүк тасымалы» бас директоры Асан Ізтілеуұлы Үмбетов те қатысып, ұсынылған бастамалар, соның ішінде бейнежазбаларды алдағы уақытта пайдалану және қозғалыс қауіпсіздігіне цифрлық шешімдерді енгізу мүмкіндіктері жөнінде пікір білдірді.

Сонымен қатар электр энергияс

DAR Rail кәсіподағы 2026 жылдың бірінші жартыжылдығындағы жұмысын қорытындылады19 тамызда «DAR RAIL жергілікті кәсіподағ...
19/08/2026

DAR Rail кәсіподағы 2026 жылдың бірінші жартыжылдығындағы жұмысын қорытындылады

19 тамызда «DAR RAIL жергілікті кәсіподағы» ҚБ-ның жоспарлы конференциясы өтіп, 2026 жылдың бірінші жартыжылдығында атқарылған жұмыстар қорытындыланды. Жиында әлеуметтік қолдау, кәсіподақ бюджетінің орындалуы, ұжымдық шарт аясындағы жұмыстар және алдағы міндеттер қаралды.

Бүгінде кәсіподақ құрамында 376 қызметкер бар. «DAR RAIL жергілікті кәсіподағы» ҚБ 2022 жылғы 30 наурыздан бері жұмыс істейді. Негізгі міндеті – кәсіподақ мүшелерінің еңбек, кәсіби және әлеуметтік-экономикалық құқықтары мен мүдделерін қорғау, еңбек мәселелерін шешуге атсалысу және қызметкерлерге қолдау көрсету.

Бірінші жартыжылдықта кәсіподақтың жалпы жиналысы өткізіліп, 2026 жылға арналған жұмыс жоспары мен шығындар сметасы әзірленді. Қазір қосымша төлемдер мен жеңілдіктер қарастырылған 2026–2028 жылдарға арналған ұжымдық шарт қолданыста.

Сонымен бірге комитет мүшелеріне семинар өткізіліп, әлеуметтік қолдауды қажет ететін қызметкерлердің тізімі жасалды. Осы кезеңде Наурыз, 8 наурыз, Отан қорғаушылар күні, Дүниежүзілік еңбекті қорғау күніне арналған іс-шаралар, теміржолдың 120 жылдығына арналған футбол турнирі және басқа да ұжымдық шаралар ұйымдастырылды.

Қызметкерлер мен олардың отбасын қолдау жұмыстары да жалғасты. Павлодар мен Екібастұздағы кәсіподақ мүшелеріне бассейнге бару, Есіл мен Тобылда фитнес және спортпен шұғылдану мүмкіндігі қарастырылды. Балалардың жазғы лагерьге барып-қайтуына көлік ұйымдастырылып, Балаларды қорғау күніне орай мерекелік іс-шара өткізілді.

Бірінші жартыжылдықта 17 қызметкерге материалдық көмеккөрсетілді. Оның ішінде 8 қызметкерге бала дүниеге келуіне, 4 қызметкерге жақын адамынан айырылуына, 3 қызметкерге ауыр сырқатқа, тағы 2 қызметкерге некеге тұруына байланысты көмек берілді.

Жалпы, 2026 жылдың алғашқы алты айында кәсіподақтың әлеуметтік қолдау, ұйымдастыру жұмыстары, спорттық-сауықтыру бағдарламалары, балаларға, отбасыларға және ұжымға арналған іс-шараларына 13 003 686 теңге жұмсалды.

Конференцияда қызметкерлерден түскен сауалдар мен ұсыныстар да талқыланды. Алдағы жартыжылдықта кәсіподақ осы мәселелерді пысықтап, қызметкерлердің мүддесін қорғау мен әлеуметтік қолдау

19/08/2026

DAR Rail кәсіподағы бірінші жартыжылдықтағы жұмысын қорытындылады

19 тамызда «DAR RAIL жергілікті кәсіподағы» ҚБ-ның 2026 жылдың бірінші жартыжылдығындағы жұмыс қорытындысына арналған жоспарлы конференциясы өтті.

Жиында атқарылған жұмыстар туралы есеп беріліп, қызметкерлерді әлеуметтік қолдау, кәсіподақ бюджетінің орындалуы, ұжымдық шарт аясындағы жұмыстар және екінші жартыжылдыққа арналған міндеттер қаралды.

Қызметкерлерден түскен ұсыныстар мен сауалдарға да ерекше назар аударылды. Делегаттар оларды талқылап, әрі қарай пысықтау үшін кәсіподақ комитетіне жолдауға келісті.

«Сұрақтар аз болған жоқ, олардың бәрін ортаға салып, талқылауға мүмкіндік туды. Осындай ашықтық кәсіподақ жұмысын жетілдіруге және жұмыс берушімен өзара байланысты нығайтуға мүмкіндік береді», — деді кәсіподақ төрағасы Серік Тастыбайұлы Дүйсенов.

Кәсіподақтың бірінші жартыжылдықта атқарған жұмысының нәтижелері туралы келесі жарияланымда толығырақ айтамыз.

Бүгін, Абай күнінде, ұлы ақын әрі ойшылдың қазіргі таңда да мәнін жоғалтпаған ойларын еске аламыз.«Жол көрмек, жоба білм...
10/08/2026

Бүгін, Абай күнінде, ұлы ақын әрі ойшылдың қазіргі таңда да мәнін жоғалтпаған ойларын еске аламыз.

«Жол көрмек, жоба білмек, жиһан кезбек» деген Абай сөзін дүниетанымды кеңейтуге, жаңаны үйренуге, әлемді танып, пайдалы тәжірибені меңгеруге үндейтін ой деп түсінуге болады.

DAR Rail жұмысына да осы ұстаным жақын. Біз озық тәжірибені зерделеп, тиімдірек шешім іздеуге және үнемі дамуға мән береміз. Теміржол саласы өзгеріп келеді. Соған сай білімімізді, технологияларымызды және кәсіби тәсілдерімізді де жетілдіріп отыруымыз керек.

Абайдың осы сөзін күнделікті ісімізде ұстанып, жаңаны үйреніп, жақсы тәжірибені бойға сіңіріп, кәсіби шеберлігімізді шыңдайық. Әркім өз ісін жақсы атқарса, ортақ жұмыс та алға басады. Абай күні құтты болсын!

06/08/2026

DAR Rail «Көлік және логистика» салалық кеңесінің отырысына қатысты

5 тамыз күні Астанада Қазақстан Республикасы Ұлттық кәсіпкерлер палатасы «Атамекеннің» Астана қаласы кәсіпкерлер палатасы жанындағы «Көлік және логистика» салалық кеңесінің отырысы өтті. DAR Rail атынан жиынға компанияның бас директоры Азамат Шарсейітов пен бас талдаушы Мұрат Бекмағамбетов қатысты.

Отырыста жолаушылар тасымалын субсидиялау, автомобиль көлігімен жолаушылар мен багажды тасымалдау қағидаларын жетілдіру, сондай-ақ салалық кеңестің 2026 жылдың екінші жартыжылдығына арналған жұмыс жоспары талқыланды.

Жиын барысында Палата өкілдері теміржолшыларды кәсіби мерекесімен құттықтап, көлік саласының дамуына қосқан үлесі, кәсібилігі мен адал еңбегі үшін DAR Rail бас директоры Шарсейітов Азамат Қуанышбайұлына Алғыс хат табыстады.

Астана қаласының Кәсіпкерлер палатасына көрсеткен құрметі мен компаниямыздың жұмысына берген жоғары бағасы үшін алғысымызды білдіреміз

05/08/2026

3–4 тамыз күндері операциялық блок басшылығының өкілдері, Персоналды басқару қызметінің басшысы және DAR Rail жергілікті кәсіподағының төрағасы Павлодар өңіріндегі өндірістік бөлімшелерге жұмыс сапарымен барды.

Сапар барысында «Шығыс» кенішінің Фестивальная стансасындағы локомотивтерге техникалық қызмет көрсету пунктінің жұмысы тексерілді. Сондай-ақ Екібастұз және Павлодар стансаларында өндірістік кеңестер өткізіліп, ағымдағы жұмыстар мен күзгі комиссиялық тексеріске дайындық мәселелері қаралды. «Шығыс» кенішінің басшылығымен қысқы кезеңге дайындық барысы да талқыланды.

Сонымен қатар Екібастұз-1 және Екібастұз-3 стансаларындағы өндірістік нысандар, тұрмыстық жағдайлар және қызметкерлерге жасалған еңбек жағдайлары зерделенді.

Сонымен қатар, сапар аясында ұжымдармен кездесулер өтті. Екібастұз өндірістік учаскесінде машинист-нұсқаушы Николай Алексеевич Нижегородовты құрметті еңбек демалысына шығарып салып, компания мен кәсіподақ атынан естелік сыйлық табысталды. Айта кетейік, бұған дейін Теміржол көлігі қызметкерлері күніне орай ол Қазақстан Республикасы Көлік министрлігінің Құрмет грамотасымен марапатталған болатын.

Павлодар өңірлік бөлімшесінде «Өз ісінің шеб

03/08/2026

DAR RAIL-дың алты қызметкері шетелге жолдама ұтып алды

Мекемемізде қызметкерлер арасында дәстүрге айналған шетелге жолдама ұтысының биылғы жеңімпаздары анықталды. 2022 жылдан бері өткізіліп келе жатқан бұл бастама барлық өңірлік бөлімшелер мен орталық кеңсе қызметкерлерін біріктіріп келеді.

Биыл электронды кездейсоқ таңдау жүйесі арқылы алты жеңімпаз анықталды. Әр бөлімшеден бір қызметкер жолдама иеленді:

* Павлодар – Мұратхан Парасат, электровоз машинисінің көмекшісі;
* Екібастұз – Берік Рамазанұлы Әбетов, электровоз машинисінің көмекшісі;
* Тобыл – Надежда Кетибаева, аға консалт-диспетчер;
* Есіл – Ирина Щинова, консалт-диспетчер;
* Астана – Алексей Скорик, электровоз машинисі;
* Орталық кеңсе – Әділбек Сәрсенов, техникалық қолдау жөніндегі маман.

Өңірлердегі әріптестеріміз ұтыс ойынын тікелей эфирден тамашалап, жеңімпаздардың қуанышына бірден ортақ болды.

Әріптестерімізді шын жүректен құттықтаймыз! Демалыстарыңыз көңілді өтіп, жаңа әсерге бөленіп, жақсы көңіл күймен оралуларыңызға тілектеспіз.

31/07/2026

Әріптестеріміз Теміржол қызметкерлері күніне орай салалық марапаттарға ие болды

Бүгін DAR RAIL-де Қазақстан Республикасының Теміржол қызметкерлері күніне арналған салтанатты іс-шара өтті.

Іс-шараға Астанадағы орталық кеңсе, Алматы филиалы және өңірлік бөлімшелердің қызметкерлері қатысты. Өңірлердегі әріптестер онлайн форматта қосылды.

Ұжымды кәсіби мерекемен DAR RAIL бас директоры Азамат Қуанышбайұлы Шарсейітов, Бақылау кеңесінің мүшесі әрі Алматы филиалының басшысы Лариса Иосифовна Смирнова, «DAR Rail жергілікті кәсіподағы» қоғамдық бірлестігінің төрағасы Серік Тастыбайұлы Дүйсенов және өңірлік бөлімшелердің басшылары құттықтады.

Салтанатты рәсімде компанияның дамуына үлес қосып, жоғары нәтиже көрсеткен 30 қызметкер салалық және корпоративті марапаттарға ие болды.

Теміржолшылар күніне орай компания қызметкерлеріне барлығы 14 салалық марапат табысталды. Оның ішінде Қазақстан Республикасы Көлік министрлігінің Құрмет грамоталары мен Алғыс хаттары, сондай-ақ салалық қауымдастықтардың марапаттары бар.

Көлік министрлігінің Құрмет грамотасымен Александр Васильевич Мазур, Арман Байымбетов, Николай Нижегородов, Ильхам Галимов, Иван Ильдеряков және Арслан Джумашев марапатталды

25/07/2026

Шымкент қаласында «Өз ісінің шебері» байқауының ақтық кезеңі мәресіне жетті.

Байқауға «ҚТЖ – Жүк тасымалы» ЖШС, DAR Rail ЖШС және TTT Service ЖШС компанияларының машинистері мен машинист көмекшілері қатысты.

Екі күн бойы қатысушылар кәсіби таныстырылым, зияткерлік сайыс және тәжірибелік кезең бойынша сынға түсті. Байқау қорытындысында DAR Rail командасы алты жүлделі орынның төртеуін иеленіп, локомотив бригадаларының жоғары кәсіби даярлығын тағы бір мәрте дәлелдеді.

«Үздік машинист»
🥈 II орын — Константин Старов (DAR Rail)
🥉 III орын — Геннадий Березовский (DAR Rail)

«Үздік машинист көмекшісі»
🥈 II орын — Роман Лесников (DAR Rail)
🥉 III орын — Даниял Бықодаров (DAR Rail)

Жалпыкомандалық есепте бірінші орынды былтырғы чемпиондық атағын сақтап қалған TTT Service командасы иеленді.

Әріптестерімізді лайықты нәтижелерімен және жүлделі орындарымен құттықтаймыз! Жоғары кәсіби дайындықтары, жауапкершілігі мен еңбектері үшін алғыс білдіреміз. Алдағы уақытта да қауіпсіз еңбек, толағай табыс және жаңа жетістіктер тілейміз!

22/07/2026

Бүгін Шымкент қаласында үш теміржол компаниясының машинистері мен машинист көмекшілері арасындағы «Өз ісінің шебері» байқауының ақтық кезеңі басталды.

Алғашқы күні қатысушылар кәсіби таныстырылымдарын ұсынып, зияткерлік тапсырмаларды орындады. Таныстырылым кезеңінің қорытындысы бойынша біздің машинистер мен машинист көмекшілері барлық команданың арасынан үздік нәтиже көрсетті.

Әріптестеріміз өз сөздерінде еңбек жолы, жұмыста кездескен маңызды жағдайлар, локомотив бригадасына жүктелетін жауапкершілік және теміржол маманына қажет қасиеттер туралы баяндады.

Ертең локомотив бригадаларымыз байқауды жалғастырып, ВЛ80 электр локомотивінде тәжірибелік кезеңнен өтеді.

Әріптестерімізге жинақылық пен сәттілік тілейміз!

Address

Кошкарбаев 5/1, 6 этаж
Tselinograd
Z01G8Y2

Website

Alerts

Be the first to know and let us send you an email when ТОО "Dar Rail" posts news and promotions. Your email address will not be used for any other purpose, and you can unsubscribe at any time.

Shortcuts

Share

Category