17/07/2026
කතරගම පාද යාත්‍රා...
කදිර සුරිඳුන් නැමදීමට බැතිමතුන් යාපනයේ සිට කතරගමට පා ගමනින් පැමිනෙන පාදයාත්‍රාවට අපිත් ඔකඳින් එකතු වුණා...
ඔකඳ සිට කුඩා කැබිලිත්තට කිලෝමීටර් 21ක දුරක් පාගමනින් පැමිණ, කුඹුක්කන් ඔය අද්දර කුඩා කැඹිලිත්ත දේවාල භූමියේ පළමු රාත්‍රිය පහන් කරා.
ඉන්පසු කුඩා කැබිලිත්තේ සිට නවලඩි ලිං තුනට කිලෝමීටර් 16ක පාද චාරිකාවෙන් පැමිණ දෙවන රැය එහි පහන් කළේය...
තවත් කිලෝමීටර් 16කට ආසන්න දුරක් ඇවිද, තෙවන දින මැනික් ගඟ ඉවුරේ සුපුරුදු කුඹුක් සෙවනේ ගතකළේ සුපුරුදු සුමිතුරන් සමඟය. සෑම වරකම එහි තනන ලිඳ මෙවරත් බොහෝ දෙනාගේ පවස නිවීමටත් අවදානයටත් පාත්‍ර විය.
සිව්වෙනි දිනය වරහනේ නැවතීම අපගේ සැලසුම වුවත්, කල් වේලා තිබූ බැවින් කටගමුව පිවිසුමටම යන්න අප ගත් තීරණය ඊට පසු දින ගමනට බෙහෙවින් පහසු විය. (කිලෝමීටර් 16)
සමස්ත දුර කිලෝමීටර් 82ක පමණ දුරක් ගෙවා පස්වන දිනයේ කතරගමට ළඟාවනවිට උදෑනස 11ට ආසන්න වූ අතර, එලෙස අපගේ පාදයාත්‍රා ගමන අවසන් කරන ලදී...
