أم البحار للشحن - UAB Shipping

أم البحار للشحن - UAB Shipping خدمات شحن جوي وبحري من الصين والسعودية ودبي
نقدم حلول وخدمات متكاملة للتجارة والشحن منذ 1997

📢 إعلان وصول شحنة جديدةوصلت بحمد الله شحنة جديدة إلى مقر أم البحار للشحن في قاع الهامور، وجارٍ الآن تفريغ البضاعة وتجهيز...
23/08/2026

📢 إعلان وصول شحنة جديدة
وصلت بحمد الله شحنة جديدة إلى مقر أم البحار للشحن في قاع الهامور، وجارٍ الآن تفريغ البضاعة وتجهيزها للتسليم. 📦🌊
يرجى من أصحاب الشحنات التواصل معنا والاستعداد للاستلام.
أم البحار للشحن… نوصلولك حتى لقاع الهامور! 🚢💙💛

❗قبل ماتطلب من شي إن هذي نصايح تحميك من طلبية ممكن تكون خاسرة❗هلبة يفتحوا شي إن يعبوا السلة في نص ساعة وبعد ماتوصل البضا...
23/08/2026

❗قبل ماتطلب من شي إن هذي نصايح تحميك من طلبية ممكن تكون خاسرة❗
هلبة يفتحوا شي إن يعبوا السلة في نص ساعة وبعد ماتوصل البضاعة يلقوا ان المقاس مش مناسب أو القماش يختلف عن الصورة المشكلة في شي ان انه يعتبر شراء من موقع صيني وأنت في ليبيا ليه نظام مختلف من انك تشري من محل في السوق وخاصة في الملابس .. من يعرف النصايح هذي رح يحصل قطع ممتازة بأسعار مميزة باقل خطورة والي يجهلها يدفع حقها مرتين
في هذا المنشور هذا نشرحولك في خطوات عملية مرتّبة كيف تحصل تجربة شراء ممتعة بدون خسارة ان شاء الله
⬛شي إن مافيشي توصيل مباشر الى ليبيا ⬛
هذه أول نقطة لازم تكون واضحة لان شي إن منصة صينية تأسست عام 2008 ومقرها اليوم سنغافورة وتوصّل لعشرات الدول حول العالم لكن ليبيا مش منهم .. ويتم التوصيل الى ليبيا عن طريق شركات شحن من مدينة دبي
يعني تبي وسيط شراء وشحن زي شركتنا أم البحار للشحن .. شركة تشتريلك من الموقع بحسابها وبطاقتها في حال لو ماعندكش وسيلة الدفع او تقدر تشري بروحك وتستلم الطرد في مخازنها في دبي وتشحنلك بضاعتك الى ليبيا
⬛ تأكد أنك تتصفّح الموقع الحقيقي ⬛
قبل أي كلام عن المقاسات والأسعار وتفاصيل اختيار المنتجات . فيه عمليات نصب تصير عن طريق مواقع مزيفة
النصابين ينسخوا تصميم شي إن وشعاره وصور منتجاته بالكامل يعطوك انطباع كانك تتصفح في الموقع الاصلي واسم الرابط يكون قريب جدا من الاسم الأصلي زي حرف زايد أو شرطة أو كلمة زيادة .. بعدها يديروا إعلانات ممولة على فيسبوك وإنستغرام وتيك توك وبروابط ينشروها في المجموعات
طبعا لو صار وتعاملت مع مواقع زي هكي رح تتعرض للنصب اما ما يوصلك شي أو بيانات بطاقتك يخنبوها
من أشهر عمليات النصب «صندوق الغموض» رسالة تقولك ربحت صندوق منتجات مجانًا ولا يعطيك خصم كبير يستدرجك بيه بعدها يطلب بياناتك البنكية على اساس رسوم شحن رمزية فقط
دايما تاكد ان الموقع الرسمي هو (shein.com) فقط أي اختلاف في العنوان ولو بحرف واحد يعني موقع نصب على الأرجح وماتخشش في نهائيا من رابط وصلك عن طريق إعلان أو رسالة ديما افتح التطبيق الرسمي أو اكتب عنوان موقع بروحك
⬛ المقاس اغلب الخسارة تصير فيه ⬛
هذه فقرة مهمة هلبة واغلب المشاكل تتكرر فيها في شي إن مافيش جدول مقاسات موحّد المنتجات تجي من اكثر من مصانع وكل قطعة عندها جدول قياسات خاص بيها لهذا حرف المقاس على البطاقة S أو M أو L تقريبي ومش معناها المقاس نفسه من قطعة لثانية والقاعدة العامة أن مقاسات شي إن أصغر من المقاسات اللي متعارف عليها في سوقنا المحلي لأنها مبنية على القياس الصيني فاغلب الي يشروا ياخدوا بزيادة رقم على المقاس الي اختاره ومرات رقمين في القطع الضيقة والفساتين والجينز أما القطع الواسعة والقماش المطاطي اغلب الوقت ممكن تكون زي المقاس الموجود في صفحة المنتج

☝ الطريقة الصحيحة كيف تختار بالترتيب ☝
1️⃣خود مقاسك بروحك بشريط قياس زي الخاص بالخياطين: قيس تفاصيل جسمك على حسب القطع الي انت طالبها
2️⃣ افتح جدول المقاسات في صفحة المنتج نفسه ضروري مش جدول ثاني عام من الانترنت ويكون المقاس بالسنتيمتر
3️⃣ شوف لنوع القماش ممكن يكون ليكرا يعطي مرونة وراحة أكبر حتى لو كان جي صغير شوية كان القماش مش مطاطي وجي المقاس صغير يجي مزبوط وضيق بزيادة مش زي ليكرا
4️⃣ اقرأ تقييمات الناس الي شروا وشن مقاساتهم الي خدوها هذه أنفع ليك من تقييم النجوم
5️⃣ جرّب أداة اسمها Check My Size الموجودة في صفحة المنتج تقترح عليك المقاس بعد ما دخل الطول والوزن وشكل الجسم
⬛ اقرأ صفحة المنتج كشخص فاهم شن يبي مش متصفح عادي يشري بشكل عشوائي ⬛
صور الاستوديو مصمّمة انها تعطيك الرغبة انها تخليك تشري بدزن وعي ولكن المعلومة الي لازم تركز عليها في مكان ثاني هي:
🔹تركيبة القماش المكتوبة في التفاصيل: نسبة القطن والبوليستر وليكرا
🔹قسم Size & Fitونوع القَصّة: ضيّقة عادية فضفاضة
🔹صور الناس الي فعلا شرت مش صور العارضات .. القطعة الي ماتحصلش صور واقعية ليها اكثر نسبة تكون مش زي الواقع فيها مخاطرة حاول تحصل صورة من المورد وكون حريص اكثر
🔹الملاحظات المتكرّرة في التقييمات: اللون الحقيقي طول القطعة سماكة القماش جودة الخياطة .. لو تكرّرت ملاحظة واحدة من اكثر من شاري ممكن تكون مزبوطة على الأرجح
⬛ مش كل حاجة معروضة للبيع مفروض تشريها ⬛
هذه نقطة يتجنّبها أغلب من يسوق لشراء وشحن من موقع شي إن لكن من حقك كمشتري أنك تعرفها المنصة خضعت في السنوات الأخيرة لاختبارات ومراجعات مستقلة وكانت النتائج متفاوتة:
في تقرير لمنظمة غرينبيس ألمانيا نُشروه في نوفمبر 2025 تجاوزت 18 قطعة من أصل 56 قطعة ملابس تم اختبارها الحدود الأوروبية للمواد الكيميائية ومن بينها ملابس أطفال
اختبارات لاحقة أجراها معهد بريمن البيئي في يناير 2026 على 31 قطعة ولقوه التجاوزات في 25 منها
اختبار أوروبي لحماية المستهلك فحص 27 منتجًا من منتجات الأطفال على المنصة وماجتازش أي منها معايير المطابقة وشملت الملاحظات أجزاءً صغيرة قابلة للانفصال وفي فئة الشواحن الكهربائية 12 شاحن من أصل 27 مخاطر كهربائية جسيمة
هيئة الصحة الكندية سحبت من الأسواق معطف للأطفال الصغار فيه مادة رصاص يفوق الحد المسموح وسحبت أطقم بيجامات أطفال لمخالفتها متطلبات مقاومة الاشتعال
مش معناها كل الي في المنصة سيّئ فيه قطع ممتازة بأسعار لا تُقارَن لكن لازم تختار بوعي:
🛑 اغسل كل قطعة قبل ماتلبسها لأول مرة
🛑 خليك حذر في ملابس الأطفال والرضّع وخصوصًا ملابس النوم
🛑 تجنّب الشواحن والأجهزة الكهربائية من منصات الموضة السريعة
🛑 قلّل من الإكسسوارات المعدنية والبلاستيكية الرخيصة للأطفال
🛑 فضّل الأقمشة الطبيعية على الطبقات اللامعة والمقاومة للماء
⬛ السعر المعروض مش السعر النهائي ⬛
القطعة بخمسة دولار ماتوصلكش بخمسة دولار تزيدها:
🔹الشحن الدولي الى ليبيا
🔹عمولة الشراء
🔹فرق سعر الصرف
🔹الشحن مش بالكيلو ديما الوزن يكون بالوزن الحجمي
البطانية والمعطف والحذاء والحقيبة تشغل مساحة كبيرة في الطرد مقارنة بوزنها فتنحسب على أساس الحجم لهذا مرات تكون قطعة خفيفة تكلفك أكثر من قطعة اكثر في الوزن
اجمع بضاعتك في شحنة واحدة بدل شحنات متفرقة حسب شركة الشحن هل تقدم خدمة التجميع او لا
اسأل شركة الشحن قبل الطلب على التكلفة التقريبية للقطع الكبيرة في الحجم تحديدًا
⬛ قداش تقعد مش توصلك الطلبية ⬛
خطّط للوقت من البداية:
تجهيز الطلب داخل شي إن: من يوم إلى ثلاثة أيام عمل
الوصول إلى مستودع الشحن في دبي: مدة التوصيل تعتمد على المنطقة من ثلاث أيام الى اسبوع
الشحن إلى ليبيا والتخليص: حسب نوع الشحن جوي أو بحري وفي الغالب السداد يكون مسبق لسعر البضاعة كامل وتكلفة شحن عند الاستلام
وانتبه أن الطلب الواحد مرات يوصل على شحنات متقطعة لأن شي إن تشحن من مستودعات مختلفة حسب توفّر كل قطعة لذلك نسق مع شركة الشحن لو تقدم خدمة تجميع الشحنات
وفي مواسم الذروة زي الجمعة البيضاء وأعياد نهاية العام ومواسم التخفيضات الكبرى يزيد الضغط على الطلب وتتأخر الشحنات كان عندك طلبية لمناسبة محددة اطلبها قبلها بشهر على الأقل
⬛ الإرجاع مش متاح ليك عمليًا وانت في ليبيا ⬛
شي إن عندها سياسة إرجاع معقولة: مهلة تبدأ من تاريخ الاستلام وأول إرجاع من كل طلب يكون شحن مجاني بعدها تُخصم رسوم عن كل شحنة إرجاع إضافية وفيه أصناف مايشملهاش الارجاع أصلًا زي الملابس الداخلية وملابس السباحة بعد فتح الأختام ومستحضرات التجميل والإكسسوارات لكن هذه السياسة تمشي مع الي في بلاده توصله من شي إن طول
أما ليبيا عن طريق شركات شحن توصلك .. مش ترجعها ثاني إلى مستودع الشركة في دبي رح تكلّف ممكن أكثر من حق القطعة نفسها
الخلاصة: ماتشريش كان بتقول نجربها كان ماعجبتنيش نردها .. المهم الي تفكر فيه ان تختار صح من الاول ومايكونش اختيارك عشوائي خاصة لو بتطلب كمية كبيرة ابدأ بطلبية صغيرة تعرف منها المنتج
🟢 آخر نصيحة وأكثرها فائدة لحد جاد بيشري ويبدا تجارته من شي ان 🟢
ماتبداش بسلة من عشرين قطعة ابدأ بثلاث قطع من حاجات مختلفة قطعة علوية وقطعة سفلية وشي بسيط واطلبها بمقاسات محسوبة زي ماوضحنا
لما توصلك رح تعرف بالتجربة أي مقاس يناسب زبونك فعلًا في الواقع وشن الجودة وشن الي تتوقعه من المنتج بالسعر هذا وقداش وقت خديت مش وصلت لعندك لما تعرف الامور كلها وتكون متأكد عندها ابدا اطلب اكثر
🧠 خلاصة سريعة قبل كل طلبية 🧠
☝لازم تتأكد انك على الموقع الرسمي مش على رابط من إعلان من اي شخص مهما يكون مني
☝قيس جسمك وخود قياسات زبونك وقارنه بجدول في صفحة المنتج الي تبيه تحديدًا
☝اقرا تقييمات كلها وشوف صور حقيقة تقارن بيها
☝راجع تركيبة القماش وجودته
☝القطع كبيرة الحجم اسأل على تكلفة شحنها
☝لازم تعرف أن الإرجاع مش متاح ليك في ليبيا وتاخد قرار شراء نهائي محسوب صح
🤝في أم البحار نقدموا خدمات الشراء من منصة شي ان ونستقبلوا طلبات في مستودعنا ونشحنوها ليك الى ليبيا مباشرة 💪
للاستفسار والطلب .. اختار صح 👍 وابدأ اطلب وتواصل معانا نكونوا معاك 😎

شن الفرق بين التكلفة الثابتة والمتغيرة في الاستيراد والشراء من الخارج☝خلي نبسطوها😊لما تستورد بضاعة عندك نوعين من المصاري...
18/08/2026

شن الفرق بين التكلفة الثابتة والمتغيرة في الاستيراد والشراء من الخارج☝
خلي نبسطوها😊
لما تستورد بضاعة عندك نوعين من المصاريف:
مصاريف تدفعها تقريبًا مرة واحدة على الشحنة
ومصاريف تزيد كل ما زادت كمية البضاعة
مثلاً لنفترض أنت صاحب متجر وتبي تجيب منتج من الصين
شريت 100 قطعة من المنتج وسعر المنتج من المورد 2 دولار
لكن سعر المنتج مع الأسف مش هو التكلفة الحقيقية عليك
عندك بعض المصاريف زي:
🔹شحن داخلي في الصين
🔹مناولة
🔹شحن دولي
🔹رسوم وضرائب وجمارك
🔹نقل البضاعة إلى مخزن التسليم
🔹مصاريف تسويق المنتج
بعض المصاريف مرات تدفعها على الشحنة نفسها سواء كانت فيها 100 قطعة ولا 200 قطعة
مثال:
عندك 300 دولار مصاريف على الشحنة
كان استوردت 100 قطعة:
300 ÷ 100 = 3 دولارعلى كل قطعة
لكن لو استوردت 200 قطعة بنفس مصاريف الشحنة:
300 ÷ 200 = 1.5 دولار فقط على كل قطعة
ومن هني تبدأ الفكرة المهمة
كل ما وزعت مصاريف الشحنة على عدد أكبر من المنتجات تقدر تخفض بعض الحاجة من تكلفة القطعة عليك
لكن فيه مصاريف ثانية في حالة تزيد بضاعتك
إذا كان الشحن محسوب على الوزن أو الحجم كل مازدت أكثر تزيد تكلفة الشحن
نفس الشيء مرات مع الجمارك أو التأمين أو تكلفة شراء المنتجات نفسها
بكل بساطة
⬛ التكلفة الثابتة:
مصاريف مربوطة بالشحنة نفسها، مرات في بعض الاحيان ماتتغيرش لو زدت كمية بسيطة من البضاعة
⬛ التكلفة المتغيرة:
مصاريف تزيد كل ما زادت كمية البضاعة أو وزنها أو حجمها أو قيمتها
وهذا الموضوع مهم جدا لصاحب المتجر هو أن
سعر شراء المنتج من المورد مش هو تكلفة المنتج الفعلية
تشري منتج بـ10 دولار وتحساب أنك بتبيعه بـ13 دولارًا وتربح 3 دولارات
لكن بعد إضافة الشحن والتخليص والرسوم والنقل والتسويق تلقى أن المنتج كلفك فعليًا 12.5 دولار
يعني مكسبك مش 3 دولارات المكسب هو 50 سنت بس
لهذا قبل أن ما تحدد سعر البيع اسأل نفسك:
🟢بعد ما توصلني البضاعة كم كلفتني القطعة واصلة عندي فعليًا ؟؟؟🟢
هذه هي النقطة الي لازم كل تاجر او صاحب متجر يعرفها قبل ما يحسب الربح
مع تواصل معانا في أم البحار للشحن رح نوضحوا كل التفاصيل ليك وتكون مطمن وحاسبها صح من الصين الى ان تستلمها في ليبيا

شن الفرق بين الشحن بالحاوية الكاملة (FCL) والشحن بالتجميع (LCL) 🤔 هذا المنشور رح يعطيك فكرة على كل نظام بالتفصيل 😊المستو...
06/08/2026

شن الفرق بين الشحن بالحاوية الكاملة (FCL) والشحن بالتجميع (LCL) 🤔 هذا المنشور رح يعطيك فكرة على كل نظام بالتفصيل 😊
المستورد خاصة في بداية مشواره لما يشحن بضاعته بحري يسأل : هل نشحن بضاعتي في حاوية كاملة خاصة بيا؟ ولا نحجز مساحة داخل حاوية مشتركة مع مستوردين غيري؟ السؤال هذا هو القصة كلها ☝️ .. شن الفرق بينهم : الشحن بالحاوية الكاملة (FCL) ولا الشحن بالتجميع (LCL) وتوا رح نعطيك كل الفروقات مش تقدر تعرف كيف تشحن بضاعتك وتكون فاهم كيف النظام ماشي في الشحن البحري 🌊
⬛ شن معنى كل نظام منهم؟
🔹الشحن بالحاوية الكاملة (FCL - Full Container Load) يعني أن المستورد يأجر حاوية كاملة لبضاعته بروحه كان تعبت الحاوية بالكامل أو لا الحاوية مخصصة ليه من لحظة تحميلها في ميناء المنشأ حتى توصل لميناء الوصول ومايشاركه فيها أي شخص
🔹الشحن بالتجميع (LCL - Less than Container Load) يعني أن بضاعة المستورد ماتعبيش حاوية كاملة فيتم تجميعها مع بضاعة مستوردين غيره داخل حاوية واحدة مشتركة بينهم ويدفع كل مستورد حسب المساحة الي حجزها لبضاعته والتي تُحسب عادةً بالمتر المكعب (CBM)
⬛ طريقة حساب التكلفة
🔹الشحن بالحاوية الكاملة تدفع سعر ثابت للحاوية كاملة بغض النظر على ان عبيتها او لا سعر حاوية 20 قدم أو 40 قدم محدد وثابت حسب التسعيرة المعتمدة في يوم شحن
🔹الشحن بالتجميع تحسب التكلفة بناءً على الحجم الفعلي لبضاعتك بالمتر المكعب أو الوزن للأوزان الثقيلة
وهنا نقطة مهمة جدا : سعر المتر المكعب الواحد في الشحن بالتجميع أعلى نسبيًا من الحاوية الكاملة لذلك فيه نقطة تعادل تقريبيا لو تجاوز حجم بضاعتك حوالي 13 إلى 15 مترًا مكعب فغالب الحاوية الكاملة حاوية 20 قدمًا الخيار الأوفر اقتصاديًا حتى لو ماتعبتش كلها
⬛مدة الشحن وسرعة الوصول
🔹الحاوية الكاملة أسرع في الوصول عادة لأنها تتعبى وتطلع مباشرة من المورد وتنشحن بأقل إجراءات
🔹الشحن بالتجميع ياخد وقت أطول لعدة أسباب ضروري تستنى الحاوية بضاعة باقي المستوردين في مستودع التجميع بعدين عمليات الفرز والفصل لما توصل مش تتوزع البضائع على أصحابها هذه المراحل الإضافية مرات تزيد أيام أو أسبوعين على حسب مدة الرحلة الإجمالية
⬛مستوى الأمان ومخاطر التلف
🔹بضاعتك في الحاوية الكاملة معزولة على أي بضائع ثانية وتتصكر الحاوية بختم (Seal) وماتنفتحش إلا لما توصل أو في الفحص الجمركي هذا يقلل بشكل كبير من مخاطر التلف أو الفقدان أو الاختلاط
🔹في الشحن بالتجميع بضاعتك تمشي وتتحرك وتُفرَّغ أكثر من مرة وتكون مرات مع بضائعة متنوعة يكون منها وزنها ثقيل أو سوائل أو فيها رائحة نفاذة لذلك ترتفع نسبة احتمال الخدش أو الكسر أو التلف لهذا ضروري جدا جدا جدا تكون جودة التغليف عالية حماية للشحنة من أي شي ممكن يصير داخل الحاوية
⬛متطلبات التغليف
التغليف مهم في الحالتين لكن في الشحن بالتجميع ضروري جدا جدا جدا زي استعمال صناديق خشبية أو تغليف خشبي مقوّى للبضاعة القابلة للكسر وتثبيت البضاعة على منصات خشبية (Pallets) جودتها عالية مش تحميها من عمليات المناولة المتكررة ولكن في الحاوية الكاملة عادي تغليف جيد لأن البضاعة معزولة ورح تتعرض لمناولة اقل من التجميع
⬛الإجراءات الجمركية والتخليص
🔹في الحاوية الكاملة الحاوية تمر على إجراءات تخليص مستقلة وخاصة تعطي تحكم أكبر وسرعة في الإنجاز
🔹في الشحن بالتجميع الكل يتأثر حتى لو تأخر أحد المستوردين المشاركين في الحاوية فلو واجهت بضاعة واحد من المستوردين مشكلة في التخليص أو نقص في المستندات مرات تتأخر الحاوية بأكملها في بعض الحالات حتى تُحل المشكلة
⬛المرونة والحد الأدنى للشحن
🔹الحاوية الكاملة فتناسب الي عنده كميات كبيرة ومستقرة أو من يبي بضاعته تكون معزولة بشكل الكامل
🔹الشحن بالتجميع فيه ميزة هي انك تقدر تشحن كميات صغيرة جدًا تبدأ من متر مكعب واحد أو حتى أقل وهذه ميزة كويسة ومثالية للتجار المبتدئين وللعينات الغير مستعجلة او حد يختبر السوق بمنتج جديد
⬛التتبع وإدارة الشحنة
🔹في الحاوية الكاملة تتبع حاوية برقم واحد واضح من الميناء إلى الميناء وتكون الصورة قدامك كاملة
🔹في الشحن بالتجميع تتبع شحنتك ضمن حاوية مجمعة تعتمد على شركة الشحن أو وكيل التجميع هل يعطيك تحديثات الحالة او لا خاصة في مراحل التجميع والفرز
⬛شن تختار أي نظام؟
🔹اختار الحاوية الكاملة (FCL) كان كمية بضاعتك كبيرة تتجاوز 13-15 مترًا مكعبًا تقريبًا أو كانت بضاعتك حساسة وقيّمة وتبي عزل تام أو كنت تبي أسرع وقت وصول ممكن أو كانت طبيعة بضاعتك ماتتحملش تكون جنب بضاعة ثانية
🔹اختار الشحن بالتجميع (LCL) كان كميتك صغيرة مقارنة بتكلفة حاوية كاملة أو كنت كيف بادي رحلة التجارة وتختبر في السوق أو كنت تستورد عينات أو دفعات تجريبية أو كانت ميزانيتك محدودة وتفضل الدفع فقط مقابل المساحة التي تستخدمها
🟢الخلاصة🟢
مافيش نظام أفضل من الثاني بشكل مطلق لكن فيه نظام أنسب لحالتك أنت .. القاعدة الذهبية ☝️ : احسب حجم بضاعتك بالمتر المكعب قبل بعدين قارن التكلفة الإجمالية للخيارين مع وضع عامل الوقت وطبيعة البضاعة في الاعتبار
لو كنت غير متأكد من الخيار الأنسب لشحنتك تقدر تتواصل مع شركة شحن موثوقة زي شركتنا ( أم البحار للشحن ) وتوفر عليك هلبة وقت وفلوس وتضمن توصل بضاعتك بأفضل حال 😊
لو كنت تفكر تشحن بحري من الصين السعودية أو دبي؟ ⛴ تواصل معنا في أم البحار ونساعدوك في اختيار النظام الأنسب لبضاعتك وميزانيتك 🤝
✅أم البحار للشحن .. ريادة في الشحن ودقة في المسار✅

شن الفرق 🤔 بين 1688 وتاوباو وعلي بابا .. وشن أفضل منصة ليك وتمشي معاك 🙂دليل واضح ومفصل ( طويل شوية ديرله حفظ عندك تلقاه ...
05/08/2026

شن الفرق 🤔 بين 1688 وتاوباو وعلي بابا .. وشن أفضل منصة ليك وتمشي معاك 🙂
دليل واضح ومفصل ( طويل شوية ديرله حفظ عندك تلقاه قدام 😎 ) لكن رح يحطك في بداية الطريق كيف تشري من المنصات الصينية ويكون هو أول خطوة لمشروعك
لو كنت تفكر تبي تشري وتستورد من الصين أكيد سمعت بثلاثة أسماء تتكرر ديما : 1688 وتاوباو وعلي بابا
وهلبة ناس يحسابوا أنها مواقع زي بعضها أو نسخ مختلفة من بعضها لكن الحقيقة كل موقع ليه طبيعة مختلفة وجمهور مختلف وطريقة خاصة يخدم بيها
في المنشور هذا رح نعطوك مقارنة شاملة من جميع النواحي مش تعرف أي موقع يناسب احتياجك وكيف تتجنب الأخطاء المتكررة الي ممكن تصير مع المبتدئين في استعمال هذ المنصات وتبدأ صح
⬛️ ناخدوا نظرة عامة على المواقع الثلاثة
معلومة ممكن أول مرة تعرفها لكن المواقع الثلاثة تتبع شركة واحدة وهي مجموعة علي بابا (Alibaba Group) الي أسسها جاك ما عام 1999 لكن كل موقع لخدمة شريحة مختلفة من العملاء:
🟠 موقع علي بابا : منصة تجارة الجملة الدولية موجهة للمشترين من خارج الصين
🟠 موقع 1688 : منصة تجارة الجملة المحلية داخل الصين موجهة أساساً للتجار الصينيين
🟠 موقع تاوباو : منصة البيع بالتجزئة (قطاعي) للمستهلك الصيني أشبه بسوق إلكتروني زي أمازون للأفراد
⬛️ مقارنة التفصيلية بين الثلاثة منصات :
🔷 الجمهور المستهدف وطبيعة السوق
🔹علي بابا : من بدايته مخصص للتصدير خارج الصين هذا علاش واجهته باللغة الإنجليزية مع دعم لغات ثانية منها العربية والموردين متعودين على التعامل مع الأجانب ويوفروا في خدمات الشحن الدولي والتغليف للتصدير
🔹1688 : موجه للسوق الصيني الداخلي فقط وواجهته بالكامل باللغة الصينية والموردين فيه الغالب مايتكلموش بالإنجليزية ومافيش شحن خارج الصين مباشرة هذا الموقع هو المصدر الحقيقي الي يشري منه هلبة تجار بالجملة وحتى من الصينيين نفسهم
🔹تاوباو : موجه للمستهلك الفرد داخل الصين وفيه كل شيء تقريباً من الملابس والإكسسوارات إلى المنتجات النادرة والمصنوعة يدوياً لكن مش منصة جملة
🔷 الأسعار
🔹علي بابا : أغلى نسبياً لأن الموردين يضيفوا في هامش لتغطية تكاليف خدمة العملاء الأجانب والتغليف للتصدير والتسويق الدولي
🔹1688 : هو الأرخص لأن الأسعار فيه هي أسعار من المصنع وموجهة للتاجر الصيني المحلي من غير هوامش إضافية للتصدير الفرق في السعر بين 1688 وعلي بابا لنفس المنتج مرات يوصل الفرق إلى 30% أو أكثر
🔹تاوباو : أسعاره أسعار قطاعي أي أعلى من الجملة لكن يعتبر منافس كبير مقارنة بأسعار التجزئة خارج الصين وميزة فيه تقدر تشري بالقطعة
🔷 الحد الأدنى للطلب
🔹علي بابا : يشترط معظم الموردين حد أدنى للكمية مرات 50 أو 100 أو 500 قطعة حسب المنتج تقدر تتفاوض على عدد أقل
🔹1688 : الحد الأدنى أقل ويبدأ من قطعتين أو 10 قطع ويعتبر حاجة كويسة تبي تجرب بيه المنتجات قبل ماتطلب كميات كبيرة
🔹تاوباو: مافيش حد أدنى تشري قطعة واحدة كان تبي عادي
🔷 اللغة وسهولة الاستخدام
🔹علي بابا : الأسهل للمشتري العربي الموقع مترجم والتواصل مع الموردين ممكن بالإنجليزية ومرات حتى بالعربية
🔹1688 و تاوباو : باللغة الصينية فقط، ولازم تستخدم أدوات الترجمة الأهم أن التواصل مع الموردين والتفاوض يتم بالصينية وهنا تطلع الحاجة الحقيقية إلى وسيط شراء محترف زي شركتنا
🔷 طرق الدفع
🔹علي بابا : يقبل وسائل الدفع الدولية مثل البطاقات البنكية والتحويلات البنكية ونظام الدفع الآمن Trade Assurance
🔹1688 وتاوباو : يعتمدوا على وسائل دفع صينية محلية زي علي باي والحسابات البنكية الصينية وهي وسائل مايقدرش المشتري الأجنبي استخدامها مباشرة في أغلب الحالات لازم وجود وسيط عنده حسابات دفع صينية زي شركتنا أم البحار للشحن عندها كل وسائل الدفع في الصين
🔷الشحن
🔹علي بابا : الموردين يشحنوا دوليا بشكل مباشر أو تقدر ترتب مع وكيل الشحن من داخل الصين (أم البحار للشحن)
🔹1688 وتاوباو : الشحن داخل الصين فقط أي أن البضاعة توصل لعنوان صيني عادة مستودع وسيط الشراء (أم البحار للشحن ) يتولى الوسيط تجميع الطلبات وفحصها حسب طلبك وشحنها جوي ولا بحري
🔷جودة المنتجات وضمان الحقوق
🔹علي بابا : يوفر نظام Trade Assurance الي يحمي المشتري كان مافيش تطابق للبضاعة مع المواصفات أو تأخر الشحن وتقدر تتحقق من الموردين عبر علامات التوثيق زي Verified Supplier وGold Supplier
🔹1688 : الجودة متفاوتة لأن الموقع يضم المصانع الكبيرة والورش الصغيرة مع بعض ومافيش حماية موجهة للمشتري الأجنبي لذلك ضروري فحص البضاعة قبل الشحن (عبر الوسيط) خطوة أساسية لا غنى عنها مقابل رسوم اضافية
🔹تاوباو : فيه بائعين أفراد ومتاجر صغيرة والجودة تتراوح بين الممتاز والرديء ويُنصح دايما تشوف وتراجع تقييمات البائع وعدد المبيعات قبل الشراء
🔷التفاوض والتخصيص (OEM/ODM)
🔹علي بابا : الأنسب لمن يبي تصنيع منتج بعلامته التجارية الخاصة (Private Label) الموردين معتادين على طلبات التخصيص وطباعة الشعارات
🔹1688 التخصيص ممكن عادي وبأسعار أفضل لكن التفاوض يتم بالصينية ويحتاج خبرة في التعامل مع المصانع المحلية
🔹تاوباو : غير مخصص لهذا الغرض هو منصة بيع منتجات جاهزة للأفراد أو المستهلك الصيني مباشرة
⬛️ أي موقع يناسبك؟
🔹اختر علي بابا :
كنت مبتدئ في الاستيراد وتفضل التعامل بلغة تفهمها
تبي حماية رسمية لو قررت ان تدفع عبر المنصة
تخطط لتصنيع منتج بعلامتك التجارية الخاصة
🔹اختر 1688 :
تبي تحصل أفضل سعر ممكن (سعر المصنع الحقيقي)
تبي كميات مرنة تبدأ من قطع قليلة لاختبار السوق
عندك وسيط شراء موثوق زي أم البحار للشحن يتولى التواصل والدفع والشحن.
🔹اختر تاوباو :
تبي منتجات فردية أو نادرة أو بكميات صغيرة جداً
تشكيلة واسعة من المنتجات الاستهلاكية بأسعار منافسة
🟢 أفضل الصفقات غالباً تكون على 1688 لكن الاستفادة تبي من يفهم اللغة الصينية وعنده وسائل الدفع المحلية وعنواناً داخل الصين وخبرة في فحص البضائع والتعامل مع المصانع (أم البحار للشحن)
في شركة أم البحار ☝ نوفر لك كل كل الخدمات للشراء من المواقع الثلاثة دون أي تعب:
وسيط شراء معتمد : نتواصل مع الموردين بالصينية ونتفاوض على الأسعار نيابة عنك في كميات الجملة 💪
الدفع : نوفر خدمة الدفع عبر Alipay والحسابات الصينية المحلية مباشرة 💱
الفحص والتجميع : نستلم بضاعتك في مستودعاتنا بالصين ونفحصها ونجمعها قبل الشحن حسب الطلب 📦
الشحن الجوي والبحري : نقدموا في خدمات الشحن من الصين إلى ليبيا باحترافية عالية ✈ ⛴
لو قررت تبدأ رحلة تجارتك من الصين 😎 أم البحار رح تكون أفضل رفيق ليك 🤝 تواصل معنا اليوم عبر صفحتنا ونكونوا معاك في كل تفاصيل الاستيراد من الصين من لحظة الطلب حتى استلام بضاعتك
✅أم البحار للشحن .. ريادة في الشحن ودقة في المسار✅

"علاش شحنتي تأخرت؟" ⏳ سؤال يتكرر ديما والإجابة مرات تفاجئكقبل اللوم على شركات الشحن على أي تأخير، خلونا نفهموا أولاً الر...
03/08/2026

"علاش شحنتي تأخرت؟" ⏳ سؤال يتكرر ديما والإجابة مرات تفاجئك
قبل اللوم على شركات الشحن على أي تأخير، خلونا نفهموا أولاً الرحلة الحقيقية الي تقطعها الشحنة 📦
ماشي في بال البعض أن شركات الشحن تتحكم بالكامل في موعد وصول الشحنة، أو أنها تقدر تسرع من رحلة شحن كيف ماتبي. لكن الواقع مختلف تماماً
الشحنة من لما تطلع من المورد تخطم على سلسلة كاملة من الجهات والمراحل:
🔹 المورد وتجهيز البضاعة بصورة النهائية للشحن
🔹 شركات النقل الداخلي بعد الاستلام من الموردين
🔹الاستلام وفرز الشحنات داخل مخازن شركات الشحن
🔹 الموانئ أو المطارات وتجهيزها للرحلة
🔹 الجمارك وإجراءات التفتيش على اي مخالفات
🔹 خطوط الملاحة أو شركات الطيران واستكمال اجراءات الشحن
🔹 وأحياناً الظروف الجوية والازدحام التشغيلي خاصة في مواسم المناسبات
🔴 أي تأخير في مرحلة واحدة فقط من المراحل هذي ينعكس مباشرة على موعد الوصول النهائي 🔴
☝ والحقيقة الأهم:
التأخير مش في مصلحة شركات الشحن أبداً لما تقعد الشحنات في المستودعات والموانئ يعني تكاليف تشغيلية إضافية واستهلاك لمساحات التخزين وتعطيل لاستقبال شحنات جديدة وضغط أكبر على فرق العمل وخدمة العملاء
🟢 بمعنى آخر: كل يوم تأخير يكلف شركات الشحن قبل أن يكلّف العملاء 🟢
لهذا شركات الشحن تحاول باستمرار تسريع الإجراءات ومتابعة الشحنات مع جميع الأطراف قدر الامكان لكن في بعض العوامل خارج سيطرة أي شركة مهما كانت خبرتها في الشحن
👌 التخطيط المبكر للشحن يقلل بشكل كبير من التأخير مثلا مواسم الازدحام التشغيلي معروفة ومتكررة زي فترة ما قبل رأس السنة الصينية وموسم رمضان والأعياد ونهاية العام في هذه الفترات يكون في ضغط على الموانئ والمطارات وترتفع الأسعار وتطول مدة الشحن على جميع شركات الشحن دون استثناء
📩 تخطط لشحنة جديدة؟ راسلنا طول في أم البحار للشحن مش نساعدوك في اختيار التوقيت الأنسب قبل مواسم الازدحام 😎

❓ سؤال يتكرر ديما: شن هو وكيل الشراء؟ وعلاش تستحقه لوكنت تقدر تشري من الانترنت بروحك؟وكيل الشراء شخص أو جهة تتصرف نيابة ...
30/07/2026

❓ سؤال يتكرر ديما: شن هو وكيل الشراء؟ وعلاش تستحقه لوكنت تقدر تشري من الانترنت بروحك؟
وكيل الشراء شخص أو جهة تتصرف نيابة عليك لما تبي توريد أ وتشري المنتجات من الأسواق الخارجية ودوره مهم جدا في التجارة الدولية خاصة لما تواجه تحديات زي حاجز اللغة أو عدم المعرفة بالسوق
يقدر يوفرلك وكيل الشراء خدمات زي:
🔹 بحث على مصنع أو مورد مناسب ليك ويتحقق من موثوقيته
🔹 التفاوض على السعر بلغة السوق ووخبرة في معرفة الأسعار الحقيقية
🔹 فحص جودة البضاعة قبل الشحن، مش بعد ماتوصلك
🔹 متابعة الطلب خطوة بخطوة الى ان تستلم البضاعة عندك
⚠️الشراء المباشر عبر المواقع من غير وكيل شراء موثوق، تكون نتيجته: بضاعة مختلفة عن الصور، أو جودة أقل من المتفق عليه، أو مورد يختفي بعد الدفع 😡
وكيل الشراء يحوّل الشراء من مغامرة عالية المخاطر إلى صفقة مدروسة صح ☝
وهذا بالضبط الي نقدموا فيه ليكم في أم البحار للشحن: خدمة وكيل شراء متكاملة من الأسواق الصينية، من البحث عن المورد وحتى وصول بضاعتك إلى ليبيا 💪
تواصل معانا الان وخلي أم البحار هي وكيلك في الصين 😎

📚 قبل ما تطلب كمية كبيرة... لازم تطلب عينة في الاول!هلبة تجار يعجبهم منتج في الصور، يطلبوا كمية كبيرة على طول ... بعدها ...
29/07/2026

📚 قبل ما تطلب كمية كبيرة... لازم تطلب عينة في الاول!

هلبة تجار يعجبهم منتج في الصور، يطلبوا كمية كبيرة على طول ... بعدها يكتشفوا أن الجودة على الواقع مش زي في الصورة! 😔

كيف تتجنب هذا الغلط؟

✅ اطلب من المورّد عينة قبل أي طلبية كبيرة
✅ حدد مواصفات العينة بدقة (الخامة، اللون، المقاس، التغليف)
✅ افحص العينة كويس لما توصل وتأكد انها مطابقة للمواصفات او فيها شي مختلف
✅ قارن جودة العينة من كل النواحي بالسعر المطلوب
✅ إذا كانت مطابقة زي ما انت طلبتها، بعدها تقدر تطلب طلبية الكبيرة

⚠️ تنبيه مهم: أي مورّد يقولك مانبعتش في عينة أو يماطل ، شوف مورد ثاني غيره!

أو تقدر من غير اي تعب 😎 تواصل مع أم البحار

🚢نساعدوك في التواصل مع الموردين الموثوقين في الصين، ومتابعة إجراءات العينة والشحن خطوة بخطوة، حتى تشتري بثقة وأمان.

📩 تواصل معنا الآن لمعرفة كيف نساعدك في رحلتك التجارية من الصين إلى ليبيا.

#تجارة

من دبي تبدأ رحلة شحنتك معانا وجهتها عبر البحر 🌊📦نوفر لك خدمة شحن بحري متكاملة بمتابعة دقيقة وتنظيم احترافي 🚢حلول مرنة لي...
27/07/2026

من دبي تبدأ رحلة شحنتك معانا وجهتها عبر البحر 🌊📦
نوفر لك خدمة شحن بحري متكاملة بمتابعة دقيقة وتنظيم احترافي 🚢
حلول مرنة ليك تناسب مختلف أنواع وأحجام الشحنات التجارية 📋✅
مع أم البحار… الشحن ثقة من الانطلاق حتى الوصول 🤝

من Alibaba و1688 وTaobao… يصبح طريق الشراء من الصين أكثر وضوحًا. 🧭🇨🇳نتولى عنك التواصل مع الموردين، تنفيذ عمليات الشراء، ...
26/07/2026

من Alibaba و1688 وTaobao… يصبح طريق الشراء من الصين أكثر وضوحًا. 🧭🇨🇳
نتولى عنك التواصل مع الموردين، تنفيذ عمليات الشراء، وسداد قيمة الطلبات بأمان. 💬🛒💳
ونتابع تفاصيل الشحن حتى تتحول مشترياتك من مجرد طلب إلكتروني إلى شحنة تصل إليك بثقة. 📦🚢✅
مع أم البحار… منصات متعددة، وخدمة واحدة تدير لك الرحلة كاملة. 🌐🤝

Address

طريق 11 يونيو بالقرب من مصحة المجد
Tripoli

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when أم البحار للشحن - UAB Shipping posts news and promotions. Your email address will not be used for any other purpose, and you can unsubscribe at any time.

Shortcuts

Share

Category