29/07/2026
Një ditë e mbushur me histori, mësime dhe emocione në Medinen e Ndriçuar
Sot grupi ynë vazhdoi vizitat në vendet më të rëndësishme historike të Medines, duke përjetuar nga afër ngjarje që kanë lënë gjurmë të pashlyeshme në historinë e Islamit.
Vizituam:
• Malin e Uhudit, ku kujtuam sakrificën e sahabëve dhe mësimet e betejës së Uhudit.
• Xhaminë Kibletejn, vendi ku me urdhër të Allahut u ndryshua kibla nga Kudsi drejt Qabes.
• Plantacionet e hurmave, ku u njohëm me llojet dhe vlerat e tyre.
• Bunarin e Selman el-Farisiut (r.a.), një vend që lidhet me jetën dhe veprën e këtij sahabiu të madh.
• Shtatë Mesxhidet, pranë vendit ku u zhvillua Lufta e Hendekut (Ahzab), duke rikujtuar durimin, unitetin dhe mbështetjen në Allahun që sollën fitoren e besimtarëve.
Çdo ndalesë ishte një mundësi për të mësuar më shumë rreth jetës së të Dërguarit ﷺ dhe sahabëve të tij, duke e bërë këtë udhëtim jo vetëm një vizitë, por edhe një përjetim të thellë shpirtëror.
Lusim Allahun e Madhëruar t’i pranojë ibadetet dhe lutjet e të gjithë pjesëmarrësve dhe t’i kthejë në familjet e tyre me zemra të mbushura me iman, qetësi dhe bereqet.
