19/06/2020
Delivery စနစ်ကို စီမံခန့်ခွဲနိုင်မည့် နည်းလမ်း (4) ချက်
စီးပွားရေးလုပ်ငန်းတိုင်း မိမိတို့လုပ်ငန်းကို ရေရှည်အောင်မြင်ချင်တယ်ဆိုရင် ဖောက်သည်အသစ်တွေရှာဖို့လိုသလို ရှိပြီးသားဖောက်သည်တွေကိုလည်း ကိုယ့်ဆီမှာမြဲနေအောင်ဆွဲဆောင်ထားဖို့လိုတယ်။ အခုလို Covid 19 ကာလအတွင်းမှာ စီးပွားရေးလုပ်ငန်းတွေအပြိုင်အဆိုင်များလာတာနဲ့အမျှ Delivery စနစ်ကလည်း အရေးပါလာတယ်။ ဒီနေ့မှာတော့ Delivery စနစ်ကို စီမံခန့်ခွဲရာမှာ အရေးကြီးတဲ့အချက်(4) ချက်ကို ဝေမျှပေးလိုက်ပါတယ်ခင်ဗျာ။
(1)ယုံကြည်မှုတည်ဆောက်ပါ။
ကိုယ့်ဆီမှာ ရှိတဲ့ပစ္စည်း တွေကို Customerတွေဆီရောက်အောင်ပို့ပေးနိုင်ဖို့ ပြင်ဆင်ထားရပါမယ်။အမြဲတမ်းရောင်းနေကျ ပမာဏ (Safety stock) ဘယ်လောက်ထားမလဲ ကိုယ့်ဆီမှာ ဘယ်ကုန်ပစ္စည်းတွေကတော့ အရောင်းသွက်နေလဲ ဆိုတာတွေကို စစ်ဆေးပြီး customer တစ်ယောက် order မှာလိုက်တာနဲ့ ready to process ဖြစ်အောင် ပြင်ဆင်ထားနိုင်မှ ကိုယ့်ဖောက်သည်တွေရဲ့ trust bond ဆိုတဲ့ယုံကြည်မှုရရှိလာမှာဖြစ်ပါတယ်။
(2)Customer လိုအပ်ချက်ကိုဦးစားပေးပါ။
ကိုယ့်ပစ္စည်းကို customer လိုချင်တဲ့အချိန် လိုချင်တဲ့နေရာရောက်အောင် ဖြည့်ဆည်းပေးနိုင်ဖို့ နည်းလမ်းမျိုးစုံနဲ့ဆောင်ရွက်ပေးရမယ်။ ဒါမှ ကိုယ့် customer တွေတခြားပြိုင်ဘက်ဆီပါမသွားမှာဖြစ်ပါတယ်။
(3)စိတ်ချယုံကြည်ရတဲ့ Delivery Service လုပ်ငန်းနဲ့လက်တွဲပါ။
ပစ္စည်းတွေ ပို့တဲ့အခါမှာလည်း ပျက်စီးဆုံးရှုံးမှုမဖြစ်အောင် အထူးဂရုစိုက်ရမယ်။ မတော်တဆ ဖြစ်ပွားခဲ့ရင်လည်း ဘယ်လိုမျိုး တာဝန်ယူဆောင်ရွက်ပေးရမလဲဆိုတာကို စဉ်းစားထားရမယ်။ ဒါကြောင့် Delivery စနစ်ကို စီမံခန့်ခွဲတဲ့နေရာမှာ ကိုယ်နဲ့အကျိုးတူဆောင်ရွက်မယ့်Delivery service လုပ်ငန်းကို သေချာရွေးချယ်မှသာ customer satisfaction ကိုဖန်တီးပေးနိုင်မှာဖြစ်ပါတယ်။
(4)Return policy လုပ်ပေးပါ။
ကိုယ့်လုပ်ငန်းကို customer မြဲစေချင်တယ်ဆိုရင် သူတို့မှာထားတဲ့ပစ္စည်းရတဲ့အခါ စိတ်တိုင်းမကျဘူးဆိုရင် ဘယ်လိုပြန်လဲပေးမလဲဆိုတဲ့ နည်းလမ်းတွေရှိဖို့လိုပါတယ်။ တစ်ခါတလေ ကိုယ့်အတွက်အမြတ်နည်းသွားပေမယ့် customer relationship ပိုကောင်းလာတဲ့အတွက် ရေရှည်မှာ လုပ်ငန်းအတွက်အကျိုးအမြတ်များစေမှာဖြစ်သလို ဖောက်သည်မြဲအောင်လည်းထိန်းထားနိုင်မှာဖြစ်ပါတယ်။
ဒါကြောင့် Delivery စနစ်ကို သေချာစီမံခန့်ခွဲနိုင်ခြင်းဟာ ကိုယ့်ရဲ့လုပ်ငန်းအတွက် ရော customer တွေအတွက်ပါ အကျိုးအမြတ်ဖြစ်ထွန်းစေမှာ ဖြစ်ပါတယ်။ Customer တွေနဲ့ relationship ကောင်းတစ်ခုဖန်တီးထားပြီး သူတို့ကို စိတ်ကျေနပ်စေတဲ့လုပ်ငန်းတစ်ခုဟာ ဖောက်သည်မြဲအောင်လုပ်နိုင်မှာဖြစ်ပါတယ်။
