19/09/2026
🙏🏻ထမင်းရှင်ကြီး များ နားလည် ပေး ကြပါ။🙏🏻
" အောက်ဘက် မဆင်းကြပါနဲ့ဦး… ဘားအံ-ရန်ကုန် လမ်းကြောင်း အဖမ်းအဆီး အလွန်ကြမ်းနေ"
လက်ရှိ ဘားအံ-ရန်ကုန် လမ်းကြောင်းမှာ ခရီးသွားများနှင့် ကုန်သည်များအနေဖြင့် သတိကြီးစွာ ထားကြရန် လိုအပ်နေပါတယ်။
အိမ်စီးကားများ၊ အလည်အပတ် လာရောက်သူများနှင့် တစ်နိုင်တစ်ပိုင် ကုန်သည်များပင်မကျန် ဘီးလင်း နှင့် စစ်တောင်း ရှိ နယ်လုံဂိတ်များတွင် ပစ္စည်းများကို သိမ်းဆည်းဆွဲချခံနေရပြီး ပြန်လည်ရရှိခြင်း မရှိကြောင်း သိရပါတယ်။ ဒါ့ပြင် ညောင်ခါးရှည်ဂိတ် ကို လွတ်အောင်ကျော်ဖြတ်နိုင်ခဲ့ရင်ပင် ဘုရားကြီး ဘက်တွင် စစ်ဆေးအဖမ်းအဆီးများ အသင့်စောင့်ဆိုင်းနေကြောင်း ခရီးသွားများက သတိပေးထားပါတယ်။
တစ်ဖက်တွင်လည်း မြဝတီ-ဘားအံ နှင့် ဘုရားသုံးဆူ-မော်လမြိုင် လမ်းကြောင်းများမှာ လမ်းပျက်စီးမှု၊ ရေကြီးရေလျှံမှုများအပြင် ဂိတ်စစ်ဆေးမှုများပြင်းထန်နေသဖြင့် Land Cargo ကုန်စည်ပို့ဆောင်ရေးလုပ်ငန်းများ အခက်တွေ့နေရပါတယ်။
"ဒီအချိန်မှာ မည်သည့် အာမခံချက်မှ မရှိဘဲ လမ်းကြောင်းအခြေအနေ ကြည့်ပြီးမှ သွားလာနေရတာပါ" ဟု ဒေသခံများက ဆိုပါတယ်။ ထို့ကြောင့် ကုန်သည်များအနေဖြင့် ကုန်ပစ္စည်းများ အလောတကြီး မှာယူခြင်းမှ ရှောင်ကြဉ်ကြရန်နှင့် ခရီးသွားများအနေဖြင့်လည်း အခြေအနေ အေးဆေးမှသာ သွားလာကြရန် သတိပေးနှိုးဆော်ထားပါတယ်။
