29/05/2026
🙏 သီရိလင်္ကာ စွယ်တော်လှည့်ပွဲ ( Esala Perahera)
🙏🏻စွယ်တော်လှည့်ပွဲသည် သီရိလင်္ကာနိုင်ငံ၏ အကြီးမားဆုံးနှင့် အထင်ကရအဖြစ်ဆုံးသောဘာသာရေးနှင့် ယဉ်ကျေးမှု ပွဲတော်တစ်ခုဖြစ်ပြီး ကမ္ဘာတစ်ဝှမ်းမှ ဗုဒ္ဓဘာသာဝင်များနှင့် ခရီးသွားများ အလွန်အမင်း စိတ်ဝင်စားကြသော အခမ်းအနားတစ်ခုဖြစ်ပါသည်။ ဒီပွဲတော်ကို သီရိလင်္ကာနိုင်ငံ ကန်ဒီမြို့ ရှိ Temple of the Tooth Relic (မြတ်စွယ်တော်ကျောင်း) ကို အဓိကဗဟိုထားပြီး နှစ်စဉ် ဇူလိုင်–ဩဂုတ်လအတွင်း ကျင်းပလေ့ရှိပါသည်။
🙏🏻စွယ်တော်လှည့်ပွဲသည် ဗုဒ္ဓမြတ်စွယ်တော်အား ဂုဏ်ပြုလှည့်လည်ပူဇော်ခြင်း၊နိုင်ငံအတွင်း မိုးရေကောင်းမွန်စေရန် ဆုတောင်းခြင်း၊ပြည်သူ ပြည်သားများ အေးချမ်းသာယာစေရန် မေတ္တာပို့ခြင်းတို့ကို ရည်ရွယ်၍ ကျင်းပသော ဘာသာရေးအခမ်းအနားတစ်ခုဖြစ်ပါသည်။
🙏🏻ထို့အပြင် ရောင်စုံမီးအလှများဖြင့် အလွန်အမင်း လှပစွာ အလှဆင်ထားသော
ဆင်ကြီးများ၊မြတ်စွယ်တော်ကို ဆင်ကြီးပေါ်တင်၍ လှည့်လည်ပူဇော်ခြင်း၊သီရိလင်္ကာရိုးရာ အကအလှများ၊ ဒရမ်၊ တူရိယာသံများဖြင့် ညအခါမြို့လုံးကျွတ် လှည့်လည်ပွဲကျင်းပခြင်းကို ရင်သပ်ရှုမောဖွယ်မြင်တွေ့ရမှာဖြစ်ပါသည်။
🙏🏻ထိုပွဲတော်ကို ကြည့်ရှုရခြင်းသည် ဘာသာရေးအမြင်သာမက သီရိလင်္ကာနိုင်ငံ၏ အနက်ရှိုင်းဆုံးသောယဉ်ကျေးမှုအလှအပကိုပါ တစ်ပြိုင်နက်တည်းခံစားနိုင်စေသော အမှတ်တရအတွေ့အကြုံကိုရနိုင်မှာဖြစ်ပါသည်။
Credit to original video uploader 🙏🏻🙏🏻🙏🏻
#စွယ်တော်လှည့်ပွဲ #သီရိလင်္ကာစွယ်တော်
