What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00 Saturday 09:00 - 18:00

https://webmail.dodarmyanmar.com/

DODAR, အမွတ္ ၁၁ (က)/၂၄၂၊ ဧရာခ်မ္းသာ ကြန္ဒို၊ ဧရာဝဏ္ လမ္းမႀကီး၊ အေရွ႕ဒဂံု ဆိပ္ကျမိဳ႕နယ္, Yangon (2026)

15/12/2022

😭😭😭

08/09/2021

ပါမောက္ခချုပ်ဆရာတော်ကြီး ငယ်စဉ်ကိုရင်ဘဝက ပုံတော် -

photo

myanmar travels & tour

06/09/2021

မြန်မာနိုင်ငံ၏ တတိယအကြီးဆုံး
မဇ္ဇျိမလာဘဗောဓိထိုင်တော်မူ ရုပ်ပွားတော်
~~~~~~~~~~~~~~~~~~~~~~~~~~~~~~~~
မဇ္ဇျိမလာဘ ဗောဓိထိုင်တော်မူ ရုပ်ပွားတော်မြတ်ကြီးကို၂၀၁၅-ခုနှစ်မှစ၍ မဇ္ဇိမမနောသုခ ဖောင်ဒေးရှင်းသီရိသုဓမ္မသိင်္ဂီဘွဲ့ရ ဒေါ်မြရှင်မှ တစ်ဦးတည်းအလှူရှင်အဖြစ် တည်ခဲ့ရာ ယခုတွင် ၉၀% ပြီးစီးနေပြီဖြစ်ကြောင်း သိရပါတယ်။

ရုပ်ပွားတော်မြတ်ကြီး၏ဉာဏ်တော်မှာ(၁၀၈)ပေရှိပြီးပလ္လင်တော်မှာ(၁၅)ပေအမြင့်ရှိပါတယ်။ရုပ်ပွားတော်မြတ်ကြီးသည်ကချင်ပြည်နယ် ၊ မြစ်ကြီးနားမြို့၊ပလနကျေးရွာအုပ်စု ပလန-(၂) ကံ့ကော်မြိုင်ကျေးရွာ မဇ္ဇျိမမနောသုခ‌ဖောင်ဒေးရှင်းကျောင်း၀င်းအတွင်းမှာ တည်ရှိပါတယ်။

myanmar travels & tour

03/09/2021

#ပြဒါးလင်းဂူသို့

တည်နေရာ - ရွာငံမြို့နယ်

လမ်းညွှန် - မန္တလေး၊ ကူမဲ၊ ကင်းတားဆည်

#မန္တလေးမှကူမဲ

ကူမဲမြို့ဝင်ဆိုင်းဘုတ်တွေ့လျှင်ဖြေးဖြေးမောင်းသွားပါ
လမ်းအရှေ့ဘက်မှာ စွယ်တော်ရှင်ပြက္ခတ်ရွေ့တောင်သို့ ဆိုတဲ့ ဆိုင်းဘုတ်တွေ့ပါမည်
ပြက္ခတ်ရွေ့တောင် လမ်းအတိုင်း တည့်တည့်သာဝင်သွားပေတော့ ပြက္ခတ်ရွေ့တောင်လမ်းခွဲထဲ ကွေ့မဝင်ဘဲ တည့်တည့်ကြီးအတိုင်းသွားပါ
ပြက္ခတ်ရွေ့လမ်းခွဲကနေ ကင်းတားဆည်အထိ (၂၁ မိုင်)
ရေအေးဆိပ်ရွာ၊ မင်းကွေးရွာ၊ ကံဆည်ရွာ အစရှိသည့်ရွာတွေကို ဖြတ်သွားရပါ့မယ်
ကင်းတားရေလွှဲဆည် ဆိုင်းဘုတ်တွေ့လျင် ဆက်မောင်းရပါ့မယ် ၈ မိုင်ခန့်
ကင်းတားဆည်အထိရောက်အောင်သွားရမှာပါ
ကင်းတားဆည်အကြီးကြီးနဲ့ အရမ်းကိုလှပတဲ့ ရှုခင်းကြီးမြင်ရပီဆိုရင်ဖြင့် အဲ့လမ်းအတိုင်း လှေဆိပ်ကို ဆင်းသာသွားပေတော့
လှေဆိပ်မှာ ဆိုင်ကယ် (သို့) ကား ထားခဲ့ရမှာပါ
ဆိုင်ကယ်စောင့်တဲ့သူမရှိ နေပူထဲထားခဲ့ရမှာပါ
ကိုယ့်ဆိုင်ကယ် လုံခြုံစိတ်ချရအောင် Drum Lock ဘရိတ်သော့ တွေယူသွားပီး သေချာခတ်ခဲ့စေချင်ပါတယ်
GPS တတ်ထားတာဘာညာ မလုပ်ပါနဲ့ ဖုန်းလိုင်းကမိတစ်ချက် မမိတစ်ချက်ရယ်
ဂူသွားတဲ့လမ်းမှာ ဖုန်းလိုင်းမမိပါဘူး

ပြက္ခတ်ရွေ့တောင်လမ်းခွဲအထိ လမ်းနည်းနည်းဆိုးပါတယ်
လမ်းခွဲကျော်တာနဲ့ ကင်းတားဆည်အထိ လမ်းကောင်းပါတယ်

မန္တလေး ကူမဲ ဆိုင်ကယ်မောင်းချိန် ၂ နာရီ
ကူမဲ မှ ကင်းတားဆည် မောင်းချိန် ၁ နာရီ
စက်လှေစီးချိန် မိနစ် ၂၀ ခန့်
စက်လှေငှားရမ်းခ ၃၅၀၀၀ကျပ် (အသွားအပြန်)
တစ်စီးကို အယောက် ၄၀ ထိနိုင်ပါသည်
ဘယ်နှစ်ယောက်သွားသွား ၃၅၀၀၀ ကျပ်ပါ
လှေဆိပ်မှ တက်တက်ခြင်း
ဦးချစ်ဦးထမင်းဆိုင်ကိုတွေ့ပါလိမ့်မယ်

ထမင်းဆိုင်မှ ပြဒါးလင်းဂူ (၂) သို့သွားချိန် ၁ နာရီကျော်ခန့်

ဂူသွားတဲ့တောလမ်းအခြေအနေကတော့
မြေသားလမ်းသွားလိုက်
ကျောက်ခဲလမ်းသွားလိုက်ပဲ
တောင်အနည်းငယ်ပဲတက်ရပါ့မယ်
ဖိနပ်ခွာကောင်းတာစီးမယ်ဆိုရင် ခြေထောက်အနာသက်သာပါ့မယ်

ဦးချစ်ဦးထမင်းဆိုင်မှာ လမ်းပြငှားလို့ရပါတယ်
လမ်းပြခ ၁၀၀၀၀ ကျပ်
ကလေးငယ် လေး လမ်းပြပေးမှာပါ
ကလေးကို မုန့်ဖိုးပေးတယ်သဘောထားပီးငှားခြင်ငှားလို့ရပါတယ်
မငှားခြင်လည်းရပါတယ်

ဦးချစ်ဦး ထမင်းဆိုင်မှာ
ထမင်းစားလို့ရပါတယ်
တစ်ကယ်ကိုစေတနာအပြည့်နဲ့ဝန်ဆောင်မှု့ပေးပါတယ်
အဝစားတစ်ယောက် ၂၀၀၀ ကျပ်
ကြက်သားဟင်း၊ ဟင်းချိုရည်၊ အတို့အမြှုပ်၊ ခရမ်းချဥ်သီးချက်၊ လ္ဘက်သုပ်၊ ဘာလချောင်လိုလို ဘာလိုလိုလေးပါသေးတယ်ဗျ ထမင်းကလည်း ပေါ်ဆန်းမွှေး အရမ်းစားလို့ကောင်းသလို ဟင်းချက်လက်ရာက အိမ်ထမင်းအိမ်ဟင်းစားရသလိုပဲ
အဝစား ၃၀၀၀ ကျပ်တန်လည်းရှိပါသေးတယ်တဲ့ဗျာ
အိမ်ကြက်ချက်၊ ကြက်သားကာလသားချက်ဖြင့်

ဂူ (၂) မှ ဂူ (၁) သို့ သွားချိန် ၁၀ မိနစ်ခန့်
ဂူ (2) ရဲ့အရှေ့မှာ သဘောကောင်းတဲ့ ဦးလေးကြီးတွေရဲ့ တဲလေးရှိတယ် အနားယူလို့ရတယ်
ရေနွေးတိုက်တယ်ဗျ (တောထဲဆိုတော့ မုန့်တွေဘာတွေ ချမကျွေးနိုင်တာတော့ ခွင့်လွှတ်ပါတဲ့ဗျာ)
အမောကိုပြေလို့
ဂူထဲဝင်ဖို့ ဓာတ်မီးတွေငှားပေးပါတယ်။

လမ်းမှာ ဂိတ် ၃ ဂိတ်ဖြတ်ရပါ့မယ်
တစ်ဂိတ်က ကံဆည်ရွာဝင်
တစ်ဂိတ်က ကင်းတားဆည်အဝင်
တစ်ဂိတ်က ကင်းတားဆည်ဘောင်ကြီးပေါ်
ဦးချစ်ဦးဆီဖုန်းကြိုဆက်ပီး ဘယ်အဖွဲ့လာမယ်ဆိုတာ ကြိုတင်သာသတင်းပို့လိုက် အဆင်ပြေအောင်လုပ်ပေးပါလိမ့်မယ်

သွားမယ်ဆိုရင်ဖြင့်
ဦးချစ်ဦး
09424433004
0947603243
09455979511
အဲ့ဦးလေးကြီးကို ဆက်သွယ်လိုက်ပါ
ဂိတ်တွေဖြတ်လို့ရအောင်
စက်လှေငှားလို့ရအောင်
အစားအသောက်ကောင်းတွေစီစဥ်ပေးရအောင်လို့ပါဗျာ။

ဂူကြီးက အကြီးကြီးနဲ့ အရမ်းကိုလှတယ်ဗျာ
သွားဖူးသမျှ ဂူတွေထဲမှာတော့ အသန့်ရှင်းဆုံး အကျယ်ဆုံးနဲ့ လေဝင်လေထွက်အကောင်းဆုံးဂူကြီးပါ
လေပိတ်ပီး အသက်ရှူမဝတာလုံးဝမဖြစ်ပါ
ဂူအတွင်းထဲအေးစက်နေပီး အရမ်းနေလို့ကောင်းပါတယ်။

ကင်းတာဆည်ကြီးနဲ့ ပြဒါးလင်းဂူ (2) မြင်ကွင်းက အရမ်းကိုလှပါတယ်
ဓါတ်ပုံရိုက်ပြလို့မရအောင်ကိုလှပါတယ်
(သွားရတာဝေးပေမယ့် အရမ်းမိုက်တယ်)

Myanmar Travels & Tour

03/07/2021

3/4/2018-ပျံလွန်တော်မူခဲ့သောအရှင်ဘုရားကြီးရုပ်ကလပ်၊ ဆံပင်ရှည်လာခြင်း၊မျက်ခုံးမွီးများရှည်လာခြင်း၊

အသားရောင်မပြောင်းလဲခြင်း၊ အနံအသက်မထွက်ခြင်း၊သက်ရှိထင်ရှားသကဲ့သို့
စမုတ်ကြောများ အထင်းသား မြင်နိရခြင်းဂုဏ်သတ္တိများဖြင့်ပြည့်စုံလျက်ရှိ၊

တည်နေရာ….. မဟာရံဌာန(ရင်အုံတော်ဓါတ်စေတီ)၊ မြင့်ဂါကျေးရွာအုပ်စု၊
အလယ်ဖရုံဂါကျွန်း(ပိန္နဲချောင်းကျွန်း) ပေါက်တောမြို့နယ်၊ရခိုင်ပြည်။

ဖူးမြော်ကြည်ညိုရင်း လိုရာဆုတောင်းပြီး မျှဝေပေးခြင်းဖြင့် ကုသိုလ်ယူပါ။

Myanmar Travels & Tour

05/05/2021

လူအများစိတ်ဝင်စားနေကြတဲ့ မွန်ပြည်နယ်က သမိုင်းပျောက်နေသောတွင်းတစ်ရာ

၈၈၈၈ နောက်ပိုင်းပေါ့ လူသူအရောက်ပေါက်မရှိ တောခြုံတွေပိန်းပိတ်နေလို့ နွားတွေမကြာခဏ ပြုတ်ကျတယ် ဒေသခံအဖိုးအဖွားတွေပြောပြလို့ ကြားဖူးတယ်။ ကျန်စစ်သားမင်းကြီး ရေရှာတာ လှံနဲ့စိုက်ပြီး တွင်းပေါင်တစ်ရာတိတိမှာ ရေရတယ်။ အဲ့ရေထွက်တဲ့တွင်းကလည်း ဂျပန်ခေတ်က လူအများတွင်းထဲဝင်ပုန်းကြတယ်။

တွင်းအဝသာကျဉ်းတာ အထဲမှာ လှိုဏ်ဂူကြီးရှိတယ်လို့ပြောတယ်။ အဲ့လှိုဏ်ဂူကနေ ကျိုက်ထီးရိုးကင်ပွန်းစခန်းအထိ ပေါက်တယ်လို့ပြောတယ်။

ရှေးဟောင်းသမိုင်းဝင်မဝင်တော့မသိဘူး။ အခုလက်ရှိတွင်းတွေက မာကျောတဲ့ဂဝံ ကျောက်တွင်းတွေပဲ ကျန်တော့တာပါ။မြေပျော့ကျောက်ပျော့တွင်းက အားလုံးတိမ်ကောကုန်ပါပြီ။

အရင်က အဲ့နေရာ အရမ်းအန္တရာယ်များပါတယ် တောခြုံနွယ်ယှက်ထားတော့ တွင်းနှုတ်ခမ်းတွေမမြင်ရ။ လူတွေလည်း ခြေကျွံကျဖူးတယ်။ တွင်းလေးတွေက နှစ်ပေခွဲပတ်လည်လောက်ပဲရှိတာ အကုန်လုံးတရွယ်ထဲပဲ။

တွင်းတရာဘုန်းကြီး စရောက်သီတင်းသုံးတဲ့သာသနာပြုဖို့စေတီစတည်တဲ့ အချိန်က လုပ်အားပေးကုသိုလ်ပြုခဲ့ဖူးပါတယ်။ဒါပေမယ့် ဝမ်းသာပါတယ် အရင်လိုမဟုတ်တော့ပဲ ကျောင်းကြီးကျောင်းငယ်နဲ့ မြင်ရတော့ ဝမ်းသာပီတိဖြစ်မိပါတယ်။

သမိုင်းထဲက တွင်း ၁၀၀ ( သို့မဟုတ် ) သမိုင်းပျောက်နေသော တွင်း ၁၀၀
ကျွန်ုပ်တို့ နေထိုင်ရာ မြန်မာနိုင်ငံ၌ ထူးခြားဆန်းကြယ်သော ဖြစ်ရပ်မှန်များ၊ သမိုင်းပျောက်နေသော/လူသိနည်းသော နေရာရာတော်တော်များများ ရှိကြပေလိမ့်မည်။ ထိုအထဲတွင် ကျွန်ုပ်တင်ပြလတ္တံ့သော တွင်း ၁၀၀ သည်လည်း အပါအဝင်ပါ။

၎င်း တွင်း ၁၀၀ ကို ကျန်စစ်သား လှံကစား၍ ကျန်ခဲ့သောနေရာဟု ပါးစပ်ရာဇဝင်ရှိသည်။ သို့သော်လည်း ကျန်ုပ်၏ ထင်မြင်ယူဆချက်ကို တင်ပြရလျှင် လှံကစားတယ်ဆိုကတည်းက ဘယ်နေရာမှာဖြစ်ဖြစ်ကစားလို့ရတယ် မဟုတ်ပါလော။ အခုဟာက ကျောက်ဖြာပေါ်တွင် သီးသန့်ဖြစ်နေပါတယ်။

ပြီးရင် လှံကစားလို့ လှံချွန်ကျခဲ့တယ်ဟု ဆိုသောနေရာသည် သမားရိုးကျ ရိုးရိုးတွင်းမျိုး မဟုတ်ဘဲ ကျောက်ဖျာပေါ်၌ ခဲရာခဲဆစ် တူးထားရသော တွင်းနှင့် တူ၏။ တွင်းတို့သည် နှစ်တောင်ပတ်လည်လောက် ရှိ၍ အောက်သို့ အနက်မှာ ၁၅ ပေလောက် ရှိပေမည်။

နောက်တစ်ခု စဉ်းစားစရာမှာ နန်းတွင်းသူ နန်းတွင်းသားများ အန္တရာယ် ကျရောက်ပါက ဝင်ရောက်ခိုအောင်းရန် ကျောက်ဆောင်လှိုဏ်ဂူ ဖောက်ထားသလားဟု ထင်မှတ်ရလေသည်။ သို့သော်လည်း ကျောက်ဆောင်လှိုဏ်ဂူ ဆိုလျှင်လည်း ဒီလောက်ထိ အပေါက်ထားရန် မဖြစ်နိုင်ပါ။

နောက်တစ်ခုမှာ သူများတို့ ခန့်မှန်းပြောဆိုကြသည်က ရွှေတူးတာလားဟု ခန့်မှန်းကြလေသည်။
မိမိအနေဖြင့်တော့ ထိုစကားကို လက်မခံပေ။ အဘယ့်ဆိုသော် ရွှေတူးရင် တစ်နေရာတည်းမှ ဆက်၍ တူးသွားရင် ရသည် မဟုတ်ပါလော။

အခုဟာက ပြောထားတဲ့အတိုင်း ဟိုနားတစ်စု ဒီနားတစ်ခု သေသေချာချာ တိုင်း၍ တူးထားသော တွင်းနှင့်တူသည်။ ယခုအခါ တွင်း ၁၀၀ မှာ ၆၄ တွင်းသာ ရှိတော့သည်ဟု တွင်း ၁၀၀ ကျောင်း၌ သီတင်းသုံးနေသော ဆရာတော်၏ ပြောစကား အရ သိရပါသည်။

သို့ဖြစ်ပါ၍ စာပေဝါသနာ ပါသော ရှေးဟောင်းရာဇဝင်တို့ကိုစိတ်ဝင်စားသောသူများ ဖော်ထုတ်လိုသောသူများ သိရှိကြစေရန် တင်ပြလိုက်ရပေသည်။ နေရာ – မွန်ပြည်နယ် ကျိုက်ထို နှင့် ဘီးလင်းကြား ထင်းမှုန်ကုန်းကျေးရွာ။

foto&content

Myanmar Travels & Tour

28/04/2021

>>>၂၀၂၁ ဧပြီလကုန် - မေလဆန်းတွင် မိုးကြိုးမုန်တိုင်းများ ပြင်းထန်လာနိုင်

16/04/2021

>>>အင်္ဂါဂြိုဟ်ကို လ ဖုံးကွယ်မည့်ဖြစ်စဉ် မြန်မာနှစ်ဆန်း (၁) ရက်နေ့တွင် မြင်ရမည်။

16/04/2021

ထူးဆန်းစွာပျောက်ဆုံးသွားသော သဲအင်းဂူဆရာတော်ဘုရားကြီး ၏ နဂါးပလ္လင်ပြန်ပေါ်လာမည့်အချိန် 🙏🙏🙏
================================

သဲအင်းဂူဆရာတော်သည် လူတို့သာမက နဂါးမင်းများကပါ ကြည်ညိုကြလေသည်။
ထိုကြောင့် ဆရာတော် အတွက်ပလ္လင်ပြုလုပ်ရန် အထူးကောင်းမွန်လှသော သစ်ကနက်ပင်များဖြင့် နဂါး ပလ္လင် ပြုလုပ်ရန် လူတို့အား အိမ်မက်ပေး ကာနေရာပြလေသည်။
ဆရာတော်အတွက် ပလ္လင်ပြု လုပ်ပြီး၍ တရားဟောသော အခါ နဂါးများလည်း လာရောက်နာကြားလေသည်။
၁၉၇၃ ခုနှစ် ဆရာတော် ခန္ဓာဝန်ချသွားသည့်အခါ
နဂါးပလ္လင်လည်း ထူးဆန်းစွာပျောက်ဆုံးသွားလေသည်။
ထိုနဂါးပလ္လင် သည် ဆရာတော်ကိုကြည်ညိုသော နဂါးမင်းများမှ မိုးကြီးလေကြီး ချစေကာ လူသူမရှိသောအချိန် ပင့်ဆောင်သွားလေသည်။ ဆရာတော် ၏ တပည့်ဒကာများက အပူတပြင်းလိုက်ရှာကြသော်လည်း မတွေ့ရတော့ပေ။

(မှတ်ချက် ။ သဲအင်းဂူဆရာတော်ရှိစဉ်အခါက ဆရာတော် နဂါးပလ္လင်ထက် ၌တရားဟောနေစဉ် တရွီရွီနှင့် မြွေသံကြား ရသဖြင့် သစ်တောဝန်က နောက်နေ့မနက်တွင်မေးလျောက်လေသဖြင့် မိန့်ကြားလေသည် ။ ဒကာကြီး မနေ့ညက နဂါးတွေလည်း လူမမြင်အပ် သောနေရာတွင် တရားလာနာလို့ ကြားရခြင်းဖြစ်တယ်။ထိုနောက် ဆရာတော်က နဂါးမင်း၏ သဒ်ဒါကွောငျ့ နဂါးပလ္လင် ဖြစ်လာသောအကြောင်းများနဲ့ ဆရာတော်ကြီး မရှိတော့သော အချိန်တွင် သူ၏ ပလ္လင်အား နဂါးများမှပင့်ဆောင်သွားမည်အကြောင်းကို မိန့်ကြားခဲ့သည်။ထိုအပြင် ဆရာတော် ၏ ပလ္လင် နောက်တစ်ခေါက် ပြန်ပေါ်လာဦးမည့် အကြောင်းနှင့်ထိုတစ်ခေါက် ပြန်ပေါ်ပြီးသော် အပြီးတိုင်ပျောက်သွားမည့် အကြောင်းကို ဆရာတော်က ခန္ဓာဝန်ချဖို့ တစ်လအလိုတွင် သစ်တောဝန်အား မိန့်ကြားခဲ့လေသည်။ဤအကြောင်းအားသစ်တောဝန်က မဟာဝိဇ္ဇာကျမ်းတွင် ထည့်သွင်းပြုစုခဲ့သည်။သစ်တောဝန်လည်း ၁၉၉၅ တွင် ကွယ်လွန်လေသည်။ ရဟန္တာပုဂ္ဂိုလ်တို့၏ မိန့်ကြားသောအရာတိုင်း မလွဲဧကန်သာရှိသည်)

သဲအင်းဂူဆရာတော် သည် သူ၏နဂါးပလ္လင် တဖန်ပြန်လည်ထွက်ပေါ် လာမည့်အချိန်ကို သစ်တောဝန်အား ဤကဲ့သို့ မိန့်ကြားခဲ့လေသည်။ သာသနာနှစ် ၂၆၀၀ ပြည့်ခါနီးရင် မြန်မာပြည်မှာ သာသနာပြုမင်း ပေါ်လိမ့်မယ်။ အဲဒီမင်းနှင့် အတူ အလွန်ဘုန်းကြီးတဲ့ ရဟန္တာဆရာတော် တစ်ပါးလည်း ပေါ်လာမယ်။ အဲဒီမင်းခေတ်မှာ ဗုဒ္ဓသာသနာဟာ အရမ်းထွန်းကားသလို အဲဒီဆရာတော်ဟာလည်း လူနတ် နဂါးတို့က အလွန်ကြည်ညိုကြမယ်။ နဂါးတွေကလည်း ကြည်ညိုလွန်းအားကြီးလို့ ဆရာတော်ရဲ့ နဂါးပလ္လင်ကို ပြန်ပူဇော်ကြလိမ့်မယ်။ပူဇော်မယ့်အချိန်မှာ မိုးကြီးလေကြီးချပြီး အဲဒီဆရာတော်ကျောင်းရှေ့မှာ အသင့်ရောက်နေမယ်။သာသနာပြုမင်းရဲ့ဘုန်းကံ
ဆရာတော်ရဲ့ဘုန်းကံကြောင့် နတ်တွေ နဂါးတွေ ဝိဇ္ဇာလောက ကပုဂ္ဂိုလ်တွေ ပါ မြတ်ဗုဒ္ဓရဲ့ သာသနာတော်အတွက် အစွမ်းကုန် ဝိုင်းမကြလိမ့်မယ်။သာသနာပွဲ ဝင်ရောက်နွဲကြလိမ့်မယ်။
သာသနာပြု မင်းအတွက် ရိုးမသစ်တောများထဲမှ ထုံးကဲ့သို့ဖြူစင်သော ဆင်ဖြူတော် ခုနှစ်စီးပေါ်ထွက်လာမယ်။ထိုမင်းခေတ်မှာ ပညာတတ်တွေ လူတော်တွေ လူစွမ်းကောင်းတွေ ကျောက်သံ ပတ္တမြားတွေ အများကြီးထွက်လာမယ်။
သာသနာပြုမင်း ကွယ်လွန်သော် ပြည်သူများက ဆင်ဖြူ ခုနှစ်စီးနှင့်တင်ဆောင်ကာ သဂြိုလ်ကြလိမ့်မယ်။
သာသနာပြုမင်း ကွယ်လွန်ပြီး နောက်တစ်နှစ်မှာ ရဟန္တာဆရာတော်လည်း နဂါးပလ္လင်ထက်မှာ ပရိနိဗ္ဗာန်ပြုလိမ့်မယ်။ ထိုအချိန်မှာ မိုးကြီးလေကြီးချကာ နဂါးမ်ားက နဂါးပလ္လင်ကို အပြီးတိုင် ပြန်ပင့်ဆောင်သွားကြလိမ့်မယ်။ပြန်မပေါ်လာတော့ပါ။
သို့သော် ဗုဒ္ဓသာသနာက ဆက်လက်ထွန်းကားနေမည်ဖြစ်ပြီး သာသနာပြုမင်း ၏ သားတော်တစ်ပါးမှ အဖေ၏တာဝန်အားဆက်လက်ထမ်းဆောင်လိမ့်မည်။

(မဟာဝိဇ္ဇာကျမ်း စာမျက်နှာ ၁၀၁ နှင့် ၁၀၂ မှ ကူးယူဖော်ပြသည်)

Myanmar Travels & Tour

09/04/2021

မန်ဒဲလား(Mandela)၏ နည်းဗျူဟာ

ကမ္ဘာပေါ်မှာ အကြမ်းမဖက်လှုပ်ရှားမှုကိုလုပ်သူဟာ ဂန်ဒီ၊ မာတင်လူသာကင်းနဲ့ တောင်အာဖရိကကနယ်ဆင်မန်ဒဲလား
(Nelson Mandela)လို့ အစက ထင်ထားခဲ့ပါတယ်။

ဂန်ဒီနဲ့ မာတင်လူသာကင်းတို့ ပြန်တိုက်ခဲ့တာက အင်္ဂလိပ်အစိုးရနဲ့ အမေရိကန်အစိုးရပါ။ ဒါ့ကြောင့် ဂန်ဒီ့နည်းဟာ လူစိတ်မရှိတဲ့ စစ်အ
စိုးရတွေကို ပြန်ခုခံနိုင်မယ်လို့ ပြောမရပါ။ ယခုပြောလိုတာက သိပ်မသိသေးတဲ့ နိုဘယ်ဆုပိုင်ရှင် မန်ဒယ်လားနည်းဗျူဟာပါ။

ဂန်ဒီဟာ အကြမ်းမဖက်လှုပ်ရှားမှုနဲ့ အမှန်တရားဟာ ခွဲခြားလို့မရဘူးလို့ ကြေညာခဲ့ဖူးပါတယ်။ မန်ဒယ်လားကတော့ သူတို့လိုမဟုတ်ပါ။ တောင်အာဖရိကက လူအများစုက မန်ဒဲလားသာ အကြမ်းဖက်နည်းကို မသုံးခဲ့ရင် အသားအရောင် လူမျိုးရေးခွဲခြားမှုဟာ ကြာလိမ့်မယ်လို့ ယုံကြည်ခဲ့ကြပါတယ်။

မန်ဒဲလားငယ်စဉ်က ကြိုက်တဲ့အားကစားက လက်ဝှေ့ထိုးတာပါ။ ၁၉၅၀ မှာ ANCပါတီက အကြမ်းမဖက် အာဏာဖီဆန်ရေးလှုပ်ရှားမှုကို စလုပ်ခဲ့ပါတယ်။ ၁၉၅၃ မှာ မန်ဒဲလားက သူ့ANC ပါတီဥက္ကဌ Albert Luthuli ကို အကြမ်းမဖက်လှုပ်ရှားမှုဟာ အလုပ်မဖြစ်ကြောင်း ပြောခဲ့ပါတယ်။

၁၉၅၃ စက်တင်ဘာမှာ သူက Johannesburgမြို့ ဆင်ခြေဖုံးမှာ လွတ်လပ်ရေးဟာ အလွယ်မရဘူး “No easy way to freedom” ဆိုတဲ့ မိန့်ခွန်းကို ပြောခဲ့ပါတယ်။ ၁၉၅၆ မှာ သူ့ကို နိုင်ငံတ်ပေုန်ကန်မှုနဲ့ တရားစွဲပြီး ၁၉၆၁ မှာ ပြန်လွှတ်ခဲ့ပါတယ်။

၁၉၆၀ မှာ လူဖြူတွေက လူမဲဆန္ဒပြသူ ၆၉ ယောက်ကို အစုလိုက်အပြုံလိုက် သတ်ဖြတ်မှုအပြီးမှာတော့ လက်နက်မကိုင်ရေး တိုက်တွန်းသူတွေ ရပ်သွားခဲ့ပါတယ်။

၁၉၆၁ မှာ မန်ဒဲလားက လက်နက်ကိုင်အဖွဲ့ “Umkhonto we Sizwe, or Spear of the Nation” သံမဏိအဖွဲ့ကို ထူထောင်ခဲ့ပါတယ်။ သူ့ကိုမကြိုက်သူများက မန်ဒဲလားက အကြမ်းဖက်မှုသုံးရင် လူဖြူအစိုးရက အင်အားပိုသုံးလို့ ပြည်သူတွေပိုသေနိုင်ကြောင်း ထောက်ပြကြပါတယ်။

သူက ဒေါသထွက်နေတဲ့ လူငယ်တွေက လက်နက်စွဲကိုင်နိုင်လို့ ဘာမှမလုပ်ဘဲထားရင် ပါတီဟာ သုံးစားမရဖြစ်သွားနိုင်ကြောင်း ထောက်ပြခဲ့ပါတယ်။

နောက်ဆုံးသူ့ပါတီဥက္ကဌ Luthuli ကို ဖျောင်းဖြနိုင်ခဲ့ပါတယ်။ ဒါပေမယ့် Luthuli ဟာ ၁၉၆၁ အောက်တိုဘာမှာ နိုဘယ်ဆုရခဲ့လို့ သူထောက်ခံထားတဲ့ လက်နက်ကိုင်တော်လှန်ရေးကို မလုပ်ဖို့ပြောခဲ့ပါတယ်။ ဒီအချိန်မှာ မန်ဒဲလားက လုပ်ဖို့ ဆုံးဖြတ်ပြီးသား ဖြစ်သွားလို့ သူ့အဖွဲ့က ၁၉၆၁ ဒီဇင်ဘာ ၁၆ မှာ Port Elizabeth, Durban and Johannesburg မြို့တွေက ဓာတ်အားပေးစက်ရုံတွေ အစိုးရအဆောက်အအုံတွေကို ဖုံးခွဲပြီး တော်လှန်ရေးကို စခဲ့ပါတယ်။

သူကိုယ်တိုင် နိုင်ဂျီးယီးရားနဲ့ အီသီယိုးပီးရားကိုသွားပြီး စစ်ပညာသင်ယူခဲ့ပါတယ်။ ၁၉၆၂ မှာ မန်ဒဲလား ပြန်ရောက်လာပြီး ၁၉၆၄ မှာ ထောင်ချခံခဲ့ရပါတယ်။ သူ့အဖွဲ့ကတော့ လူဖြူရဲတွေကို တိုက်ခိုက်တာ အစိုးရကို တိုက်ခိုက်တာ ဆက်လုပ်နေခဲ့ပါတယ်။

မန်ဒဲလားဟာ လက်နက်ကိုင်တော်လှန်ရေးကို သူ့ပါတီဥက္ကဌမသိဘဲ စလုပ်ခဲ့သလို ၁၉၈၅ မှာ ထောင်ထဲကနေ လူဖြူအစိုးရနဲ့ ငြိမ်းချမ်းရေးဆွေးနွေးခဲ့ပြန်ပါတယ်။ သူဟာ ပြန်လွှတ်ခံရအပြီး သမ္မတဖြစ်လာချိန်မှာ လက်နက်ကိုင်လမ်းစဉ်ကို စွန့်လွှတ်ခဲ့ပါတယ်။ သူ့ရဲ့ လက်နက်ကိုင်အဖွဲ့က တိုက်တာကို ၁၉၉၀ မှ ရပ်လိုက်တာပါ။ ဆွေးနွေးပွဲ အောင်မြင်ပြီးမှပါ။

ဒါက တောင်အာဖရိက သမိုင်းကိုသိအောင် သင်ခန်းစာယူနိုင်အောင် ရေးပြတာပါ။ ဒီနေရာမှာ ဆန္ဒပြသူတွေက ရဲတွေကို ဗလိုင်းကြီး သွားအကြမ်းဖက်ရင်တော့ တမျိုးပါ။ ဒါပေမယ့် လုံခြုံရေးတပ်ဖွဲ့တွေက အကြမ်းဖက်လာရင်တော့ ဘယ်လိုနည်းနဲ့ ခံချမလဲ သူတို့ပေးဆပ်မှုတွေရှိအောင် ဘယ်လိုပြန်လုပ်မလဲ စဉ်းစားသင့်ပါတယ်။

ရခိုင်က မြောက်ဦးမှာ အုပ်ချုပ်ရေးမှူး ဘိုဘိုဦးက ပစ်မိန့်နဲ့ လူတွေကို သတ်ခဲ့လို့ သူ့ကို AA က လုပ်ကြံပြီး ပြန်သတ်ခဲ့ပါတယ်။ နောက်ပိုင်း အုပ်ချုပ်ရေးမှူးတွေ ရခိုင်မှာ ငြိမ်သွားခဲ့ပါတယ်။ အုပ်ချုပ်ရေးမှူးတွေ၊ မြို့နယ်ရဲမှူးတွေဟာ အမြဲအစောင့်ရှိနေတာမဟုတ်ပါ။

တပ်ထဲက ဗိုလ်မှူးကြီးတောင် မိမိဂျူတီချိန်မဟုတ်ရင် အပြင်မှာ သေနတ်မရှိပါ။ မုံရွာမှာ ပြည်သူရဲ့ တုန့်ပြန်မှုက အားကောင်းပါတယ်။ သင်ခန်းစာ ယူစရာပါ။ အားလုံး ဆင်ခြင်ဖို့နဲ့ ဝေဖန်သုံးသပ်ဖို့ပါ။

Source: Mandela Biography “Long Walk to Freedom” and Los Angeles Times

-photo & content

Myanmar Travels & Tour

31/03/2021

#ဖက်ဆစ်တွေသေအောင်ကြောက်တဲ့အသံတိတ်လူသတ်သမား။

ဖက်ဆစ်တွေ တစ်ကောင်စနှစ်ကောင်စနဲ့ တောထဲသွားရင် ကျားနဲ့ပက်ပင်းတိုးတာမှအသက်ရှင်ချင်ရှင်အုံးမယ်။ နီးယားဗက်ဇ်ဖနန်ဒက်ဇ်ဆိုတဲ့ အမျိုးသမီးနဲ့တွေ့လို့ကတော့ အသက်ရှင်ဖို့အကြောင်းလုံးဝမရှိပါ။ ကျားထက်ကြောက်ရတဲ့သူ ဖြစ်ပါတယ်။

နီးယားဗက်ဇ်ဖနန်ဒက်ဇ်ဟာ ငယ်ငယ်ကမိန်းမချောတစ်ယောက်ဖြစ်ပြီး အင်မတန်အေးဆေးစွာ နေတတ်သူတစ်ယောက်ပါ။

အေးချမ်းစွာနဲ့စာသင်ရင်း သူ့အမျိုးသားနဲ့အတူ ကုန်ပစ္စည်းလက်ကားရောင်းဝယ်တဲ့ အလုပ်လေးလည်း လုပ်နေသူပါ။

ဒုတိယကမ္ဘာစစ်အတွင်းဖက်ဆစ်ဂျပန်တွေ ဖိလစ်ပိုင်ကိုဝင်သိမ်းထားပြီးတဲ့အခါမှာ သူတို့သင်စေချင်တဲ့စာကိုသင်သူနဲ့ စစ်တပ်ကိုပံ့ပိုးတဲ့အလုပ်လုပ်သူတွေကိုပဲ ခွင့်ပြုပါတော့တယ်။

တွေ့တဲ့ပစ္စည်းကိုအိမ်ပေါ်တက်ယူချင်ယူတယ်။ မကျေနပ်ရင်ပစ်ခတ်သွားတယ်။ လမ်းပေါ်မှာသေနတ်တကားကားနဲ့ လူသတ်မယ်လို့လည်းကြိမ်းဝါးတယ်။ ဒါတွေဟာ ဖက်ဆစ်တွေရဲ့သရုပ်သကန်ပါပဲ။

နီးယားဗက်ဇ်ဖနန်ဒက်ဇ်ဟာ စာလည်းမသင်ရ အလုပ်လည်းမလုပ်ရဖြစ်နေချိန်မှာ သူမရဲ့ကျောင်းသားတွေဟာ ဖက်ဆစ်ဂျပန်တွေရဲ့အသတ်ခံရပါတယ်။

အလွန်အေးဆေးလှတဲ့ဆရာမဟာ အလွန်ကြောက်ဖို့ကောင်းတဲ့ #တကိုယ်တော်အသံသိတ်လူသတ်သမားဖြစ်လာပါတော့တယ်။

သူမရဲ့ nick name က "The Silent Killer" တဲ့။

တောထဲကို အဝတ်နက်ဝတ်ကာ ဖိနပ်မပါခြေဗလာနဲ့ တစ်ယောက်တည်းသွားတတ်ပြီး ဒါဇင်နဲ့ချီတဲ့ဖက်ဆစ်တွေကို လက်လုပ်သေနတ်နဲ့ bolo လို့ခေါ်တဲ့ ကိုင်းခုတ်ဓားကိုသုံးပြီး ခြုံခိုတိုက်ခိုက်တတ်ပါတယ်။

သူမဟာ အဲ့ဒီ bolo ဓားကိုကိုင်တာကျွမ်းကျင်လာပြီး အနီးကပ်တိုက်ပွဲ hand-to-hand combat မှာအလွန်တော်ပါတယ်။

သူမဟာ ဖိလစ်ပိုင်ရဲ့ပထမဦးဆုံးသောပြောက်ကျားတော်လှန်ရေးစစ်သမီးဖြစ်လာပါတယ်။

Tacloban ဒေသက ဖိလစ်ပိုင်ယောက်ျားတွေဟာ နီးယားဗက်ဇ်ဖနန်ဒက်ဇ်ကိုလေးစားအားကျကြပြီး သူမဟာ ဖက်ဆစ်ဆန့်ကျင်ရေးတပ်သား ၁၁၀ ကိုဦးဆောင်တဲ့ တော်လှန်ရေးတပ်ဖွဲ့ဗိုလ် ဖြစ်လာပါတယ်။

သူမဟာ အမျိုးသားများစွာကို ထက်မြက်ပြီးမြေ့နေအောင်သွေးထားတဲ့ ကိုင်းခုတ်ဓားနဲ့တိုက်ခိုက်ပုံ၊ gas pipe နဲ့ သံချောင်းတွေကိုသုံးပြီး လက်လုပ်သေနတ်ပြုလုပ်ပုံ၊ လက်ပစ်ဗုံးပြုလုပ်ပုံတွေကို ပြန်လည်သင်တန်းပေးခဲ့ပါတယ်။

သူမတို့အဖွဲ့ဟာ ဖက်ဆစ်ဂျပန် အယောက် ၂၀၀ ကျော်ကို လက်စဖျောက်သုတ်သင်ခဲ့ရုံမက မဟာမိတ်အကျဉ်းသားတွေကို လွတ်မြောက်အောင်ကယ်တင်နိုင်ခဲ့ပါတယ်။

လိင်ကျွန်အဖြစ် ဖက်ဆစ်တွေမတရားဖမ်းဆီးအနိုင်ကျင့်ခံနေရတဲ့ မိန်းမတွေကိုလည်း ကယ်တင်နိုင်ခဲ့ပါတယ်။

ရန်သူ့ထောက်ပံ့ရေးလမ်းကြောင်းကိုဖြတ်တောက်နိုင်ခဲ့ပြီး ဂျပန်ဘုရင့်စစ်တပ်ကိုဝင်စီးတာအထိလက်သံပြောင်ခဲ့ပါတယ်။

နှစ်နှစ်အတွင်းမှာ ဂျပန်တွေဟာ သူမကို ဆုငွေပီဆို ၁၀၀၀၀ အထိထုတ်ပြီးမြေလှန်ရှာခဲ့ပေမယ့် မအောင်မြင်ပဲ သူမကသာ ဖက်ဆစ်တွေကို ခြုံခိုပြီးအပျောက်ရှင်းတာခံခဲ့ရပါတယ်။

ဒီလောက်အနီးကပ် တစ်ကိုယ်တော်ခြုံခိုတိုက်နေတာတောင်မှ သူမဟာဘယ်တော့မှအဖမ်းအဆီးမခံရပဲ သူမရဲ့ညာလက်ဖျံပေါ်မှာ သေနတ်ဒဏ်ရာအမာရွတ်ပဲ တစ်သက်လုံးဂုဏ်ယူစွာနဲ့ ပြစရာအဖြစ်ကျန်ရှိခဲ့ပါတယ်။

ဂျပန်တွေရဲ့လိင်ကျွန်အဖြစ်သွတ်သွင်းခံရတဲ့ ရီမီဒီယိုဖာလတ်စ်က သူမရဲ့စာအုပ် The Picture Diary of a Girl Taken by the Japanese Military ထဲမှာ နီးယားဗက်ဇ်ဖနန်ဒက်ဇ်တို့ ဖက်ဆစ်ဆန့်ကျင်ရေးပြောက်ကျားတပ်သားတွေဟာ ဖိလစ်ပိုင်အမျိုးသမီးပေါင်းများစွာကို ဘယ်လိုကယ်တင်ပေးခဲ့ပုံကို မှတ်တမ်းတင်ရေးသားခဲ့ပါတယ်။

အေးချမ်းစွာနဲ့ ဈေးရောင်းဈေးဝယ်လုပ်ရင်း ကျောင်းသားတွေကိုပညာသင်ပေးနေတဲ့ဆရာမတစ်ယောက်ဟာ မိုက်ရိုင်းလူမဆန်မှုတွေကို သည်းမခံနိုင်တော့တဲ့အခါမှာ အင်မတန်ကြောက်ဖို့ကောင်းလှတဲ့ အသံတိတ်လူသတ်သမားဘဝကို အသွင်ပြောင်းသွားခဲ့ပါတယ်။

ပုံထဲမှာ ၁၉၄၄ ခုနှစ်တုန်းက သူမဟာ ဖက်ဆစ်တွေကိုဘယ်လိုအနီးကပ်လည်လှီးသုတ်သင်ခဲ့တာကို အမေရိကန်စစ်သားတစ်ယောက်အားသရုပ်ပြန်ပြနေတာဖြစ်ပါတယ်။

Myanmar Travels & Tour

30/03/2021

"သူတော်ကောင်းကို နတ်မြတ်နတ်ကောင်းတွေကူညီပါသလား"

၁။အခွင့်သာမှ ကူညီနိုင်ပါတယ်။သူတော်ကောင်းပေမယ့် အတိတ်အကုသိုလ်ဝဋ်ကြွေးဆပ်ရမယ့်ကံပါလာရင် ကယ်လို့မရပါ။ဥပမာပြရ‌သော် ဘုရားရှင်လက်ထက်က သာကီဝင်မင်းများနှင့်ပြည်သူအများစုဟာ သောတာပန် အစရှိတဲ့ အရိယာတွေပါ။နတ်‌တွေအလွန်ချစ်ခြင်းခံရပါတယ်။သို့သော်လည်း အတိတ်အကုသိုလ်ဝဋ်ကြွေးကြောင့် (ပစ္စုပ္ပန်မှာလည်း မာနကြီးမှုကြောင့်)ဝိဋဋူဘမင်းသားဦးစီးတဲ့တပ်က လာရောက် သတ်ဖြတ်တဲ့အခါ မကူညီနိုင်ခဲ့ပါ။‌ဆွေတော်မျိုးတော်တို့ရဲ့ ဘေးအန္တရာယ်ကို ကြိုတင်မြင်တော်မူ၍ ဘုရားရှင်မှလည်း ၃ ကြိမ်တိုင်သွားရောက် ကာကွယ်ပေးခဲ့ပေမယ့် မအောင်မြင်ခဲ့ပါဘူး။

၂။မြတ်စွာဘုရားအလောင်းတော် တောထွက်တရားကျင့်စဉ်ကာလများ၌ ဝတ်ကြီး ဝတ်ငယ် ပြုစုပေးခဲ့ကြသူ ပဉ္စဝဂ္ဂီ ၅ ဦးမှာ နောင်အခါ အလောင်းတော်အား ဘုရားမဖြစ်နိုင်တော့ဟု မှတ်ထင်ပြီး စွန့်ခွာသွားခဲ့ကြတယ်။ဒါပေမယ့် နောက်ဆုံးဘဝ ရဟန္တာဖြစ်ရမယ့်ကံကြောင့် မြတ်ဘုရားကိုယ်တော်တိုင် သူတို့ရှိရာကြွသွားပြီး ဓမ္မစကြာ တရားဦးဟောတော်မူခဲ့ပါတယ်။မြတ်ဘုရားရှင်၏တရားတော်ကြောင့် တရားသိမြင်တော်မူခဲ့ကြပါတယ်။ဒါဟာ အခွင့်သာတဲ့အခါ ကူညီသူရောက်လာတဲ့ သာဓကပါ။

၃။ဘယ်ဖြစ်ရပ်မျိုးမဆို အကြောင်း အကျိုးရှိစမြဲပါ။လူသားများအနေနှင့် အတိတ်ကံမှာ အမှားများစွာပြုထားကြမှာပါ။မိမိတို့ပြုထားခဲ့တဲ့ အကုသိုလ်ဝဋ်ကြွေးများ ဝင်ရောက်အကျိုးမ‌ပေးနိုင်အောင် လက်ရှိဘဝမှာ ကုသိုလ်များများပြုကြရပါမယ်။

၄။ဗုဒ္ဓဘာသာဝင်အများစုနေထိုင်ရာ မြန်မာနိုင်ငံရှိပြည်သူများအနေနဲ့ သမ္ဗုဒ္ဓေဂါထာတော်အား နေ့စဉ်နှုတ်တက်ရွရွ ရွတ်ဖတ်ပူဇော်ပေးကြပါ။မေတ္တာလည်းပွားပေးကြပါ။သို့မှသာ မိမိတို့၏ လက်ရှိကံများ ပိုမိုကောင်းလာပြီး နတ်မြတ်နတ်ကောင်းများ၏ စောင့်ရှောက်မှုရပါလိမ့်မယ်ဗျာ။

အမိမြန်မာပြည်သူ ပြည်သားအားလုံး ဘေးရန်ကင်း၍ ငြိမ်းအေးကြပါစေ။

မုရင်းရေးသားသူမှာဆြာကြီးဦးအောင်ညဏ်မိုးရေးသား၏။

Myanmar Travels & Tour

DODAR

15/12/2022

08/09/2021

06/09/2021

03/09/2021

03/07/2021

05/05/2021

28/04/2021

16/04/2021

16/04/2021

09/04/2021

31/03/2021

30/03/2021

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00
Saturday	09:00 - 18:00