14/01/2026
ပြည်တွင်းရွှေစျေးဟာ ဒီကနေ့ ဇန်နဝါရီ ၁၄ ရက် မနက်ပိုင်းမှာ ၁၆ ပဲရည် အခေါက်ရွှေ တစ်ကျပ်သားကို ပြင်ပပေါက်စျေး ၉၈ သိန်း ၇ သောင်းကျပ်နဲ့ စျေးဖွင့်ခဲ့ပြီး ကျပ်သိန်း ၁၀၀ နားကပ်လာပြီလို့ ရွှေလုပ်ငန်းအသိုင်းအဝိုင်းဆီက သိရှိရပါတယ်။
ပြီးခဲ့တဲ့အပတ် စျေးကွက်ပိတ်ရက် သောကြာနေ့ ညနေမှာ တစ်ကျပ်သားကို ၉၄ သိန်းကျော်နဲ့ စျေးပိတ်ခဲ့တာဖြစ်ပြီး အခုအပတ်စျေးကွက်ဖွင့်ရက် ၃ ရက်အတွင်းမှာ ကျပ် ၄ သိန်းကျော် စျေးမြင့်လာတာဖြစ်ပါတယ်။
ဒီကနေ့ ကမ္ဘာ့ ရွှေစျေးလည်းမြင့်တက်လာပြီး တစ်အောင်စကို ၄၆၀၀ ဒေါ်လာ စျေးပေါက်ကာ တရိပ်ရိပ်တက်လာနေပါတယ်။
ရန်ကုန်တိုင်းဒေသကြီး ရွှေလုပ်ငန်းရှင်များအသင်းရဲ့ ဒီကနေ့ မနက်ပိုင်း တရားဝင် ပေါက်စျေးမှာတော့ အခေါက်ရွှေတစ်ကျပ်သားကို ကျပ်သိန်း ၆၀ နဲ့ စျေးဖွင့်ထားပါတယ်။
ဒီသတင်းအပြည့်အစုံနဲ့အတူ ဇန်နဝါရီ ၁၄ ရက်သတင်းများကို ဘီဘီစီရဲ့တိုက်ရိုက်ထုတ်လွှင့်မှု ဒီလင့်ခ် https://www.bbc.com/burmese/live/crkr6lm0yznt ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။
#ဘီဘီစီမြန်မာပိုင်း #ရွှေစျေး #ရွှေစျေးကွက်
