31/08/2026
Санамж бичигт гарын үсэг зурлаа
МИАТ ТӨХК, Монголын Үндэсний Олимпын хороо /МҮОХ/-той хамтын ажиллагааны санамж бичигт гарын үсэг зурлаа. Санамж бичигт талууд Монгол Улсад олимпын хөдөлгөөнийг сурталчлан дэлгэрүүлэх, Үндэсний агаарын тээвэрлэгчийн үйл ажиллагаа, онцлогийг гадаад улсын спортын болон бусад салбарт сурталчлан таниулах, харилцан дэмжих чиглэлээр хамтран ажиллахаар тусгажээ.
МИАТ ТӨХК-ийн Гүйцэтгэх захирал Т.Тэлмэн хэлэхдээ “Энэхүү санамж бичгээр бид Монголын үндэсний шигшээ багийн тамирчин, дасгалжуулагчид, арын албаныхныг бүх талаар дэмжиж, хамтарч ажиллана.Тив, дэлхийн аварга шалгаруулах олон улсын тэмцээн, уралдаан, Олимпын наадамд Монгол Улсаа төлөөлөн оролцож байгаа тамирчдыг дэмжиж, МИАТ компанийн нислэгээр нисэхэд нь тодорхой хэмжээний хөнгөлөлт үзүүлнэ. Нөгөө талаас Үндэсний шигшээ багийн тамирчид, Олимпын хорооны албан хаагчид МИАТ компанийг сонгон үйлчлүүлэх, мөн МИАТ компанийг олон улсад сурталчлан таниулна. Хоёр тал ийм хэлбэрээр харилцан ашигтай хамтран ажиллах санамж бичигт гарын үсэг зурлаа. МҮОХ 2028 оны Олимпын наадамд оролцох эрхээ авах тэмцээн, уралдаануудад оролцож эхэлсэн, одоо Азийн наадамд тамирчдаа үдэж өгөхөөр бэлтгэлээ базааж байгаа юм байна. Үүнтэй холбогдуулан МИАТ-ийн нислэгийн чиглэлүүдээр тэмцээн, уралдаанд явж байгаа тамирчдад визийн хөнгөлөлт, урамшуулал олгох, мөн тамирчдын ачаа тээшинд хөнгөлөлт үзүүлэх, цаашлаад олон хүнтэй том баг явж буй тохиолдолд тусгай үүргийн нислэг гаргаж өгөх зэргээр дэмжиж, хамтарч ажиллах бололцоотой” гэв.
МҮОХ-ны Ерөнхийлөгч Б.Баттүшиг хамтын ажиллагааны талаар “Бид МИАТ ТӨХК-тай Олимпын хорооны түншийн гэрээгээ сэргээж байна. Дөрвөн жилийн өмнө хамтран ажиллах гэрээ хийсэн. Тухайн үед Азийн наадамд оролцох гэж байсан. Тэгвэл есдүгээр сарын 19-нд нээлтээ хийх энэ удаагийн Азийн наадамд манай улсаас 300 гаруй тамирчин оролцох гэж байна. Хоёр жилийн дараа болох Лос-Анжелесийн 2028 оны олимпод манайхаас 30-40 тамирчин оролцоно гэсэн төлөвлөгөөтэй байгаа. Үүнд Үндэсний агаарын тээвэрлэгч МИАТ компанитай түншилж, тамирчдаа дэмжих нь бидний хамгийн том зорилго юм” хэмээн онцлон тэмдэглэв.
MIAT and Mongolian National Olympic Committee Sign Memorandum of Understanding
MIAT Mongolian Airlines JSC has signed a memorandum of understanding (MOU) on cooperation with the Mongolian National Olympic Committee (MNOC). Under the memorandum, the two sides will work together to promote and popularize the Olympic movement in Mongolia, to promote the national air carrier's operations and distinctive strengths internationally — particularly within the sports sector and other fields — and to support one another in these efforts.
Speaking about the agreement, T. Telmen, CEO of MIAT Mongolian Airlines, said: “Through this memorandum, we will support and cooperate with the athletes, coaches, and support staff of Mongolia's national teams in every possible way. We will offer certain discounts on MIAT flights to athletes representing Mongolia at continental and world championships, other international competitions, and the Olympic Games. In turn, national team athletes and Olympic Committee staff will choose to fly with MIAT and will help promote the company internationally. On this basis, the two sides have signed a mutually beneficial memorandum of cooperation. The MNOC has already begun competing in the qualifying events for the 2028 Olympic Games and is currently finalizing preparations to see off its athletes to the Asian Games. In this connection, we will be able to support athletes competing abroad along MIAT's flight routes through visa discounts and incentives, discounts on their luggage, and — when a large team is traveling — special charter flights.”
B. Battushig, President of the MNOC, said of the cooperation: “We are renewing our partnership agreement with MIAT. We signed a cooperation agreement four years ago, at a time when we were preparing for the Asian Games. This time, more than 300 athletes from Mongolia will compete at the upcoming Asian Games, which opens on September 19. Two years from now, at the 2028 Los Angeles Olympics, we plan to send 30–40 athletes. To this end, partnering with our national air carrier, MIAT, to support our athletes is our biggest goal.”
