12/04/2026
THE END 💔
…
في كل رحلة بنمر بمحطات بتجبرنا نقيف ونعاين لورا.. الفترة الفاتت كانت جميلة وفيها تطورات كبيرة عن السنوات الفاتت؛ قدرنا نوسع RizHub لمجالات مختلفة، من توفير مقاعد جامعية، وتكوين فريق مترجمين، لحدي السكتشات والفيديوهات القصيرة القربتنا منكم.
دعمكم كان هو المحرك الأساسي لينا، ورسائلكم هي الكانت بتدينا القوة. لكن، بالفترة الأخيرة بقينا حاسين بفتور كبير، وإنو المحتوى بقى ممل ومكرر وما قاعدين نلقى الدعم الحقيقي الـ بيخلينا نستمر.. وبعد تفكير عميق وقرار صعب جداً علينا كفريق، قررنا نضع نقطة النهاية هنا.
قررنا ترك هذه المهنة والابتعاد عن مجال المنح والاستشارات الأكاديمية تماماً.
كانت رحلة سعيدة، وبنشكر كل زول كان جزء منها..
قبل ما نمسح الصفحة ونقفل كل شيء، عايزين منكم طلب بسيط وأخير بس.. وهو كهدية وداعية مكتوبة تحت :
كذبة أبريل 🫵🤡
معقولة يا جماعة؟
مستحيل نتخلى عن كل البديناه معاكم، ومستحيل نوقف هدفنا الأساسي في نشر العلم وتوسيع مدارك الشباب وفتح أبواب المستقبل ليكم في كل جامعات العالم. نحنا همنا الأول والأخير تعليمكم، وحلمنا نشوفكم في أعلى القمم وكل فرد من RizHub يكون بصمة في العالم.
تنويه بسيط:
حنختفي فترة قليلة جداً لإعادة الترتيب والتجهيز لمفاجآت وحاجات تقيلة ومنظمة أكتر، لكن ما بننقطع أبداً. راجعين ليكم أقوى وبطاقة أكبر إن شاء الله.
