Fjord1

17/05/2026

Gratulerer med dagen! 🇳🇴

Vi ønskjer alle våre passasjerar og reisande ein strålande 17. mai-feiring! Vi er stolte av å knyte folk og stader saman – også på ein festdag som dette🎉.

Takk for at du reiser med oss og velkommen om bord!❤️

15/05/2026

🚐Gjer bubilferien din til noko ekstra ⚓

Ta ein pause frå vegen – og opplev verdsarven i Geirangerfjorden frå første rad. Køyr om bord og byt ut vegen med verdas vakraste fjord – her får du ekte fjordmagi inkludert 😉

Ferjeturen Geiranger–Hellesylt er ei fjordoppleving perfekt for deg med bubil!

👉 Planlegg din neste bubiltur og bestill reisa her:
https://www.fjord1.no/aktuelt/den-perfekte-fjordturen-for-deg-med-bubil

08/05/2026

✅ Fjord1 får grønt lys for heile sommarsesongen i Geirangerfjorden!

Sjøfartsdirektoratet har i dag gitt løyve til at MF Veøy og MF Bolsøy kan gå i ordinær rute mellom Geiranger og Hellesylt gjennom heile sesongen 2026 🚢.

🗓️ Frå 1. juni til 31. august vil sambandet bli drifta med to fartøy, i tråd med rutetilbodet som allereie er annonsert. MF Bolsøy har trafikkert sambandet sidan 1. april, og frå 1. juni kjem også MF Veøy i drift i Geirangerfjorden.

– Dette er svært gledeleg og gir tryggheit både for oss og for marknaden. Avklaringa stadfestar at rutetilbodet vi har publisert, står seg gjennom heile sesongen, seier driftsdirektør André Høyset.

Les heile saka på nettsida vår (lenke i kommentarfeltet under)👇

08/05/2026

Kan du "svelegrepet"?🤌🥞

Det finst mange måtar å ete ei svele på!

Men i følgje tradisjonen – og vår erfarne skipsførar og veteran Karstein Holm – er det faktisk ein fasit om du vil halde fyllet på plass og unngå søl!

1️⃣ Brett svela i to (Om den er passeleg tjukk, er svela tett i «ryggen» etter brett).

2️⃣Legg svela mellom fingrane, slik Karstein viser oss her. Støtt opp med tre fingrar under svela, to over🤌

✅Resultatet?
Mindre søl, meir smak og ekte nytelse!

Vil du øve deg på svelegrepet i helga?🥞Oppskrifta på verdas beste svele i kommentarfeltet👇

28/04/2026

Når Fjord1-svela blir bursdagstradisjon🧡

Ei oppskrift som aldri blir endra, ei steiketakke som blir varm før sola går opp - og lukta av nylagde sveler... 🥞 Dèt vaknar barna i denne familien til på bursdagen sin.

I over 15 år har familien gjort Fjord1-svela til ein fast del av bursdagsfeiringa. Røra blir sett kvelden før, svelene blir steikte tidleg om morgonen – og bursdagsbarnet blir vekka med song, pakkar og varme sveler på senga😍.

Les saka på nettsida vår👇 (lenke i kommentarfeltet).

27/04/2026

Lagånd, løpsglede og imponerande innsats i Bergen City Marathon! 🏃‍♀️🏃‍♂️

På laurdag stilte mange av våre operative leiarar til start i stafetten under Bergen City Marathon – eit av dei største løpsarrangementa i landet.

Med høg puls, breitt smil og solid samarbeid sprang Team Fjord1 seg inn til ein sterk 92. plass av 668 lag 🏆

Stor applaus til gjengen👏

17/04/2026

🥞Når ei svele er meir enn eit måltid💙

På Strandholmen sjukeheim i Nordmaling i Sverige jobbar norske Eva Brodersen dagleg med menneske som lever med alvorleg demens. I mange år har ho servert dei tradisjonsrike Fjord1-svelene våre, og ser noko heilt spesielt:

– Det er noko med sveler som samlar folk. Dei er enkle, gode og inkluderande, akkurat som dei beste augeblikka i kvardagen kan vere.

Dette handlar ikkje berre om ei oppskrift. Det handla om omsorg, varme - og dei små tinga som betyr mest, heilt til slutt. 💛

Les heile saka og finn oppskrift her 👉
https://www.fjord1.no/aktuelt/naar-ei-svele-er-meir-enn-eit-maaltid

På Fjord1.no finn ein oppdatert og nyttig informasjon om selskapet, trafikkmeldingar, rutesøk med meir.

15/04/2026

🚢 Sjøsetting av MS Alversund – ein viktig milepæl⚓️

I dag vart MS Alversund sjøsatt ved verftet til Brødrene Aa i Hyen – ein stor og viktig milepæl i prosjektet👏.

Med fartøyet på sjøen går arbeidet no vidare med kommisjonering av utstyr og testing, fram mot levering til sommaren.

MS Alversund skal settast inn i bybåtruta i Bergen, og vert ein del av det daglege kollektivtilbodet mellom Strandkaien-Frekhaug- Knarvik.

Vi takkar Brødrene Aa og alle involverte for godt samarbeid så langt – og ser fram til neste fase på vegen mot ferdig fartøy!

📸 Sjå bileta til Samferdselsfoto frå sjøsettinga👇

01/04/2026

I dag startar eventyret på Geirangerfjorden! 🌊

Endeleg kan vi ønskje reisande velkomen om bord på turistruta mellom Geiranger og Hellesylt 🚢 Denne sesongen får du oppleve ei av verdas vakraste naturperler saman med oss i Fjord1.

Turen går gjennom Geirangerfjorden – med stupbratte fjell, majestetiske fossar og eit fjordlandskap som tek pusten frå dei fleste. Det er ikkje utan grunn at fjorden står på UNESCO si verdsarvliste 💙

Tusen takk til alle reisande som stod klare på kaia til første avgang i dag – og til vårt dyktige mannskap som tok så godt imot!

📸 Sveip gjennom Samferdselsfoto sine bilete og la deg inspirere til eit besøk – kanskje allereie i påska? ⛴️

Velkomen om bord! 💛

30/03/2026

Påskeutfarten er i gang, og det betyr fleire reisande og litt ekstra liv i ferjekøane🐥🚖🚜. For at alle skal få ei trygg og smidig reiseoppleving, minner vi om Ferjevettreglane – like nyttige som fjellvettreglane, berre litt meir maritime😉⚓

👇Hugs spesielt i påsketrafikken:
- Møt opp i god tid.
- Følg skilting og mannskapet sine beskjedar.

🕓 Lurer du på når ferja går?
Helgedagsrutene finn du alltid oppdaterte på nettsida vår fjord1.no

God påske!💛

27/03/2026

Søk sponsormidlar frå Fjord1 innan 1. april! 🌟

Vi elskar å løfte fram gode initiativ – store som små – og minner om at søknadsfristen for sponsormidlar nærmar seg med stormskritt.

👉 Du må sende oss søknaden innan 1. april!

💙 Har laget, klubben, gruppa eller prosjektet ditt eit tiltak som fortener eit ekstra løft? Då håpar vi at du sender inn ein søknad!

Og takk til Levanger Håndballklubb, som sendte oss denne fine helsinga⚓

🔗 Lenke til søknadsskjema i kommentarfeltet.