10/04/2026
❄️ Takk for sesongen 2025/2026 på Sunnmørsalpane Skiarena Fjellsætra ❄️
Sesongen er no over – og for ei tid vi har hatt på Fjellsætra!
Vi vil først og fremst rette ei stor og hjarteleg takk til alle våre gjester som har besøkt oss gjennom vinteren. De har fylt bakkane med skiglede, latter og aktivitet – og gitt oss motivasjon til å stå på, også når forholda har vore krevjande.
Ein minst like stor takk går til våre samarbeidspartnarar, som gjer det mogleg for oss å halde hjula i gang og utvikle anlegget vidare:
🤝 Sparebanken Møre
🤝 Devold of Norway AS
🤝 Ålesund Protective Wear AS
🤝 RAM Entreprenør AS
🤝 Brenne Entreprenør AS
🤝 Møre Trafo AS
🤝 Sykkylven Stålindustri AS
Vi vil også takke våre dyktige tilsette, som har levert kvalitet kvar einaste driftsdag – og ikkje minst våre fantastiske frivillige. Uten dugnadsånda, engasjementet og innsatsen frå dykk, hadde Fjellsætra aldri vore det fellesskapet og møtestaden det er i dag ❤️
Ein sesong full av aktivitet
I lag med Sykkylven IL Alpint har vi arrangert både treningar og renn, og lagt til rette for utvikling og idrettsglede for barn, ungdom og vaksne.
Takk også til Sykkylven IL Fotball som heiv seg rundt og holdt kiosken på Stova open.
Denne sesongen fekk vi også offisielt opna både Jibbeparken og Tare Familiepark – to viktige og populære satsingar for leik, læring og meistring i anlegget.
Vi gjennomførte nok ein heilt fantastisk Sparebanken Møre Jibbecamp, med rundt 300 deltakarar, og vinterferien vart fylt med aktivitet, samhald og minner for livet 🤩
Inkludering og samarbeid
Takka vere Sparebanken Møre har vi hatt gratis skibuss gjennom heile sesongen, noko som har gjort Fjellsætra meir tilgjengeleg for mange.
Vi har også hatt Tafjord Kraft skidag, og gjennom støtte frå Gjensidige-fondet har alle skulane i Sykkylven fått gratis skidag – eit viktig bidrag til å gi fleire barn og unge gode skiopplevingar ⛷️
Når forholda har tillate det, har vi også tråkka langrennsspor, som har vore flittig brukt av både lokalbefolkning og hyttefolk på Fjellsætra.
Framover – med blikket mot nye vintrar
Det er ingen løyndom at skisenter på Vestlandet står i ein meir krevjande kvardag, med mildare vintrar og mindre stabile snøforhold. Likevel har vi jobba målretta for å halde forholda levande – og det er vi stolte av.
No går vi inn i ein periode med vedlikehald og førebuing, og vi har mange store planar vi ønskjer å realisere vidare. Men mest av alt håpar vi på stabile og snørike vinterar, slik at gjestene våre får oppleve Sunnmørsalpane og Fjellsætra på sitt aller beste ❄️
No er vi klare for vår og sommar 🌱
Helser også til våre god naboer på Strandafjellet.
Men før vi veit ordet av det – så er det vinter igjen 😉
Tusen takk for sesongen – vi sjåast på Fjellsætra!
