16/05/2026
Respect 🙏
यो कथा केवल संघर्षको होइन, अठोट, आत्मविश्वास र मेहनतले जीवन जित्न सकिन्छ भन्ने जीवित उदाहरण हो।
चितवनका २६ वर्षीय सुन्दर पौडेल, जो सुन्न र बोल्न सक्दैनन्, तर उहाँको साहस र मेहनत भने हजारौँलाई प्रेरणा दिने खालको छ।
हाल बुढानीलकण्ठमा बसेर स्नातक तेस्रो वर्षमा अध्ययन गरिरहनुभएका सुन्दरले जीवनका चुनौतीलाई कहिल्यै कमजोरी बन्न दिनुभएन। पछिल्ला २ वर्षदेखि काठमाडौंमा राइडरको रूपमा काम गर्दै उहाँले ५ हजारभन्दा बढी राइड सफलतापूर्वक पूरा गरिसक्नुभएको छ।
बोल्न र सुन्न नसक्ने भएकाले यात्रुहरूसँग उहाँ प्रायः मेसेजमार्फत संवाद गर्नुहुन्छ। कहिलेकाहीँ फोनमा समस्या आउँदा अप्ठ्यारो अवश्य हुन्छ, तर उहाँको हिम्मत कहिल्यै कमजोर हुँदैन।
यति मात्र होइन, उहाँले पछिल्ला ५ वर्षदेखि सेफ (Chef) को रूपमा पनि काम गर्दै आउनुभएको छ। दिनभर राइडरको जिम्मेवारी निभाउने र बेलुका सेफको काम गरेर आफ्नो भविष्य निर्माण गर्दै अघि बढिरहनुभएको छ।
शारीरिक सीमितता कहिल्यै सपनाको बाधा हुँदैन भन्ने कुरा सुन्दर पौडेलले प्रमाणित गर्नुभएको छ। अहिले सामाजिक सञ्जालमार्फत उहाँको कथा धेरैसम्म पुगेपछि धेरैले उहाँलाई चिन्न थालेका छन्, सम्मान गर्न थालेका छन्, र सहयोगको हात पनि बढाइरहेका छन्। 🙏❤️
सुन्दर दाइको यो संघर्षले हामीलाई एउटा ठूलो सन्देश दिन्छ "यदि मनमा दृढ इच्छा र निरन्तर मेहनत छ भने, कुनै पनि कठिनाइले तपाईंको बाटो रोक्न सक्दैन।" 🌼
सुन्दर पौडेलजस्ता प्रेरणादायी व्यक्तित्वलाई सलाम। ❤️
