09/08/2023
हामी सबै कोही पश्चिम , कोही दक्षिण र कोही उत्तरबाट नै आएका हौं र सबै आ आफ्नो धर्म संस्कृतिमा रमाउँदै मिलेर यो देश बनाएका हौं ।
अगाडि नेवार र लिम्बू , पछाडि राई र तामाङ्ग मास्तिर मगर तलतिर गुरुङ्गको घर बीच सबै मिलेर बसेको मेरै र हाम्रै जस्तै यस्तै यस्तै मिश्रित बस्ती छ यहाँ । जनजाति महिलाले रातो पहिरनमा तीज मनाएको किन नहोस या अरु कोही साकेला र धान नाचहरुमा रमाएको किन नहोस त्यो दृश्यहरु मनमोहक र सुन्दर छन । केही त्रुटिहरू होलान समय क्रम सँगै सुधार हुँदै जादैछन , जानेनै छन । यही सदभाव र विविधता नै हाम्रो सौन्दर्यता हो । आजको दिनले हामी सबैमा विगतको सहिष्णुता कायम राख्न र यो देशमा सदैव सदैव मिलेर बस्न तथा यो देशलाई विश्वकै उदारणिय देश बनाउन प्रेरणा देओस ।
अन्तर्राष्ट्रिय आदिवासी दिवसको शुभकामना ।
