19/02/2026
ππππππ ππππππ πππππππππ ππ ππππ πππππ πππππ πππππ ππ πππππππππ ππ πππππ ππππππππ πππππ ππ πππ ππππ
π
ππ πππππ
Naglabas ang Land Transportation Office (LTO) ng isang "Show Cause Order" laban sa Philippine National Police (PNP) bilang rehistradong may-ari, at sa driver ng isang Mobile Patrol na sangkot sa isang insidente ng paglabag sa batas trapiko na na-viral sa social media. Nagmula ang aksyon na ito sa isang imbestigasyon ng LTO batay sa isang video na ipinost sa Facebook, na nagpapakita ng isang pangyayari sa Taft Avenue malapit sa Philippine General Hospital.
Ang video na sinuri ng LTO ay nagpapakita ng Mobile Patrol na biglang sumingit sa isa pang sasakyan. Higit pa rito, ipinakita rin sa video na nanatiling nakahinto ang patrol vehicle habang berde ang traffic light, na nagdulot ng pagbara sa daloy ng trapiko, at umusad lamang nang maging p**a ang signal. Ang mga aksyon na ito ay naglikha ng isang mapanganib na sitwasyon sa kalsada at nagtaas ng mga alalahanin tungkol sa pagsunod sa mga regulasyon sa trapiko at ligtas na pagmamaneho, lalo na mula sa mga opisyal ng tagapagpatupad ng batas na inaasahang maging halimbawa.
Dahil dito, iniuutos sa rehistradong may-ari at sa driver na humarap sa Intelligence and Investigation Division (IID) ng LTO sa East Avenue, Quezon City. Kinakailangan nilang magsumite ng isang verified na komento/paliwanag upang ipahayag kung bakit hindi sila dapat kasuhan ng Reckless Driving, Obstruction of Traffic at kung bakit hindi dapat suspindihin o bawiin ang lisensya ng driver dahil sa pagiging isang Improper Person to operate a motor vehicle.
Samantala, ang lisensya ng driver na sangkot ay agarang sinusoinde sa loob ng siyamnapung (90) araw at inutusan itong isuko agad bago ang nakatakdang pagdinig. Dahil dito, ang Mobile Patrol ay isasailalim sa alarm status upang maiwasan ang anumang transaksyon habang nakabinbin ang imbestigasyon.
Ang hindi pagdalo o hindi pagsusumite ng komento sa itinakdang petsa ay ituturing na pagtalikod sa karapatan nilang marinig sa imbestigasyon na ito. Magpapatuloy ang LTO sa pag-iimbestiga at gagawa ng rekomendasyon batay sa mga impormasyon na nasa kanilang records. Maaari silang magpatulong sa isang legal counsel sa panahon ng imbestigasyon.
