17/03/2026
We hope for everyone's understanding. 😫
Presyo sa krudo dili na pasigo sa digital board
Gipangitaan nalang og paagi sa usa ka pump boy nga maklaro gihapon ang presyo sa ilang baligya nga diesel sa usa ka gas station sa Ulas, Davao City human dili na pasigo sa ilang digital board gumikan milapas na 3 digits ang presyo.
Gigamitan og nalang og p**a nga tape aron mabagay sa kolor sa ilang board gumikan kapin na sa 100 ang duha ka matang sa ilang diesel nga mao ang fuel saver diesel nga mukantidad na sa P104.40 matag litro samtang ang v-power diesel mibunal na sa P110.30 matag liter.
Kahibaluan nga una nang nagpasidaan ang Department of Energy kagahapong adlawa, Marso 16 nga mahitabo karong adlawa, Marso 17 ang dinagko nga patong sa presyo sa produktong petrolyo.
Sa presyo sa diesel dunay pagkasa gikan sa P20.40 hantud na sa P23.90 matag litro, samtang ang gasolina gikan P12.90 hantud na sa P16.60, ug ang kerosone gikan P6.90 hantud na sa P8.9.
Nagsumikad ang pagsaka sa presyo sa mga produktong petrolyo gumikan sa tension sa Middle East ilabi na kay dili makaagi ang mga barko nga nagkarga og petrolyo sa Straight of Hormuz.
Kahibaluan nga 20% sa petrolyo sa supply sa tibook kalibutan muagi sa nasangpit sa Straight of Hormuz.
