13/10/2021
SALUTE TO ALL DELIVERY RIDERS 🏍️
Hinangaan ng isang netizen ang dedikasyon sa trabaho ng delivery man na naghatid ng order niya.
Kwento ni Aera Baldivino Pascual, pasado alas otso na ng gabi at sa kasagsagan ng malakas na ulan noong Sabado nang dumating ang rider sa tapat ng kanilang bahay para ihatid ang inorder nito.
Hindi raw inaasahan ni Aera na gagawin pa iyon ng rider dahil sa sama ng panahon at gabi na.
Inalok niya ng kape ang rider at pinagpahinga muna dahil sa lakas ng ulan pero tumanggi ito dahil marami pa raw siyang ide-deliver.
Dahil ito, nagbigay na lang ng tip si Aera. Ayaw itong tanggapin ng delivery man pero iniwan niya ito sa motor at tumakbo pabalik sa kanila.
“I’m posting this guys, not to pull myself up, but to remind y’all na we should appreciate their job. Na lahat ng unos, susuungin nila para lang ma-deliver mga order natin on time. To all delivery man out there, I salute y’all! Mag-iingat po kayo lagi! Stay healthy.”
📷: Aera Baldivino Pascual
