KTS TRucking Services

23/08/2026

23/08/2026

Good morning!

Quick reminder lang: responsibilidad nating magtanong, sumita, at mag-demand ng accountability sa bawat opisyal sa gobyerno—kahit anong partido, apelyido, o kulay pa 'yan.

Hindi ibig sabihing 'pag may puna ka, "kontra" o hater ka na agad, o tinalikuran mo na 'yung kandidatong binoto mo. Part lang talaga 'to ng pagiging gising na citizen na may malasakit at totoong nagmamahal sa bansa.

Ang public office, hindi 'yan personal property. Hiniram lang nila sa 'tin 'yung posisyon at kapangyarihan nila, kaya natural lang na may karapatan tayong magtanong:

Nasaan ang budget? Ano na ang nagawa? Sino ba talagang nakinabang? Bakit napako 'yung mga pangako?

Huwag nating i-off 'yung critical thinking natin porke nanalo 'yung "pambato" natin.

In fact, mas dapat nga tayong maging mapanuri kapag 'yung sinuportahan natin ang nakaupo. Ang suportang walang tanong-tanong, hindi loyalty sa bayan 'yan—pagsamba na 'yan sa politiko.

Tigilan na rin natin 'yung laging ginagawang personal na away ang politika.

Hindi ka kaaway porke may puna ka. Hindi ka rin bayaran dahil humihingi ka ng resibo at transparency.

At definitely, hindi ka nagiging matino just because kaya mong ipagtanggol ang isang politiko kahit lantaran na 'yung mali.

'Yung mga blind loyalist na handang magbulag-bulagan, i-twist ang facts, at mang-away ng sinumang nagtatanong—kahit kaninong kampo pa 'yan—malaking part sila ng problema.

Hangga't mas priority natin ang pangalan ng politiko kaysa sa kapakanan ng bansa, walang totoong pagbabago.

Kung gusto talaga nating baguhin ang takbo ng Pilipinas, baguhin muna natin ang mindset natin bilang mamamayan: maging mas mapanuri, matutong maningil, at manindigan para sa totoo kahit hindi pabor sa sarili nating panig.

Dahil ang Pilipinas ay hindi umiikot sa iisang apelyido, partido, o kandidato.

Bayan muna, bago politiko.

22/08/2026

LACSON SA PAG-UUSAP NILA NI SEN. LOREN LEGARDA BAGO UMESKAPO: “PARANG GUSTONG UMIYAK” ANG BOSES, PERO “GANYAN TALAGA ANG BUHAY”

May emosyon sa boses ni Sen. Loren Legarda nang makausap siya ni Sen. Ping Lacson, ayon mismo sa senador.

Sa panayam sa DWIZ, tinanong si Lacson tungkol sa naging usapan nila ni Legarda, na kasalukuyang nasa gitna ng isang health-related issue at nasa labas ng bansa.

“Sabi ko naman sa kanya [Loren Legarda], talagang ganyan ang buhay. Ang importante, ‘yong health mo. ‘Yun ang takbo ng usapan namin. I believe, tumatawag din siya sa ibang kasama ko, eh... Hindi ko na nga tinanong kung nasaan siya, eh. Ayaw ko namang tanungin.”

Nang tanungin kung malungkot o in high spirits ang boses ni Legarda, diretsahan ang sagot ni Lacson:

“Malungkot, siyempre. Parang nafi-feel ko na parang gustong umiyak, eh... Pero ganyan talaga. Ganyan talaga ang buhay.”

Sa kabila nito, sinabi ni Lacson na naniniwala siyang valid ang health issue ni Legarda at tila naiintindihan niya ang pinagdaraanan ng kanyang colleague.

Sa gitna ng lahat ng political noise, kapansin-pansin na ang naging mensahe ni Lacson ay hindi tungkol sa politika kundi tungkol sa kalusugan:

“Ang importante, ‘yong health mo.”