04/02/2021
READ || MAY byahe na uli ang mga provincial buses sa Lucena at Quezon. Basahin pong mabuti ang detalye.
IPINABABATID po sa riding public na simula sa Lunes, Pebrero 8, 2021 ay mag-uumpisa na muli ang operasyon ng Lucena Lines Inc at JAC liner. Ito ay makaraang bigyan ng pahintulot ni Mayor Roderick Dondon Alcala matapos ang masusing konsultasyon lalo't higit ang mahigpit na pag-obserba sa dapat na pairaling Health at Safety Protocols.
KABILANG dito ang pagtalima ng mga bus companies sa pagtataguyod ng Foot Bath, Body Temperature Scanner, Alcohol, Plastic Barrier at Contact Tracing Form.
MAHIGPIT din ang tagubilin ng alkalde na ito ay pawang under observation na ang ibig sabihin ay nakadepende sa mga magiging kaso ng CoViD-19.
SEATING capacity din lamang ang pahihintulutan at mahigpit na ipagbabawal ang overloading ng mga pasahero, at tanging nasa pagitan lamang ng edad 15-65 taong gulang ang kanilang pasasakayin.
SA ngayon ay Lucena-Biñan lamang ang available na ruta kasunod ang ruta na Biñan-Ayala sa Makati and Vice-Versa batay sa inaprobahang ruta ng LTFRB. May mga selected designated area lamang para sa loading and unloading ng mga pasahero.
ANG first trip sa Lucena to Biñan ay alas 5:00 ng umaga habang ang last trip naman ay alas 7:00 ng gabi. Samantalang ang first trip naman mula Biñan patungong Lucena ay alas 5:00 ng umaga at alas 5:00 ng hapon ang last trip.
PAIIRALIN ang halaga ng pamasahe na Php 224.00 - Lucena/Biñan at Php 68.00 - Biñan/Ayala sa Makati.
MANGYARING makipag-ugnayan sa JAC at LLI para sa iba pang detalye.
